مضحوك علينا .. كامري قطعها رخصية

التايوتا مضروبة وسلامتك بسبب الوكيل وسلامتكم لاعبن في خلق الله 

التويوتا بالنسبة لي وقف اصدارها ٢٠٠٢ 
وبعدها اتجهت للشفر كعائلي 
ولهونداي كسيارة احتياجت للمنزل 

اللي رخيص في القطع حقت الكامري التجاري والشركات الثانية غير الوكالة من واقع تجربة بس اصلي وكالة غالي مرة 

ومثل ما توقعت مازدا هي سيدة هذه الفئة برخص قطع الغيار وكذلك الالتيما 

^ ياحبيب اي شي تجاري رخيص

مازدا 6 
تتفوق في الشكل والسعر 
وقطع الغيار

قطع تويوتا الاصليه غاليه  بس الي يميز تويوتا هو توفر قطع تجاريه بدرجات متفاوته مثلا الكمبرسر عندك الاصلي وكاله وفيه دينسو ينباع وفيه مايز 
وفيه ياباني درجه اولى وفيه مجدد  
وقس عليه بقيه القطع 
اما النيسان والهوندا كان اغلب الموجود في السوق قطع اصليه فقط وبسعر الوكاله الغالي لذالك اخذو الناس انطباع لاشعوري عند الناس ان اسعار 
هالنوع من السيارات غالي . اعتقد في السنوات الاخيره بداء ينزل قطع تجاري للهوندا بشكل كبير نسبيا 

كل الشركات حاليا تتوفر منها قطع درجة أقل من الوكالة مو بس التويوتا
واللي تبيه ( مساعدات - عكوس - صدام - كمبروسر - شمعات واصطبات - فحمات ..... الخ )

وش الفايدة قطع تجارية ، انا من ناحيتي الشخصية في اي سيارة استعملها امريكي ياباني كوري الخ ...

ما اشتري الا قطعة وكالة او امريكية او كورية يعني اللي اقل من الوكالة بدرجة ومهب كل شي بعض القطع ، لكن هل يعقل اركب عكس تجاري كان تلقى الموتر مع الجفر والحفر يلعب سامر يروح يمين ويسار وايضا المساعدات ركبت تجاري عمرها قصير يعني مافيه فايدة


بالنسبة لك ياصاحب الموضوع ف الناس خذوها عادة على لسانهم تقول له تويوتا يقول لك كلن يعرف يصلحها وتكرف ومكينة المليون واقاويل مدري من وين جايبينها حكي شريطية ، انا الان لما بقيس اقيس على الواقع مهب الماضي

ادري بعضهم ما اعجبه كلامي لكن انا اقول حق التويوتا تغيرت جودته وقطع غاليه مقابل سيارة سيئة في تصميمها للشكل ومركبها وقيادتها اجل ليش اشتريها

قطع تويوتا ليست رخيصة بل تعتبر غالية جدا
وعمرها الإفتراضي ما يشفع لها بأن تكون غالية بل في بعض الأحيان يكون أقل من البقية !!

لكن ميزتها الوحيدة إنتشار القطع وأماكن الخدمة ودرجات القطع
(أصلي - درجة أولى ويكون قريب من الأصلي - إلى أن تصل إلى درك أسفل)
والناس أغلبهم ياخذ درجة أولى ولا الدرك الأسفل وطبيعي بتكون رخيصة لأنها موب أصلية

قطع البي ام 530  ارخص من الكامري والكورولا 

الازيرا قطعها ارخص من قطع اليارس 

ذكرتوني بموقف قبل فتره دخلت الوكالة بشتري قزاز ددسن امامي وفي جيبي 1200 ريال وواثق ..
وشوي يقلي السوداني سعر القزاز الامامي 5500 ريال !! وهي ددسن ..

اضطريت اركب قزاز ب170 ريال لو جاه حصاه تفتت فوقي .. 
الله يستر بس .