تفاعلا مع ابوسلطان ....940....الاحتساب والجزاء الجنه
22
3
إضغط هنا للإخفاء
بسم الله
السسسسسلام عليكم
اهلا بالجميع
باختصار لان كثرة الهرج على غير سنع مهيب زينه
تفاعلا مع موضوع ابو سلطان الله يجزاه الجنه
فيه حفره لها اكثر من شهرين وكل واحد كان يطيح فيها ويسلم دعوه على الي ما رممها
قلت خلني اسوي بلاغ ونرى النتائج
رحت تطبيق قوقل بلاي ( المتجر ) وحملت تطبيقهم الخاص فيهم( أمانة الرياض 940 )
كتبت جوالي واسمي
رفعت بلاغ ووضعت موقع الحفره بالجي بي اس
لا اله الا الله
دقيقه وحده ارسلوا لي رساله نصيه على جوالي برقم البلاغ
و10 دقائق فقط بعدها واتصل عليّ واحد وكلمني عن موقع الحفره بالضبط
ووصفت له الموقع
وخلال خمس دقائق ارقى السطح واشوفهم يشتغلون عليها ما شاء الله
بعد ربع ساعه نزلت ورحت اتأكد من شغلهم
للاسف ما عجبني شغلهم
كله كان تراب مع حجر رمموا فيها الحفره لكن افضل من الحفره
لكن قلت ممكن مؤقت حتى يجيبون بكرى الاسفلت ويزبطونها
ونطلب الاجر من الله
وابو سلطان له نصيب من الاجر
والسلام عليكم ورحمه الله وبركاته
انتهت السالفه خلاص قفلوا صفحه الموضوع ههههههههه
إبلاغ
الردود
4
0
بس تبغى الصراحة من يوم ما شفت صورة الحفرة قلت " كأنك يا بوزيد ما غزيت"
بس شي افضل من لاشي
1+
3
1
والا كان قلتم هذه ابرك بالف مره ههههه
3
0
جرب
حمل تطبيق بالمتجر حق قوقل
وارفع بلاغ ووضح فيه المشكله بالشارعين وتقدر تدعم بلاغك بصور
موفق
1
0
وبعد يومين الا هم سادحينه وقافطينه في امور تزوير بعض الامور
لكن مين اللي يقدم بلاغات ويهتم فمثل هذي الامور
2
2
الله يكثر من امثالكم
1
0
0
0
والمطلوب بمثل هالمواضيع التركيز على الايجابيات والابتعاد عن السلبية والحلطمة
الحلطمة وجلد الذات تأخر الشعوب اضعاف مايأخره الفساد والتسيب.
4
3
2
1
1
0
احسن شي انه الواحد مايهمل خطا صار قدامه ويتكاسل او يتساهل
وترفع من روح المواطنين
والحمدلله فعلا الاجهزة الذكية هذي وتطبيقهم فيه بيريح ناس كثير
حدد الموقع بالخريطة وحالتك تجاب فورا
جزاك الله خير
1
0
1
1
حفرة شقدها او مجموعة حفر ناشبة للكل بالحي عند مدرسة على طول الشارع يعني المار يطيح يطيح وفي المطر ماتدري مغير تحط يدك على قلبك
فينها ماتدري
0
0
0
0
ارحموا موظفين الكول سنتر !!! استخدموا النت اتعبوا شوي !
الحين تقدر ترفع بلاغاتك كلها سواء طرق ولا تجارة بالتطبيق لكن حنا لازم نكرف غيرنا بالمكالمات
خسارة رصيد وجهد وتقعد توصف للموظف ساعه كانه بيجيك في عزيمه ! حدد من الخريطه وانتهينا
بالنسبة للموضوع فمجرد التفاعل السريع هذي خطوة مبشره يشكروووون عليها
1
1
تببن الله ياخذ امنة الطايف ياشيييخ يجون بيسفلتون الشارع حلو ؟؟؟
الشارع الاول مايقشعونه لا يسفلتون فوقه يصير الشارع مرتفع وحفر المجاري مرتخيه ويصير كل حفر المجاري حفر ملعونة جدف
يعني والحل طيب ؟؟؟؟؟؟ واقسم بايات الله في شارع صغير قدام بيتي ان 7 حفر مجاري وقريبه من بعذ وكلها تعدم السياره
1
0
بعذ = بعض
0
0
اللزمووو الاستغفاار ياخواني جزاكم الله خيرا
1
0
(حديث مرفوع) حَدَّثَنَا مُحَمَّدُ بْنُ عَبْدِ اللَّهِ بْنِ مُحَمَّدٍ الْمُزَنِيُّ ، حَدَّثَنَا أَحْمَدُ بْنُ نَجْدَةَ ، حَدَّثَنَا يَحْيَى الْحِمَّانِيُّ ، حَدَّثَنَا أَبِي ، عَنْ بُرَيْدِ بْنِ أَبِي بُرْدَةَ ، عَنْ أَبِيهِ ، عَنْ أَبِي مُوسَى ، قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " الْمُؤْمِنُ لِلْمُؤْمِنِ كَالْبُنْيَانِ يَشُدُّ بَعْضُهُ بَعْضًا " . وَشَبَّكَ النَّبِيُّ صَلَّى اللَّهُ عَلَيْهِ وَسَلَّمَ ، بَيْنَ أَصَابِعِهِ .
له الاجر و اجر من تبعه شكراً لكم
قبل 9 سنه و شهر