مشورتكم في شراء سيارة

بتكلم لك بالواقع والرجاء كل من يقرأ كلامي يركز فيه

نحن بدولة اسلامية ومعروف هالشيء على مستوى العالم كله

ولكن الدولة تسمح ببيع اشرطة الاغاني

الدولة تسمح ببيع الدخان وهو حرام

الدولة تسمح بالبنوك الربويه وهي حرام

هذي امثلة بسيطه فقط

انت مضطر تحت النظام وهم من حلل هالشيء والذنب عليهم

وانت ما عندك طريقه دور اقساط لو ما لقيت مالك غير ايجار منتهي بالتمليك

ولو اني اشوف لو تأخذ سياره مستخدمه موديل 2010 مثلا 

تكون قيمتها رخيصة حتى لو اقساط بيكون فرق عن الجديد وتقدر عليها وتخدم معك

احسن حل لك تجمع 3000 كل شهر وجمع لك مبلغ واشتر لك سيارة مستعمله وعامل لك ورشة ومحل قطع غيار وحاسبهم كل شهر وضعك صعب وانا اخوك بنصحك ارجع لفتوى الشيخ المصلح والشيخ الفوزان على اليوتيوب واذا ماتثق فيهم مالك حل الا تجلس على سيارتك احسن وصلحها

ليش تدفع اكثر من نصف راتبك

تقدر تاخذ اكسنت قسطها 700

وتجمع الباقي من 3000 ما يجي وقت إنتهائك من اقساط الاكسنت الا وعندك قيمة سياره محترمه

وعليكم السلام ورحمة الله وبركاته

مو شرط تصوق صيارة وكالة !!! 3000× 6 = تمنطعشر الف تجيب لك سيارة كويسة فوق 2010 اطلق من التقسيط والقرض تكون ملكك محد يطالبك فيهاااا وزيد فوق البيعة خمسمية ركب تنجيد زنون شاشة لمس وحالك طيب [من رأيي كون الانسان محدود اما لو عندك خير وانت مقتدر روح طق لك اودي ار8 بي 600 الف كاش]

اللي معك وش هي وش نوعهاااا

ترة القديم مثل ما يقولون ذهب

الوالد معاه 200 ال 80 ولو تشوف الزبائن اللي عليها والله طفشونا لكن الحمدلله هالحين خفو شوي والحمدلله ما بعناااها انا مهتم فيها تحس نفسك مميز تمشي بين السيارات الجديدة محد معاه مثلهاااااا كلها حديد×حديد^^

3000 الف اقصاد يوكن اصفار

الكامري اقصادها 1600 ريال

راتبك يالغالي يسمح لك تقصد سيارة بقيمة 1800 ريال تقريبا ً

شوف اقصاد عبداللطيف جميل اعتقد هم الاقل نسبة

التاجير هذا عند البنوك والشركات

وعلى نياتكم ترزقون 

تذكر يالغالي ان من ترك شي لوجه الله عوضه الله خير منه

اقسم لك بالله اني انا تركت شغله فيها شك انها حرام وانا بحاجتها وكلت العزيز الحكيم وعوضني الله بشغله افضل من الاولى بمليووون مرره ولا كنت متوقع انها بتجي 


والله اني اخذت تأجير منتهي بالتمليك ومتنكد من الموتر وعجزت ارتاح فيه تنازلت عنه وشريت سيارة كاش بااقل من نص قيمة السيارة التأجير والحمدلله مبسوط

وشف اللي يطيحون بالقروض سبحان الله راتبه مافيه بركه ويبقى على القروض طول عمره

يااخوان الشرع واضح فلوس بفلوس ربا ( اما سالفة انهم باعو عليك حديد ورجعوا اشتروه منك هذي نص سالفه يااخي عطني سيارة اقساط جديدة وانا ابيعها مثل النظام القديم واكون على بينه )

