أضف سؤال أو موضوع جديد          

سويت فحص لأسفل السيارة وحصلت هالاشياء

up 1 down 2



السلام عليكم اليوم رحت لمركز العضيب وسويت فحص لبطن السيارة لكزس es350 موديل ٢٠١٠ وطلعلي اشياء كثيييره انصدمت منها انا كنت اعاني من مشكلة الرجه اللي تجي الموتر اغير فحمات واخرط هوبات وترجع تررج رحتلهم اشوف المشكله طلعلي تحتاج كرسي مكينة قيمته ٢٠٠ ريال وكبس مساعد امامي يمين ٢٠٠ ريال و سحب مقص ب ٢٥٠ ريال وخرط هوبات امامي خلفي ب ٤٠٠ ريال وفحص فحمات وميزان امامي خلفي ٣٠٠ ريال وترصيص ب ١٥٠ ريال انا جيبي مابه الا حدود ١٥٠٠ طبعا هذي الاسعار بدون شغل اليد وش ضنكم اصلح وش اول شي واخلي وش ؟ 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الموضوع مصخن

أولاً ماشاء الله عليك عندك واسطه ماخذ موديل 2019 

ثانياً القطع غريبه أسعارها مافيها كسور كأنك بتسحب من صرافه 200..250..300..400.150

ثالثاً القطع رخيصه مقارنه بلكزس




up 1 down 0
ألو مرحبا 1894
قبل 6 سنه و شهر



تبي نصيحتي العضيب كذاب لكن اذا تبي ورشه تفحص لك 

موترك وبلاش في الصناعية القديم اذا تبيه اعطيك اسمه 


up 1 down 1
اببوسليمان 1830
قبل 6 سنه و شهر



اكثر من شخص يحذر من العضيب لانه يخترع لك اشياء ماهي خربانه اساسا 


up 2 down 0
ابو سعود629 4706
قبل 6 سنه و شهر



للاسف ما ادل الصناعية القديمه كل ماجيت اروحلها ضيععت 


up 0 down 0



الخرط والميزان والكبس والسحب والترصيص اصلا هذي شغل يد
كيف يعني الاسعار بدون شغل يد
فيه مراكز فحص ارخص من العضيب وممتازه مثل اليرموك
والفحص فيها ببلاش


up 0 down 0
al_orainy 56
قبل 6 سنه و شهر



وش افضل مركز فحص ؟ ويا اخوي العريني هو كاتبلي المتطلبات بورقة وقيمتهت ١٥٠٠ ويقول شغل يد ب ١٥٠٠ قلت انا شغل يد غير وهذي غير ؟ قال ايه 


up 0 down 1



شف العضيب رحت لاغلب فروعهم اي شي يقول لك فيه كبس اعرف انه كذاب وبيتفلسف عليك وش اللي كبس نلعب على بعض


يعني المساعد وشلون يحتاج كبس اذا هو يخر وبادي يتلف تغيير اذا هو سليم مايحتاج له اي شي وش اللي كبس


انا رحت برصص عندهم منيب مسوي شي ثاني قالوا بنفحص لك ببلاش قلت يله خلنا نشوف وش عندكم ، المهم ساعتين يعفطون في ذا الموتر يمين ويسار قلت اخلص علي الموتر فيه شي قال لازم يجربه الفني وانا مدري وش فيني ذاك اليوم الله مسخرني قلت يله خله يروح وراح ورجع قالوا يبي لك كرسي مكينة قلنا آمنا بالله قال يبي لك كبس سلندر قلت غيرها هذي من الكيس قالوا يبي لك مقص قلت نعم مقص يوم شافني طرت به يحسب اني جاهل قال مهب شرط مقص يمكن جلد مقصات قلت فيه فرق بين الجلدة تعبانه وتحتاج تغيير وفيه فرق بين المقص كامل قالوا هو بيشيك لك على الجلد والمقص والتالف تغيره ووزن امامي وخلفي قلت مايخالف عطني الورقة كم حسابك للترصيص واعطيه اياه وامشي


رحت لميزان متعامل معه من سنين كويس وأمين يماني طبعن بس شغله احتراف مايتفلسف ولا يحب يخسرك يعني يوم رحت له وريته ورقة العضيب قلت انا داري انهم كذابين بس انت وش تشوف اللي يحتاج قال المقصات والجلد سليمة مهيب متقطعة ولا شي ولو فيها شي كان بين معك قلت توني فاحصها مافيها شي قال كبس ذي لاتهمك والكرسي شيك عليه عند ميكانيكي اذا كان فيه رجه قوية ، قال سو وزن امامي وخلفي لأن عندك ميلان بسيط في الكفرات وصلى الله وبارك ولها حدود ستة شهور معي من وزنتها وامشي عليها بعض الاحيان والله 220 ماشاء الله ماقالت لا ولا طقطقة ولا قاله الله


لذلك لاتصدق العضيب في كل مايقولونه الناس مشكلتها هنا ياخذ بالسمعة العضيب له فروع ومعروف وكل سياراته فخمة اجل شغلهم كويس لا مهيب على كذا انا بالعكس اللي يطيرون به الناس اعرف انه يا كذاب او يبالغ


