السعر مقابل المواصفات .. موضوع للنقاش

فورد احسن شي راحه وعمليه وقطع رخيصه

السوناتا واﻻلتيما اسعارها حلوه جدا مقابل المواصفات اللي فيها

متسوبيشي باجيرو من اقوي السيارات سعر مقابل مواصفات

من الفورد !!

افضل سياره بلامنازع انتجوها هي الكراون فكتوريا. 
ممتازه جدا  ..
ولو تبغي مواصفات عاليه فنصيحه عليك بالتاون كار.

الموستنج ايضا من أفضل سيارات السبورت في العالم مقارنه بسعره المناسب.
الاكسبديشن خيار ممتاز للعائلات وسعرها ممتاز ومواصفاتها ولااروع. 

من الشفروليه !!

غير السلفارادو والتاهو لاتشتري..

سيارتهم مثل الكابرس واللومينا والافيو والابيكا والكروز والاوبترا كلها خرابات في خرابات وبتجبرك انك تصير صديق للورش والميكانيكيه.

والسبب أنهم سيارات تنتج من قبل دايو كوريا وهولدن أستراليا.  
أما السلفارادو والتاهو فتنتج من قبل جنرال موتور بأمريكا. 


من النسيان! 

البترول ممتاز جدا وسعره في المتناول. 
من الهيونداي والكيا!

لايغرك رخص اسعارهم. 
صحيح مواصفاتهم عالية مقارنه برخص اسعارهم. 
إلا أن سيارتهم تتفكك بعد مرور 5 سنين.

من التويوتا !!!!

اسعارهم عاليه ومافي مواصفات بسيارتهم.

الهونداي

جنسس طبعا مواصفاتها موب موجودة في لكزس ال اس حتى

والباجيرو سعره ممتاز جدا على مواصفاتها 

اولا الدس لايك واللايك لاتقدم ولا تأخر
اهم شي نعطي الشور اللي تبرا به الذمه
ونكسب به الاجر افضل من اللايك وغيره
اما استفسارك
ياليت تحدد بالضبط فئه معينه من كل شركه 
اما تقارن شركات بأكملها مع بعض 
فلن تكون المشوره او الاقتراح عادل
ومسائكم خير جميعا

موضوعك جميل يفتح ذهن الناس في السيارات ومعرفة مواصفاتها
مقابل السعر 
بس لاننسى المشكلة الحقبقية هي من الوكلاء تكون في تسويق سياراتهم
ابو جميل لو نزل سيارة فيها كشافات افتخر بيها في سياراته باللوحات
في لوحات الاعلان في الشوارع 
ليت الوكلاء يسووا مثله وتتفتح عقول الناس في مواصفات وتصنيع سياراتهم 
وجهة نظر 

المواصفات المفروض تكون الاساسية هي السلامه 

بعدها تجي الباقي 

انا مع اي وكيل للسيارات دام همه الاول السلامه للمشتري 

اقصد بها الاستاندر طبعا 

موضوع جميل ، لكن للاسف البعض بيفهم الموضوع غلط بيجيك الحين يقول السيارة الفلانية لأنها تكرف ومكينة المليون حكي شريطية

السعر مقابل المواصفات من ناحيتي ومع احترامي مافيه شي ، كانت الافلون 2012 سعرها مقابل مواصفاتها وقوة بديها وتصميمها هي اللي تستاهل اما الجديدة صحيح انها ارخص منها بس ماتستاهل

الشفر ماتعمقت فيها

الفورد اشوف انسب سيارة مقابل سعرها هو الاكسبدشن ومنافس قوي لليوكن والتاهو واللاند ، باقي سيارات فورد ماعندي خلفية كبيرة عنها

النيسان ما استخدمته لكن اعتقد افضلهم سعر مقابل مواصفاتها أول فئتها هي الالتيما

بالنسبة للكيا عندهم سيارتين من ناحيتي هي الافضل الآن في فئتها مقابل سعرها ، الاوبتيما يعني ب 62 الف نص فل مثبت سرعة تحكم مسجل جنط كشافات الخ ... وبمكينة 2.4 يعني من فئات الكامري والسوناتا ولاحظ الفرق في السعر بينهم الكامري اقل فئة وخفيفة كنها كرتون ب 69 اظاهر مدري بكم ، ورساوة الاوبتيما افضل من الكامري والسوناتا موديل 2014 وطقتها واللي جربها يأكد كلامي

أيضا الكادينزا ب 80 الف ماتحصل سيارة مكينتها ستة سلندر 290 حصان بقوة بديها ورساوتها وشكلها الجذاب بالاضافة اللي مواصفاتها


الهونداي اشوف الجينسس 2015 هي افضل سيارة بسعرها يعني مواصفات وهي ستاندر تعدت es ب 138 الف تاخذ سيارة دفع خلفي بدي قوي رساوة عزل تصميم جذاب ، صيانة مجانية وهي الاهم الى 100 الف وضمان خمس سنوات مفتوح هذي حلم

تحياتي للجميع واتمنى محد يفهم كلامي غلط انا ما اقول هذي احسن وهذي اسوى لكن انا تكلمت عن السعر مقابل المواصفات والشي اللي بيتقدم لك.

السيارة الوحيدة الي تستحق ان يطلق عليها سعر مقابل مواصفات هي المازدا 6
اما الباقي مبالغ في اسعارها مقابل مواصفاتها

اعطيك مثال واضح من خلال فرتي بمعارض الرياض وتسعير الهايلوكسات تخيل فرق بين الخليجي والسعوديه حول 14 الف في موديل 2014 مع ان سعر الخليجيه وارد الفطيمي 74 منقول باسمك  في معرض الشنيقي بالشفا والسعوديه 88 منقول باسمك طبعا اصفار  ولو جينا للمواصفات الخليجيه 2 ايرباق وفرامل نظام Abc وثلاجه وتكايه بين المقاعد وليد بالكشافات  وجنوط كروم ومواصفات عبداللطيف جميل هههههههه فيبر وطيس وتخشيبه واستغربت من بعد الناس عن شراء الخليجيه مع ان بعضهم يمكن متسلف دراهم لو ووفر هالمبلغ في جيبه احسن من ان احد يضحك عليه وياخذها منه مدري احس عندنا نقص في ثقافة الشراء شعب مدرعم هههههههه

تويوتا فورشنر وبرادو
نيسان ددسن
هيونداي  سوناتا والنترا وازيرا
كيا سيراتو اوبتيما كادينزا
شفر لاشي
جمس لاشي
فورد اكسبديشن