خذ سلفه من البنك و اشتربها السياره الي تعجبك كاش بسلفه البنك

والله وانا اخوك بقول لك معلومة وما اعتقد ان شاء الله احد بيخالفني الرأي الا اذا كانت عنده وجهة نظر أخرى


يعني خلنا شوي من موضوع السيارات ، البنوك الآن على حسب اللي نعرفه ان فيه بنوك اسلامية تعطي قروض بطريقة شريعة ومباحة

يعني خلونا نتكلم شوي بجدية انت ي المواطن تقدر تقول لي من وين بتشتري بيت من وين بتشتري سيارة يعني لو قلنا السيارة جمعت لي طفسة ولا اي شي وشريت موتر


لكن مثلن بشتري بيت من وين ؟؟؟ مالك الا البنك ولا تعيش طول عمرك في اجار وبكره ولا بعده بعد عمرن طويل توفيت وتشتتوا بزارينك ما لقيت بيت يضمهم ، يعني الواحد وده ياخذ من البنوك ؟؟؟ كل واحد الحين لو تسأله عنده قرض تقول مرتاح وانت ماخذ قرض قام يتونون يقول آه و آه لكن الظروف تحد الواحد


يعني هل يعقل اني بقدر اجمع عشان اشتري سيارة محترمة توديني وتجيبني واجمع لزواج واذا خلصت كل هالمصاريف ابجمع للبيت وشف كم قيمة البيت ، والله ان يروح عمرك وانت تجمع وفي الاخير بتشوف نفسك ماتقدمت ولا خطوة



خلاصة الكلام واللي انا انصحك فيه ، خذ لك سلفة بسيطة من البنك وشف كم يقدرون يعطونك على قد راتبك واشتر موتر وصلى الله وبارك ولا كانك مجمع قرشين زودها منا ومنا وطق لك موتر 2011 وطقتها وفك نفسك بعد من الاقصاد


بالتوفيق للجميع

لو جمعت عشر زملاء واتفقتم على عمل "جمعية"

اول شهر كل واحد يدفع 3 ويكون المجموع 30 ناخدها انت مثلا وتشتري سيارة

وكل شهر الجميع يدفع وواحد يقبض 30 الف ويكون الدور بالاتفاق او القرعة

وبكده تتجنبو نار الربا والفوايد...

من قال مالك الا البنوك او تقعد ايجار طيب والناس اول كيف كانت تتملك وكان عندها سيارات وبيوت واراضي
والرواتب نص رواتب هالايام

اشكر الجميع على المشاركة وبنتظار اللي عنده اقتراح او حل لشراء سيارة بدون الدخول في امور حرام

يا t2zt2z اظاهر انت معنا عايش في كوكب الارض وشايف الاسعار وشايف المصاريف اللي كل مالها وتزيد



يعني تقدر تقول لي من وين اقل شي بتجيب 300 الف ولا 400 الف عشان تشتري فيها لو شقة مهب فله شقة


يعني بتموت عيالك من الجوع ولا بتمشي بخلاقين متشققه عشان تجمع للبيت ياحبيبي انت لو بتحسبها بحسبة بسيطة لو راتبك 8000 الالف ونقول شليت منه 4000 شف نصه شليت وجيت بعد عشر سنوات صار معك كم 480 الف هل كن الناس رواتبها 8000 وطالع بعضهم راتبه 5000 وبالواسطة جته هالوظيفة هذا غير مصاريف السيارة والمستشفيات الله لايقوله


وعلى قولتك من اول الناس تملك بيوت واراضي لاتقارن زمن أول ب الحين زمن اول 10 ريال تعبي لك الثلاجة الحين الف ريال يالله تكفي المقاضي وغيره وغيره من مصاريف الحياة انت يا انكم الله منعم عليكم وفي بيت حلال ولا انك ماتولعت من هالدنيا عشان تقول هالكلام



ماذقت مر اللي يجمع قرشه نهاية السنة عشان يسدد اجاره ، احمد ربك تراك في نعمة

ومن يتق الله يجعل له مخرجا ويرزقه من حيث لا يحتسب