رايكم في اعلان بموقع حراج السيارات
7
7
إضغط هنا للإخفاء
السلام عليكم ..
كيف حالكم يااخواني ان شاء الله انكم بخير ..
طبعا لااخفيكم يااخواني تردد بطرح هل الموضوع
خوفا من ان يقول البعض اني اسوق للرجال بهل الموضوع
بحكم اني سبق ورديت ونزلت اسم ورشه ورقمها سابقا واتتني رسايل على الخاص كثيره انتقادات
اني اسوق للورشه او اني شريطي ومن هل الكلام وانا والله افيد اخواني
من مبدا قوله صلى الله عليه وسلم
(( لا يؤمن أحدكم حتى يحب
لأخيه ما يحب لنفسه ))
لاكن الله يسامحهم دنيا واخره
موضوعي الاساسي يااخوان اني لي فتره اتابع موضوع واحد بقسم السيارات المصدومه بموقع حراج السيارات
اسمه ابوحاتم اعتقد الاغلبيه اطلعو على اعلاناته
ولفت نظري سياراته المعروض طبعن فيه بعض السيارات طالع ارباقها وانا اشوف
ان اسعارها طيبه ماهو تسويق له لاكن اشوف اعلانات له واضفتها بالمفضله
لاكن سؤالي هل السيارات اللي معروضه كانت تاجير سابقا اذا احد سبق وزار الورشه
وماهو سبب تنزيل حدها بعض السيارات تعتبر من الفئه المتوسطه وتباع بااسعار رخيصه
حتى تصليحها مايكلف او حتى لو صدمتها قويه باامكانك ترقعها وتمشيها او تستخدم ذات الصدمات الخفيفه
زي المازدا اللي بالاعلان على سبيل المثال
فاوش رايكم باعلانات الرجال وانطباعكم
واسال الله ان يرزق صاحب ابوحاتم الرزق الحلال ماهو تخريب لسوقه
لاكن حابين نناقش عن اعلاناته واسعاره
؟؟
في انتظار مشاركاتكم يااخواني
إبلاغ
سيارات للبيع
الردود
يرش الرفارف ويعدلها وبعض القطع المتضرره مثال فيه صدمه وراء يشتري صدام وشنطه تشليح نفس اللون
وكذا يعني بالعربي الصدمه اقوى وهو يحاول يزبطها حتى يتكسب من وراها
4
0
نشوف تفاعل الاخوان بالموضوع
1
1
0
0
حتى الي يبي يترزق ما يقدر
ووضع السيارات مشكوك فيها, وشروط البيع الي حاطها ماتضمن لك ولا شي واذا عربنت مايرجع لك عربونك, هذا تاجر جشع ماعنده ضمير
3
1
شروط الرجال بالبيع مافيها اي شي ومن حقه ولو لاحظنا ان الرجال حط ملاحظه بعد شرط دفع العربون "" يفضل المعاينه قبل الدفع "
وشرط انه لايتحمل مشاكلها او اعطالها بعد البيع فهو صادق وذكر انه يشتريها على حالتها الراهنه فكيف نطالبه بضمانها بعد البيع
اشوف الرجال واضح وصريح. تشتري على شوفك ونظرك وتحت مسئوليتك افضل من اللي يمدح بالسياره وعلى مسئوليتي واذا تم البيع قال مالك شي. اللي اوله شرط اخره نور
4
1
اذا انت مطبح بالبحر ولاتعرف تسبح تحمل مايجيك.
2
0
اما بالنسبة للرجال واسعاره اعتقد كويسه ... واهم شي انه يوضح اللي فيها يعني الرجال من الاخر يقول كل شي ... مو مثل بعض الشريطية الله يهيدهم يطلعها السماء وهي ماتسوى ريال
1
0
يمكن الصدمه يكون شكلها بسيط وتظن انها وصلت للايرباق والرديتر وبس
ويكون في بالك ان تصليحها سهل وبسيط بس بالغالب الخافي اعظم
واستحاله تحكم على سيارة مصدومة بالنظر فقط
انا شخصيا صلحت سيارة مصدومة سمكرتها وضبطتها وغيرت الوجهيه كامله
في الاخير طلعت المكينة والقير كلها مشطوبه مكسوره كسر
مع انه ثلاث ميكانيكيه فاهمين قالوا ان المكينة والقير سليمه
استحاله انك تعرف
1
0
بس الكلام هنا
هل القطع اللي يصلحها تجارية ام اصلية ؟؟؟؟
خاصة العكوس والاشياء الاساسية
1
0
اشوف تجي عنده سيارات مش بطاله للاستخدام والصدمه ماثرت على السياره كاستخدام مثل الصدامات الي ماوصلت للشاصي او قطعت اسلاك الكهرب الظفيرة او الصدمه بعيده عن مقدمه السياره
1
0
واللي حاب يستخدم لاشك يجيب معه ميكاتيكي وسمكري
ويروح لورشته ويختار الموتر الزين لاكن يااخوان والله بعض المواتر لفتت نظري برخص سعرها وهي مصدومه حتى لوقلنا تصليحها مكلف لاكن يبقى
سعرها طيب بعد التعديل و
الله يجزاكم خير على مشاركاتكم وتم توزيع لايكات للجميع
ونتطلع لمشاركة باقي الاخوان لنتبادل الاراء اكثر
0
0
نسيت ان ارفقه للموضوع للي مايعرف عن اعلانات الرجال
http://haraj.com.sa/116555549/%D8%B3%D9%8A%D8%A7%D8%B1%D8%A7%D8%AA_%D9%85%D8%B5%D8%AF%D9%88%D9%85%D9%87%D8%A7%D8%A8%D9%88_%D8%AD%D8%A7%D8%AA%D9%85%D8%AC%D8%AF%D9%8A%D8%AF/
قبل 9 سنه و 9 شهر