خدمه مريحه من المرور
23
7
إضغط هنا للإخفاء
السلام عليكم ياصداقائي
صارت لي انا وصديقي قصه انا اشوفها وﻻ بالخيال
السالفه ياطويل العمر خويي كان مسافر ثلاث اسابيع
وكان موقف سيارته طول هالفتره قدام بقاله فوقها
شقق عزاب المهم اتصل علي لما وصل للرياض ورحت جبته
من المطار يوم الخميس العصر ووصلنا لسيارته حروت
المغرب المشكله كانت فيه سياره واقف ورا موتر خويي
ملبق ورايح مو هنا المشكله المشكله اننا انتظرنا من المغرب
الى الساعه 9 وﻻ جا راعيها لدرجه اني شخصيا خبطت شقه شقه
ادور راعيها وﻻ احد يعرفه بعد التعب والعنا والتفكير تذكرت
شخص قد قالي اذا احد سد عليك كلم المرور يتفاهمون معه
انا ماصدقته او قلت يبيلك كم يوم علشان ينظرون لسالفتك
المهم وانا ادق على الرور وقلت فيه واحد سد على موتري
وهو واقف غلط قال عطني لوحته ومواصفات السياره وقفل
والله اللذي ﻻ اله الا هو 8 دقايق بالظبط جانا رجال يركض
مقطاع الشارع يتأسف ويعتذر ولا الومه موتر خويي مغبر
وواضح انه مراح يتحرك المهم اخذناها بروح رياضيه رغم اللطعه
والقروشه ﻻكن هالخدمه من جد كبروا في عيني المرور وعرفت
ان عندهم خدمات ﻻ تعد وﻻ تحصى انا كتبت هالموضوع لاني
متاكد منها وللفايده لو احد سد عليك وطول كلم المرور وهم يتصلون
عليه بنفس الوقت والله يجزاهم عنا الف خير .
إبلاغ
الردود
كنا رايحين لمطعم وموقفين بعيد عنه طلعنا لقينا واحد مسكر علينا
جلسنا ننتظره ربع ساعه ماجا اتصلنا على المرور وعطيناه رقم اللوحه ومواصفات السياره وقال موظف المرور انه اذا مارد عليه صاحب السياره بنرسل لكم سطحه يشيله
وبأقل من دقيقه بعد المكالمه جانا صاحب السياره شال سيارته
خدمه المفروض الكل يعرف عنها
4
1
وماندري عنها انا لو ايش ماصار لو ابي الطوارئ ﻻ سمح
الله ماوفقت والله ورا موتر وﻻ سديت على احد ابد مستعد
اتكعب نص كيلو وﻻ اسد على احد .
4
1
0
0
0
0
يوم كنت في المعارض واجيت الساعة 4 العصر وقفت موتري مواقف نظامية وارجع المغرب والاقي سيارة موقف ولا يخليني اقدر اطلع نهائيا
ضليت ادور على راعي الموتر ولا حصلته الى الساعة 9 المساء ومرت صدفة دورية مرور وقفته وشرحتله السالفة قلي ابشرر
المهم ما تركني الشرطي الا وسيارة الرجال يلي مسكر عليي محملة بسطحة و على وادي لبن مباشر
ملاحظة
( السطحة وقت تحمل السيارة يسحبها من الصدام وممكن يسحب الرديتر مع الصدام يعني الضرر كبير )
نصيحة لا احد يسكر على الثاني بحجة ممكن 10 دقايق او ربع ساعة ويرجع
الدعوة صار فيها اتصال من المرور لراعي السيارة وبعدها سحب بل السطحة وحجز ومخالفة وقت تسحبها السطحة يطلع الصدام و الرديتر و قاعدة الرديتر معاه
3
1
بمعارض النسيم واقف نظاميا
ووقف وراي راعي اكسبدشن
كلمت المرور وقالوا ان صاحب السيارة ماحدث بياناته
وعينك ع السطحه ياحبيبي والمصيبه مقفل على ٣ سيارات وبكل بجاحه
ويوم شالها المرور جا وطلع ابن اللذين
قريب وشايفني احوس وادور عليه وماتكلم ولاقرب
ويوم شاف موتره بالسطحه جا لكن راح عليه
5
1
احط ورقة برقم جوالي عشان اذا جا يشوف الورقة ويتصل معي
1
0
0
0
0
0
..والله تحفر وتقعد يوم ولا يومين .عشان يجي المرور.يسحبها
قبل 9 سنه و 10 شهر