بالتوفيق


up 4 down 0
a.ibrahem 3165
قبل 6 سنه و شهر



سين سؤال ياصاحب الموضوع الرجه متى ؟؟؟ هل وهي واقفه السيارة ؟ ولا وانت تمشي اذا وصلت لسرعة معينة رجت ؟ ولا وانت تسحب فرامل مهدي ؟ حدد عشان نفيدك وش يحتاج بالظبط ولا يهمونك العضيب انتبه يلعب عليك ويزرفك ب 1000 وشوي على خالي بلاش

انتظر ردك


up 0 down 0
a.ibrahem 3165
قبل 6 سنه و شهر



المشكلة تجيني لما ادعس ع البنزين بقووه واربط فراامل يرح اما اذا كانت ماشي عادي وربطة فرامل عادي مايرج بس اذا دعست 


up 0 down 0



معناها وانت تمشي عادي الموتر مافيه شي وانت تهدي مافيه شي سواءن بقوة ولا تهديه عايدية

قصدك بس اذا عطيت الموتر وهو واقف ولا وانت بسرعة عاديه دبلت له تحس بحركة المكينة هذا قصدك ؟؟؟


up 0 down 0
a.ibrahem 3165
قبل 6 سنه و شهر



مركز اليرموك ممتاز واسعاره ارخص من العضيب
فحصه مجاني..اعرف فرع موجود بشرق الرياض
اذا تبي الوصف راسلني بالخاص  


up 0 down 0
al_orainy 56
قبل 6 سنه و شهر



ميزان المجد و اليرموك افضل اثنين بعدها يجي العضيب النصاب !

انا بعد ماصار لي حادث فالسيارة و غيرت حاجات بمبلغ و قدره 
المهم و اروح له ابي اسوي وزن اذرعة و يكتب لي قائمة فيها سحب و كبس و قلق 

وشغل اليد لحاله ب 3500 مع العلم ان السيارة شفروليه اوبترا 

قلت اها دام 3500 خل الموتر ينطق مهوب لازم قال لي السوداني ما راح تمشي السيارة الا شوي و توقفها يعني لازم تسويها 

المهم و الحادث بداية الترم اللي مضى بأول يوم الصبح 
يوم جات مكرمة الملك سلمان مكافئتين و عندي مبلغ قبل 
رحت لصناعية ام الحمام و اشتريت قطع غيار كثيرة لدرجة المرتبة الخلفية ماعاد فيه مكان هههههههههههه
تقول مقاضي بيت هههههههههه المهم و اسأل راعي المحل تعرف ورشة كويسة قال ايوه هذا صديق و يكلمه قلت ترا ما معي الا 800 للتركيب قال خلاص رح له 
و اروح 

و يركب رمان يسار بالمخرطة و ربلتين ذراع و اذرعة داخلية و خارجية 
و ربلة عكس و كبس مساعدات خلفية لان المساعدات تجي لحالها بدون يايات ولا كان ركبتها فالبيت !
و كراسي مكينة 2 و كرسي قير و سير تايمكن و شدادات المهم غيرت كل شيء فالسيارة ههههههههه كلها المجموع مع القطع و التركيب 3050 

و العضيب يقول ب 3500 شغل يد لحاله النصاب 

الزبدة ثلاث ايام فالورشة و رحت وسويت وزن اذرعة و الحمدلله الموتر تمام 

بنزل موضوع عن اللي حصل معي قريب ان شاء الله 


معليش كيف تقول هذا كله بدون شغل اليد

الاشياء اللي ذكرتها كلها شغل يد مافيها قطع

سحب مقص و كبس مساعد اول مره اسمع فيه

و سحب مقص ما ينسحب اصلا كيف يسحبونه

ترصيص هذا شغل يد

وزن هذا شغل يد

يعني كل الاشياء اللي ذكرتها شغل يد مافيها قطع غيار

بعدين وش اللي ترصيص 150 الترصيص 40 ريال لكل الكفرات

وميزان 200 ريال عند افضل المحلات كمبيوتر ليش 300 ريال

خرط 400 ريال وش عليه سلامات

يا حبيبي اللي تسويه بموترك تأكد من جلد المقصات فقط هي اللي تسبب رجه بالكامري واللكزس والافالون


up 0 down 0
ابراهيم التركـي 1068
قبل 6 سنه و شهر



انا معي كابريس ٢٠٠٥ ورحت للعضيب بسوي فحص من تحت وطلع لي اشياء كويسه ويقول خربانه 
جلد مقصات +صليب عمود كردان+ دودة دركسون +ذراع دركسون جوا و برا وسحبت لان مافيها شي وكل واحد ادرى بموتوه 

وبرضو كنت خاس انهم نصابين 


up 0 down 0
ساهر الليل ضلام 133
قبل 6 سنه و شهر



ماعرف العضيب ولا عمري جيتهم بس من قلت خرط هوبات ب 400 
عرفت ان ماعندهم سالفة ويبون يضحكون عليييك 


up 0 down 0
w.asa 2027
قبل 6 سنه و شهر