ما هو سعر النترا 2013

4 5

لايمكنك التصويت حتى الحصول على 20 نقطة على الأقل
إضغط هنا للإخفاء

Golden.eagle 166
قبل 9 سنه و 9 شهر

السلام عليكم ورحمة الله وبركاته

اخواني واحبائي

من يومين نزل اعلان لسيارة النترا .. وقمت بالسوم عليها وماشيه حوالي 65 الف كلم ..

سمتها لراعيها ب 35 الف ريال .. وما عجبه .. وبدأ هو والشريطية بالمهاترات .. واتهامي ببخس السيارة .. قلتلهم هذا حراج وانا وضعت سومتي وراعي السيارة ما هو مجبور بالبيع .. وقلتلهم انه حاليا في عروض سعرها فل كامل حوالي 58 الف وكالة 2015 ..

قاموا يشككوا بالكلام علشان يمشوا البيعة لشخص جهول .. وبدأوا يقولوا كالمعتاد هذي وارد اردني وخليجي وما الى ذلك .. رغم ان الاعلان واضح ومرفق لكم واتصلت عليهم وقالوا على ضمان الوكالة .. اذن كيف وارد اردني وضمان الوكالة .. 

احس احنا في زمن الشقلبا .. يا اخي ما يصير تشكك باحد قبل لا تتاكد عشان بس تمشي بيعتك .. هذا والله اعلم لا اعرف حكمه بالدين .. هل يجوز او لا يجوز .. لكن اللي اعرفه .. انه الانسان لا يجوز ان يبخس السلعة لكن بنفس الوقت لا يجوز الجشع والطمع من الباعة 

وصدقوني ذهبت للوكالة ولاكثر من شخص خبيرين بالسيارات وقلتلهم يقيموا سيارة الاخ المعلن .. وقيموها كلهم بحدود من 32 الى 36 الف كاقصى سعر لها .. وصدقوني قالولي بالحرف الواحد اذا انت مستخدم هذا سعرها اما اذا انت شريطي نزل كمان .. وطبعا انا مستخدم .. وابغاها للبيت .. 

لكن يجيك ناس جشعين طماعين .. يقول لك .. ولا تبخسوا الناس اشياءهم .. ونسوا انهم استخدموا جشعهم وطمعهم في البيع .. ومهمتهم فقط اتهام الناس بما ليس فيهم في حال لم يتوافق سعر بيعهم مع السوم .. 

والمضحك بالامر .. في اعلانه يقول السوم على العام للمصداقية .. ويجي في التعليقات يقول جاني على الخاص كذا وكذا .. اذن وين المصداقية .. فيك تقول له لو سمحت حط سومتك على العام للمصداقية .. لكنها حركات مفهومة للجميع ولا يقع فيها غير الغشيم المسكين .. 

لا اقول سوى حسبي الله ونعم الوكيل في كل تاجر لا يخاف الله في الناس وفي البيع والشراء .. وأيضا فيمن يتلذذون برفع وخفض الأسعار على مزاجهم الخاص .. وهنا لا أعمم .. وإنما كما قال رسول الله .. الخير في وفي امتي الى يوم الدين .. فالخير واهل الخير موجودين لكنهم في هذا الموقع قلة ويجب البحث عنهم .. 

وأخيرا .. سامحوني اطلت عليكم .. لكن رسالتي .. هي تقوى الله في البيع والشراء .. وعدم دمج البخس والطمع والجشع مع التجارة .. وجعل مخافة الله على رأس التجارة ليبارك الله للطرفين ..

هذا والله أعلم ..

إبلاغ

الردود