أضف سؤال أو موضوع جديد          

رايكم في اعلان بموقع حراج السيارات

up 7 down 7
amear 1347
قبل 6 سنه و 9 شهر



السلام عليكم ..

كيف حالكم يااخواني ان شاء الله انكم بخير ..

طبعا لااخفيكم يااخواني تردد بطرح هل الموضوع

خوفا من ان يقول البعض اني اسوق للرجال بهل الموضوع

بحكم اني سبق ورديت ونزلت اسم ورشه ورقمها سابقا واتتني رسايل على الخاص كثيره انتقادات

اني اسوق للورشه او اني شريطي ومن هل الكلام وانا والله افيد اخواني

من مبدا قوله صلى الله عليه وسلم
(( لا يؤمن أحدكم حتى يحب
لأخيه ما يحب لنفسه ))

لاكن الله يسامحهم دنيا واخره

موضوعي الاساسي يااخوان اني لي فتره اتابع موضوع واحد بقسم السيارات المصدومه بموقع حراج السيارات

اسمه ابوحاتم اعتقد الاغلبيه اطلعو على اعلاناته

ولفت نظري سياراته المعروض طبعن فيه بعض السيارات طالع ارباقها وانا اشوف

ان اسعارها طيبه ماهو تسويق له لاكن اشوف اعلانات له واضفتها بالمفضله

لاكن سؤالي هل السيارات اللي معروضه كانت تاجير سابقا اذا احد سبق وزار الورشه

وماهو سبب تنزيل حدها بعض السيارات تعتبر من الفئه المتوسطه وتباع بااسعار رخيصه

حتى تصليحها مايكلف او حتى لو صدمتها قويه باامكانك ترقعها وتمشيها او تستخدم ذات الصدمات الخفيفه

زي المازدا اللي بالاعلان على سبيل المثال

فاوش رايكم باعلانات الرجال وانطباعكم

واسال الله ان يرزق صاحب ابوحاتم الرزق الحلال ماهو تخريب لسوقه

لاكن حابين نناقش عن اعلاناته واسعاره

؟؟

في انتظار مشاركاتكم يااخواني








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


وهذا رابط اعلان اخونا ابوحاتم

نسيت ان ارفقه للموضوع للي مايعرف عن اعلانات الرجال

http://haraj.com.sa/116555549/%D8%B3%D9%8A%D8%A7%D8%B1%D8%A7%D8%AA_%D9%85%D8%B5%D8%AF%D9%88%D9%85%D9%87%D8%A7%D8%A8%D9%88_%D8%AD%D8%A7%D8%AA%D9%85%D8%AC%D8%AF%D9%8A%D8%AF/




up 1 down 0
amear 1347
قبل 6 سنه و 9 شهر



ياخوي ان عنده وشفت السيارات اللي عنده هو يشتريها مصدومها بس تجيك الوجهيه معدومه هو 
يرش الرفارف ويعدلها وبعض القطع المتضرره مثال فيه صدمه وراء يشتري صدام وشنطه تشليح نفس اللون 
وكذا يعني بالعربي الصدمه اقوى وهو يحاول يزبطها حتى يتكسب من وراها 


up 4 down 0
طيب من الطيبين 246
قبل 6 سنه و 9 شهر



يعطيك العافيه على مشاركتك

نشوف تفاعل الاخوان بالموضوع


up 1 down 1
amear 1347
قبل 6 سنه و 9 شهر



هذا الرجل مشكوك بامره ناس يذمونه ولكن هو كاتب افحص قبل لا تشتري في بعض السيارات ممكن تتصلح ويجيك مكسب ولكن قليلة 


up 0 down 0
benz lover -79
قبل 6 سنه و 9 شهر



الاسعار مبالغ فيها نوعا ما 
حتى الي يبي يترزق ما يقدر

ووضع السيارات مشكوك فيها, وشروط البيع الي حاطها ماتضمن لك ولا شي واذا عربنت مايرجع لك عربونك, هذا تاجر جشع ماعنده ضمير


up 3 down 1
majed112345 855
قبل 6 سنه و 9 شهر



الاسعار مانتكلم فيها ولا ادري عنها لكن اشوف اسعار الافالون اشوفها معقوله مقارنه بااسعارها بالسوق 

