لماذا البعض لا يرضى الا بالجديد فقط

31 29

لايمكنك التصويت حتى الحصول على 20 نقطة على الأقل
إضغط هنا للإخفاء

ابراهيم التركـي 1066
قبل 9 سنه و 2 شهر

السلام عليكم ورحمة الله وبركاته

البعض ينزل موضوع معي 60 الف وش اشتري سياره

الكثير يقولون له جديد وريح نفسك

والبعض مثلي انا 60 الف وش تجيب لي جديد كورولا او النترا

اشوفها كثيرة على لحيتها حتى لو جديدة

60 الف تجيب لي خيارات كثيرة موديل مستخدم حتى لو 2010 ولكن افخم واقوى واكبر

ولكن هذا يرجع لخبرة الشخص و معرفته بتعاملة مع السياره

بعض الناس ما يعرف حتى اقل اساسيات السياره

قبل اسبوع رحت للمدينة ورجعت مع عمي ومعاه جيب برادو 2010 اعتقد فل كامل

ماشي حدود 70 الف 

رحنا ورجعنا بنفس اليوم حضرنا زواج ورجعنا

كسر ظهري بالطريق ياليتنا رحنا على اللومينا افضل

اكتشفت من خلال سفري معاه والكلام معاه وهو رجل عمره حدود 50 سنه

ماهو كبير على التعامل مع السياره المفترض يكون عنده خبرة

ولكن اكتشفت انه حتى مثبت السرعة ما يعرف يشغله

لدرجة حتى زيت السياره ما يدري هو فيه عيار او يقول يمكن الكتروني

كيف عيار الكتروني ؟؟؟

قال ما قد اشتريت سيارات مستخدمه الا مرتين

كابرس 84 وهذا قبل سنين طويلة كان مستخدم سنه او سنتين جديد يعتبر ويقول مستخدم

و كابرس 91 وكان على وقته عمره سنه او سنتين باقي موديل حديث

يقول اذكر العيار كان عادي صيخ

طيب نفس العيار حق موديل 60 هو نفسه حق موديل 2015

يقول مدري كنت اتوقع السيارات الجديدة عيار الكتروني

هذا وش يدل عليه

انه ما عمره فتح كبوت السياره اصلا

وش يفتح الكبوت يسوي وهو ما يعرف عيار الزيت ولا يعرف شكله

اقوله كيف السياره ماشيه 70 الف حتى لو توك متعلم السواقه بتحتاج صيانه عاديه مويه وزيت

يقول كل 10 الاف اوديها الوكالة ويسوون صيانه ولا عاد افتح الكبوت ابدا ولا اعرف شيء

بدأ كلامي معاه كنت اسوق فيه ومثبت السرعة

وقبل المدينه بشوي وقفنا نصلي المغرب ورجع يسوق هو

وكنت مثبت السرعة وتركنا السياره شغاله 

ومثبت السرعة علامته بالطبلون خضراء لازالت شغاله

واشوفه بعد ما مشينا يضغط بالازرار اقول وش يسوي هذا

ويضغط الزر اللي مكتوب عليه 2start تقريبا 

المهم الزر اللي تستخدمه وقت الدبل فقط يخلي السياره تقول بالثاني مباشرة

لانه وقت تشغيل الدبل الثقيل جهد كبير على المكينة لو تقوم بالاول

وعلمته كيف يلغيه

اتوقع لو ما علمته وثبت السرعه بنطلع بالجرايد انه علق معنا مثبت السرعة

وهو ما علق ولا شيء بس ما عرف يستخدمه 

اللحين حليت لغز تثبيت السرعة ههههههههههههههه

المهم مثل عمي وامثاله ما ينفع لهم الا جديد لانه مستخدم راح يتعبهم

رغم ان المستخدم بالنسبة لي افضل كقيمة وفخامة مقابل السعر

ولكن هم ما ينفع لهم

لانه حاليا مستأجر اكسنت لولده بثالث ثانوي ولها شهر معاه

يقول انتظر الكامري الجديدة تنزل عشان اشتريها

تشوفون هو وعمي الثاني معاه فورنشر وكلهم رايحين فيها ما يعرفون شيء

عاد اسولف معاه عن الازيرا انها عمليه وحلوه ورخيصة بسعر 25 تجيب لك موديل 2008 نظيفه

