أضف سؤال أو موضوع جديد          

السيارة علي السوم ..وتري ابزعل لو ماسيمت بالسعر اللي بخاطري

up 15 down 0
وليد 66 221
قبل 6 سنه و 6 شهر



احيانا وانا اشوف بعض الاعلانات احس فيها شوي غراابه ..يجي واحد ويقول السيارة علي السوم ..يجي واحد ويحط سومة من وجهة نظرة انها مناسبة وبكيفة هو ماقال لازم تبيع بسومتي..المهم يرد عليه صاحب الاعلان بزعل وانك ماسمت سياراتي بسعر مناسب .. طيب معناها انت حاط في بالك سعر محدد لسيارتك وماراح تبيع باقل منها ...وتنتظر احد يسوم سيارتك باعلي من سعرك المحدد ..اجل تكفي بدون شطارة والناس صارت تعرف كل شي وتعرف الاسعار ..حط لسيارتك سعر محدد واللي قريب منك راح يتواصل معك .. يعجبني بعض الاشخاص يقول السوم مفتوح لو بريال ...وفعلا كلامه لاننا بسوق حراج ومجال السوم مفتوح للجميع ..والراي الاول والاخير لصاحب السيارة في البيع .. يعني محد يجبرة علي البيع بالسومه ..بس المهم لايزعل وهذا المهم ويتحول الموقع احيانا مجال للشتم والاخذ والرد ويتحول الاعلان الي مايشبه التشات...لذا انصح الاخوان اللي ينزلون اعلانات وهم عصبيين شوي انهم يحطون اسعار محددة لسيارتهم افضل لهم وللمشتري ..وللجميع محبتي وتقديري ..







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


فعلن اخوي صايره بكثثره 



up 0 down 0
احمد القايدي 208
قبل 6 سنه و 6 شهر



يا اخي
اللي زعلك اللي يبخس السلعة

يا انك تسوم وانت فاهم وش اللي تسومه والا لا تسوم

يعني سيارة تسوى 80 الف اجي اسومها ب 30 الف
وين يا عمي عايشين و ما تبغاني ازعل
لا معليش بازعل وباسويله حظر بعد

و الثاني اللي يجيك يسوم بسومه اقل من اللي قبله
داخل و مدرعم ومطفي النور

الواحد لا جا يسوم يسوم بعقل و بصدق وبمعرفة في السلعة عشان لا تقلل من قيمة السلعة

و وضع الحد شي طيب في الاعلان 
تريح الناس و تريح راسك

ذكرني موضوعوك بالمزادات الأمريكية
يوم ما يجي البايع يحط السيارة يحط سعر ابتداء البيع
اذا وصلت المزاوده حد ابتداء البيع فلازم عليه يبيع 

ولك لايك


up 4 down 0
checkpointksa 543
قبل 6 سنه و 6 شهر



الي يقول ترا بزعل قل له جعلك ماترضى ولا دق راسك في الجدار<<<<<قديمة هههههههه


up 3 down 0
-aboatb- 1853
قبل 6 سنه و 6 شهر



بعضهم يقول البيع لااعلى سومه !! بعد ماتوصل اعلى سومه مثلا 50 الف يجيك يقول لا انا طالب فيها 60 الف هههههههههههههه طيب ليه تخلي الناس تسوم وانت حاد السياره !!! حد السياره من الاول وخلص علينا


يارجال لو خلصت كل سيارات العالم ومابقي غير هذا الموقع مافكرت أشتري سيارة من هنا لانهم كذابين وطماعين وغش عيني

عينك الامن رحم ربي ونسبتهم 1% ............................................


up 2 down 0
مستر بن . 10378
قبل 6 سنه و 6 شهر



مايقهرك الا الي يقول حد علينا السياره وذا حديته له مثلا80 قال اسوم 65 وذا ماعجبتك اعتبرها 
فتحت باب طيب ليش تاقف في حلقي علشان احدها لك


up 0 down 1
ابو.zozo 509
قبل 6 سنه و 6 شهر



الي يقول البيع لأعلى سومة و بعدين يقول حادها بسعر اعلى بكثير من اعلى سومة هو فعلا حاط سعر براسه بس يقول في نفسه يمكن اطيح بواحد دلخ


up 0 down 1
ssulltan 1512
قبل 6 سنه و 6 شهر



المفروض كل معلن يحط سعر يبدأ منه السوم أما اذا تركه مفتوح فذنبه على جنبه و برضه فيه ناس وسيعة وجه يدري ان السيارة تسوى 100 الف و يسومها بخمسين. حتى بالمعارض تدخل سيارتك و هي تسوى مية الف و يجيك واحد مطفي النور و يسومها بثلاثين بكل بجاحة.


up 1 down 0
More 103
قبل 6 سنه و 6 شهر



كثير من الناس اللي في الموقع عنده اكثرمن يوزر .يعرض موتره للبيع وهو نفسه بيوزره الثاني يزاود ..عشان كذا تلقى بعض الناس يسوم باقل من السومات اللي قبله يعني انا مثلا راح اسوم الموتر بالسعر اللي اشوفه يستاهله وبسعر السوق ومو معناته ان اللي قبلي سامه بسعر مبالغ فيه اني لازم اسومه بسعر اعلى منه ؟؟ لان ممكن اللي يزاود هو نفسه صاحب الموتر 


up 1 down 0
DRaG 1 102
قبل 5 سنه و 9 شهر



علما نني لم ابخس سياره في الموقع وما سمت سياره باقل من السوم اللي قبلي ..ولكني التمس العذر لبعض من يسوم باقل من السومه اللي قبله
 


up 1 down 0
DRaG 1 102
قبل 5 سنه و 9 شهر



يجب على البائع ان يضع حد ادنى للسعر يبدأ منه السوم
فمثلا يقول (السوم لا يقل عن 30الف) وهكذا يضمن سعر افضل ولا احد يجي يبخس سيارته
واشكر الاخ صاحب الموضوع والاخوة المشاركين في التعليقات
وتقبل الله صومكم


up 1 down 0
ابوعمر1405 -56
قبل 5 سنه و 6 شهر