شروط الرجال بالبيع مافيها اي شي ومن حقه ولو لاحظنا ان الرجال حط ملاحظه بعد شرط دفع العربون   "" يفضل المعاينه قبل الدفع "
وشرط انه لايتحمل مشاكلها او اعطالها بعد البيع فهو صادق وذكر انه يشتريها على حالتها الراهنه فكيف نطالبه بضمانها بعد البيع 


اشوف الرجال واضح وصريح.  تشتري على شوفك ونظرك وتحت مسئوليتك  افضل من اللي يمدح بالسياره وعلى مسئوليتي واذا تم البيع قال مالك شي.   اللي اوله شرط اخره نور


up 4 down 1
00o00o00 123
قبل 6 سنه و 9 شهر



اللي يتعامل بالمصدوم مايحتاج تحذير. ياشريطي ياخبرة ورش.
اذا انت مطبح بالبحر ولاتعرف تسبح تحمل مايجيك.


up 2 down 0
badalfa -39
قبل 6 سنه و 9 شهر



متابعه من اول ما كان ينزل سياراته ..فاتتني اكورد باب واحد ناسي موديلها وسعرها كان مرة طيب 

اما بالنسبة للرجال واسعاره اعتقد كويسه ... واهم شي انه يوضح اللي فيها يعني الرجال من الاخر يقول كل شي ... مو مثل بعض الشريطية الله يهيدهم يطلعها السماء وهي ماتسوى ريال 


up 1 down 0
الصمت كبرياء 328
قبل 6 سنه و 9 شهر



اسعار الرجل طبيعيه اذا ما اخذت بعين الاعتبار انها سيارات مصدومه
يمكن الصدمه يكون شكلها بسيط وتظن انها وصلت للايرباق والرديتر وبس
ويكون في بالك ان تصليحها سهل وبسيط بس بالغالب الخافي اعظم
واستحاله تحكم على سيارة مصدومة بالنظر فقط
انا شخصيا صلحت سيارة مصدومة سمكرتها وضبطتها وغيرت الوجهيه كامله
في الاخير طلعت المكينة والقير كلها مشطوبه مكسوره كسر
مع انه ثلاث ميكانيكيه فاهمين قالوا ان المكينة والقير سليمه

استحاله انك تعرف


up 1 down 0
als7aimy 1176
قبل 6 سنه و 9 شهر



والله ياغالي  انا اشوف اسعاره جدا ممتازة

بس الكلام هنا

هل القطع اللي يصلحها تجارية ام اصلية ؟؟؟؟

خاصة العكوس والاشياء الاساسية


up 1 down 0
coco13 893
قبل 6 سنه و 9 شهر



الي يبي يستخدم ومايهممه كانت السياره مصدومه او لا يشتري منه
اشوف تجي عنده سيارات مش بطاله للاستخدام والصدمه ماثرت على السياره كاستخدام مثل الصدامات الي ماوصلت للشاصي او قطعت اسلاك الكهرب الظفيرة او الصدمه بعيده عن مقدمه السياره


up 1 down 0
Pro rare 448
قبل 6 سنه و 9 شهر



انا اشوف احلى شيء قاله بااعلانه اانك تفحص اي سياره قبل لاتشتري

واللي حاب يستخدم لاشك يجيب معه ميكاتيكي وسمكري


ويروح لورشته ويختار الموتر الزين لاكن يااخوان والله بعض المواتر لفتت نظري برخص سعرها وهي مصدومه حتى لوقلنا تصليحها مكلف لاكن يبقى


سعرها طيب بعد التعديل و

الله يجزاكم خير على مشاركاتكم وتم توزيع لايكات للجميع 

ونتطلع لمشاركة باقي الاخوان لنتبادل الاراء اكثر 




up 0 down 0
amear 1347
قبل 6 سنه و 9 شهر