ارجو حذف الموضوع

لاموصحيح صاحبك من وين جاب المعلومه ذي السيارات الجديده محتكره من الشركات وماتقدر تجيب سياره وحده اذا تقصد سيارات الخليج فهي نفسها من المصنع بس تختلف المواصفات

من وين المعرض يجيب سيارات نفس الي عندنا لكن جودها سيئة ؟

لا ياخوي لا تنشر كلام مغلوط الله يهديك


لعلمك المعارض الكبيره مثل الفلاح وعماد الدين وبن وزير

الوكيل يعتبرهم مسوقين لسياراته ويعطيهم باسعار وكميات غير الزبون العادي

عشان كذا اسعارهم غير


واللي يقول اجل ليش الوكاله اغلى ؟ 


عشان التاجير المنتهي بالتمليك 


الزباين لو شافو السياره بمليار مافرقت معهم




اهم شي القسط قليل

كلهم واحد الوكالات والمعارض فيهم النصاب وفيهم اللي يخاف الله

على كلامه من برا السعودية 
بس مدري اي دولة 

اخوي علي 
انا قولت الكلام ماحطه بذمتي 
مجرد ناقل 

عزيزي انت ماتتكلم عن اجهزه منزليه او ادوات ..انت تتكلم عن سيارات مافيه شي اسمه هاذي 
كورولا صناعه رديئه وهاذي الكرولا الاصليه (مثال فقط) الوكيل هو المورد والمعرض زبون جمله
وللعلم الفرق في السعر غالبا مو كبير زي ماذكرت

غلطان والدليل الموزعين الي بالمعارض لما تطلب منهم اي سياره يقولون نوفرها لك بالمواصفات الي تبي واللون الي تبي  هذا يدل على انهم بيجبونها من الوكاله وبعض المعارض تجيب من الخليج  بس الموزعين اكثرهم من الوكالات 

لا ي صاحبي انا اقلك احينا تجي عروض. على السيارات من الشركات وشرطيه يشترو بس مافيه شي ثاني 

كل السيارات اللي انت شايفها طالعه من نفس المصنع
مثلا الكورولا كلها نفس الصناعة لاكن يفرق في المواصفات للدولة اللي يتم التصدير لها مثل الخليج
له مواصفات و الامريكي غير و الكندي غير ممكن الفرق يكون في مواصفات تزيد او تنقص او اكسسوارات
او بعض القطع مثل حجم الرديتر لاكن مستحيل تكون اقل جودة و اذا كانت فعلا اقل جودة هل تتوقع الوكالة رح تقبلها
اذا فيها مشاكل مكينة و قير افرض على كلامك اخذت سيارة من المعارض و على ضمان الوكيل و التزمت بصيانة
بحكم ان السيارة جديدة كذا الوكيل ماله حجه علي طيب افرض المكينة راحت بعد كم شهر على كلامك الحين الوكالة
ملزومة تركبلك مكينة جديدة طيب على سيارة مثل الافلون او التوريس و المكسيما يعني فئة 6 سلندر المكينة رح تكلف
حول 30 الف وكالة جديدة طيب الحين كم ممكن المعرض يكون دافع للوكالة عشان تقبل تتحمل المبلغ ذا ؟
اكيد فوق 30 طيب كذا هو كلف على نفسه اكثر من قيمة السيارة "السليمة" ... كلام غير منطقي و تقدر تشيك في
الوكالة على سعر المكينة اذا ما صدقت ...

على طاري الوكالات اليوم رحت لوكالة تايوتا في ينبع مع صاحبي يب يشري هايلكس غمارتين قالوا سعرها بدون عازل حراري 90600 بدون تأمين وبالعازل 92600 وتحجز ويدقون عليك خلال اسبوع اذا طلبت العازل  واذا تبي بدون عازل اصبر شهر او شهرين وتهاوشت معه يقول الأوليه للي طلبوا عازل نصابين همهم الماده وطلعنا ورحنا للمعارض لقينا اللي اخص من الوكاله ب98 منقول بسمك يعني فرق 8000 واتصل على واحد في جده صاحب معرض قاله ب95  بالمختصر الوكاله تزبط الأوضاع للشريطيه بتاخير وصول الطلبات والمعارض يستغلون الوضع ويرفعون الاسعار  ونصحته بالخليجيه 77 باسمك ووفر حول 20000 الف 

اغلب المعارض مايشترون السيارات من الوكلاء اصلا
الوكلاء هم اللي يوزعوا سياراتهم على المعارض 
لان الوكالات احيانا تكون السيارات عندهم ممتلئة خصوصا لاكانت موديلات
جديدة فيوزعوها على المعارض
ويقولون لهم بيعوا السيارة اقل من الوكالة بحدود 5 الاف 
وياخذ صاحب المعرض نسبة من كل سيارة يبيعها لصالحه من الوكيل
يعني اذا شفت معرض مليانة سيارات جديدة اعرف انه مستاجر قيمة المعرض
فقط والسيارات اللي عنده مب له بل للوكيل لكن هو يعطيك فواتير 
انك ماخذ السيارة من عنده على اساس انه موزع مو يشتري سيارات

عليك اثم و وزر لو انتشر موضوعك بين الناس

طيب هل تعتقد ان الوكالة غبية الى درجة انهم يقبلون يدخلون السيارات الردئية جدا

للضمان ويبتلشون فيها لو فكرت فيها لحظة بسيطة عرفت الاجابة ومثل ماقالوا لك الشباب

مافيه شي اسمه صناعة درجة اولى ودرجة ثانية بالسيارات

انت خطير صراحة شكله خويك شارب رد بول مشكلتنا كل واحد يجيب كلام من راسه