أضف سؤال أو موضوع جديد          

خدمه مريحه من المرور

up 23 down 7
الشمري 1414 224
قبل 6 سنه و 7 شهر



السلام عليكم ياصداقائي 

صارت لي انا وصديقي قصه انا اشوفها وﻻ بالخيال 
السالفه ياطويل العمر خويي كان مسافر ثلاث اسابيع
وكان موقف سيارته طول هالفتره قدام بقاله فوقها 
شقق عزاب المهم اتصل علي لما وصل للرياض ورحت جبته 
من المطار يوم الخميس العصر ووصلنا لسيارته حروت
المغرب المشكله كانت فيه سياره واقف ورا موتر خويي 
ملبق ورايح مو هنا المشكله المشكله اننا انتظرنا من المغرب
الى الساعه 9 وﻻ جا راعيها لدرجه اني شخصيا خبطت شقه شقه
ادور راعيها وﻻ احد يعرفه بعد التعب والعنا والتفكير تذكرت
شخص قد قالي اذا احد سد عليك كلم المرور يتفاهمون معه
انا ماصدقته او قلت يبيلك كم يوم علشان ينظرون لسالفتك
المهم وانا ادق على الرور وقلت فيه واحد سد على موتري
وهو واقف غلط قال عطني لوحته ومواصفات السياره وقفل
والله اللذي ﻻ اله الا هو 8 دقايق بالظبط جانا رجال يركض
مقطاع الشارع يتأسف ويعتذر ولا الومه موتر خويي مغبر
وواضح انه مراح يتحرك المهم اخذناها بروح رياضيه رغم اللطعه
والقروشه ﻻكن هالخدمه من جد كبروا في عيني المرور وعرفت
ان عندهم خدمات ﻻ تعد وﻻ تحصى انا كتبت هالموضوع لاني
متاكد منها وللفايده لو احد سد عليك وطول كلم المرور وهم يتصلون
عليه بنفس الوقت والله يجزاهم عنا الف خير .







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


فعلا خدمه يشكرون عليها. .لكن المصيبه اذا الشخص مو محدث بياناته

..والله تحفر وتقعد يوم ولا يومين .عشان يجي المرور.يسحبها


up 5 down 1
لحـن المفارق 533
قبل 6 سنه و 7 شهر



قبل اسبوعين تقريباً صار نفس الشيء لنا

كنا رايحين لمطعم وموقفين بعيد عنه طلعنا لقينا واحد مسكر علينا

جلسنا ننتظره ربع ساعه ماجا اتصلنا على المرور وعطيناه رقم اللوحه ومواصفات السياره وقال موظف المرور انه اذا مارد عليه صاحب السياره بنرسل لكم سطحه يشيله
وبأقل من دقيقه بعد المكالمه جانا صاحب السياره شال سيارته

خدمه المفروض الكل يعرف عنها


up 4 down 1
rakan88 67
قبل 6 سنه و 7 شهر



والله انا سولفتها لناس قالوا قديمه بس شلون قديمه
وماندري عنها انا لو ايش ماصار لو ابي الطوارئ ﻻ سمح
الله ماوفقت والله ورا موتر وﻻ سديت على احد ابد مستعد
اتكعب نص كيلو وﻻ اسد على احد .


up 4 down 1
الشمري 1414 224
قبل 6 سنه و 7 شهر



شي حلو .. جزاك الله خير


up 0 down 0
mohammed-66 111
قبل 6 سنه و 7 شهر



ماشاء الله معلومه جديده عليه


up 0 down 0
فتى غامد الهيلا 209
قبل 6 سنه و 7 شهر



صار لي  نفس قصتك   بل الظبط  
يوم كنت في المعارض  واجيت الساعة 4 العصر  وقفت موتري   مواقف نظامية   وارجع المغرب والاقي سيارة  موقف ولا يخليني اقدر اطلع  نهائيا  
ضليت ادور على راعي الموتر ولا حصلته  الى الساعة 9 المساء   ومرت صدفة دورية مرور  وقفته وشرحتله السالفة   قلي ابشرر   
المهم  ما تركني  الشرطي  الا وسيارة  الرجال  يلي مسكر  عليي  محملة بسطحة  و على وادي  لبن  مباشر 
ملاحظة
 ( السطحة وقت تحمل  السيارة  يسحبها من الصدام  وممكن يسحب الرديتر  مع الصدام  يعني  الضرر  كبير   )
نصيحة  لا احد  يسكر على الثاني   بحجة  ممكن 10 دقايق او ربع ساعة ويرجع
 الدعوة صار فيها  اتصال من المرور لراعي السيارة  وبعدها   سحب  بل السطحة  وحجز  ومخالفة  وقت تسحبها السطحة   يطلع الصدام  و الرديتر و قاعدة الرديتر معاه 



up 3 down 1
abd_alrhmn 2352
قبل 6 سنه و 7 شهر



نفس الموضوغ حصل
بمعارض النسيم واقف نظاميا 
ووقف وراي راعي اكسبدشن 
كلمت المرور وقالوا ان صاحب السيارة ماحدث بياناته 
وعينك ع السطحه ياحبيبي والمصيبه مقفل على ٣ سيارات وبكل بجاحه
ويوم شالها المرور جا وطلع ابن اللذين 
قريب وشايفني احوس وادور عليه وماتكلم ولاقرب

ويوم شاف موتره بالسطحه جا لكن راح عليه


up 5 down 1
xpoldx 1432
قبل 6 سنه و 7 شهر



بالنسبة لي اذا اضطريت وسكرت على احد ولاني مطول مررررة
احط ورقة برقم جوالي عشان اذا جا يشوف الورقة ويتصل معي


up 1 down 0
moathyaseen 1393
قبل 6 سنه و 7 شهر



انا لي الان 20 دقيقه متصل ع المرور علشان امريكي مقفل ع سيارتي وانتظر الرد


up 0 down 0



ببلاغك عن السيارة المتوقفة أمام منزلك مع أنه يحل لك المشكله لكن قد يكشف سارق ويعيد السيارة لصاحبها اوالكشف عن مجرم او عن مطلوب فلاتتردد في البلاغ


up 0 down 0
التميز شعارنا 2018
قبل 2 سنه و 8 شهر