افخم من الكامري واقوى ومكينة اكبر وقطع غيار رخيصة مقارنه بالكامري الجديدة

لكن بعد ما عرفت انه ما يعرف حتى يعاير الزيت سكتت ما عاد تكلمت

------------------------------------------------------------------------------

نقطه ثانية الازيرا لها 10 ايام معي وكل يوم اكتشف فيها شيء 

راعيها الاول الظاهر نفس الشيء يعرف يعاير زيت ومويه بس ولكن ما يدري وش القطع الاستهلاكية

ولكن السياره ماشيه معاه تمام

كنت اشوف الكوع وقاعدة الكوع حقت موية الرديتر مصدية ورايحه فيها

وناوي اغيرها ولكن خلني ابدأ بالجلد ومسامير التوازن ولو توفر فلوس غيرت الكوع والقاعدة

قبل كم يوم طلعت من البيت مشوار قريب حق ابو 10 دقايق الطريق

اشوف السياره متغيرة علي عزمها ضعيف 

ما سمعت صوت المكينه زين المكيف شغال ولكن تجاوب السياره ضعيف

والحراره طبيعية تحت النصف بشوي نفس حرارتها العادية 

وصلت قريب من عزيز مول قلت السياره فيها شيء 

بوقف اطفيها وارجع اشغلها ممكن تتحسن

مجرد ما هديت قبل ما اوقف طفت السياره من نفسها

توقعت السياره مكتمة باقي اقل من دقيقة واوصل مشواري

كنت رايح المول ووصلت المواقف خلاص بدور موقف بس

رجعت شغلتها مره ثانيه شفت التشغيلة ثقيلة

اشتغلت معي وقفت السياره بالمواقف واول ما وقفت طفت مره ثانيه من نفسها

نزلت افتح الكبوت الا الحراره لهب نار

رغم انها بالامبير طبيعية جدا

امسك غطاء الرديتر بارد ؟؟؟

وش السالفة

طلعت المشكلة تهريب من الماصورة تهريب كبير والرديتر فاضي مافيه شيء

عشان كذا مافيه مويه عشان يسخن الغطاء

لكن الغريب الامبير طبيعي

رجعت اشيك على الامبير لقيته ارتفع

ارجع بعد نص دقيقه احصله ارتفع اكثر

عرفت انه مافيه ضغط موية عشان يترفع الامبير اصلا

ركبت تاكسي ورجعت اخذت اللومينا وعبيت جالون مويه كبير وجيت

بعد نص ساعه تقريبا فتحت الكبوت واحط موية اشوفها تغلي يا ساتر

كان الوقت على المغرب تركتها وجيت ثاني يوم الصباح فيه محل رديترات قريب 

اقل من دقيقتين يعني حتى لو بدون موية بتمشي السياره عادي

حطيت مويه اشوفها تنزل على طول وكان بالنهار شفت مكان التهريب ما يتصلح معدوم 

رحت محل رديترات قال لازم ميكانيكي 

المهم رحت ميكانيكي قريب منه وشريت القاعدة والبلف و كوعين 

المصيبه الاكبر بعد فك القطع شفت المصايب ما ادري كيف كانت السياره ماشيه

حتى بعض المواصير شبه مقفله والبلف نفسه كان معلق على نصف فتحة ما يتحرك

لاحظت بعد ما غيرته الحراره تتأخر ما ترتفع

والبلف القديم كانت ترتفع بسرعه لقبل النصف وتثبت عرفت انه فعلا كان معلق

عشان كذا فعلا فيه ناس ما ينفع لها الا جديد وكل ما يخلص اقساطها يطلع جديد

لدرجة بعض الناس كل سنتين او ثلاثه قبل ما يخلص الاقساط والسياره لا تزال جديدة

يبدلها من الوكالة ويعتبرون السياره القديمة مقدم له او يقيمونها ويطلع جديد

ويستمر طول عمره اقساط بأقساط

بعض الناس يشتري سياره مستخدمه ولا يشيك عليها ولا شيء

ينتظرها حتى تخبط ويقول خربت ما عاد ينفع الا جديد

طيب فيه قطع لابد من تغييرها فورا اول ما تلاحظ انها خلاص استهلكت

لا تنتظرها تخرب بشكل نهائي وتقول السياره فيها مشاكل

الغريب صاحب السياره يقول فيها نقص مويه ويعرف الشيء هذا ولا فكر يدور التهريب وين

إبلاغ

الردود