الله يعافيكم للفيوجن عندي صوت زنزنة بالمكيف وتهريب بموية المساحات

صوت زززز الاحظه في بعض السيارات ويكون طبيعي وبعضها لا


اما الماء إذا ماكانت مكسورة القربه فأكيد بتكون جلده المشكله

احيانا لازم تدخل المنتدى محشش او سكران عشان تتحمل بعض الاسئلة

موية المساحات تعبيها وتنزل من تحت وش يعني بنظرك تمزح معك مثلا ؟؟؟

ابرايهم بقولك شي يمكن ماتصدقه على طاري تهريب موية المساحات ههههههههههه

اخوي معاه توسكان 
مايعرف وش معنى دفع امامي او خلفي
ولا يدري عن شي اسمه كم سلندر  ولايفهم اي شي فالسياره

كل اللي يسويه يغير زيت وفلتر ويمشي
اخر مره يقولي السياره عزمها ضعف 

شفت ممشى السياره وقلتله غير بواجي خلاص انتهى عمرها
المهم اتصل علي بعدفتره يقولي ياخي اعطوني 4 حبات هل هي فعلا 4 حبات ولا حبه تكفي ؟؟؟

يفكر انهم يبغون يلعبون عليه
قلت ياشيخ انت تستهبل ولا ايش
قال والله مدري عن شي
قلت ياخي سيارت كم سلندر
قال مدري

اخوي وانا اعرفه فعلا مايستهبل الرجال مايفقه شي فالسياره ولاهو مهتم فالسيارات ولايتابع اخبارها 

كئنك جبت واحد من عهد فرعون وعلميته السواقه وتغيير الزيت وبس
ولاستئله عن اي شي

فلا تستغرب مثل هذي الاسئله

موية المساحات يا الغالي اكيد القربة منشقة

الصوت هذا ززززززز تاكد وين مصدره اذا كان حول الدرج يمكن من المروحة واذا كان في الكبوت تأكد من مصدره وين عند الكمبريسر الخ ... تأكد من المصدر

بالتوفيق

للأسف البعض مايحاول يطور نفسه في عالم السيارات حتى لو ماكنت تحبها لازم تكون عندك خلفية عنها بحيث انك تقدر تعالج المشاكل اللي ممكن تواجهك في السيارة بكل سهولة ، وماتسمح لضعاف النفوس انها تستغل جهلك في السيارة


يعني انا أحمل الابوان او اصحاب الشأن نسبة من الخطأ ، يعني بعضهم يطلع لولده موتر وكالة ولو يطلع صوت قال خلها انا اروح اصلحها طيب خذه معك خله يروح يتعلم يسأل عن القطع يعرف الفرق بين الاصلي والتجاري يعرف ان القطعة او الخراب هذا يسبب كذا الخ ...

وأيضا الشخص نفسه يحاول يطور نفسه يعني احتر علي المكيف خلاص اروح اشوف الفريون يمكن ناقص اشيك على كذا الخ .... تفتفه لازم اعرف وش سببها وهل الشي هذا تالف ولا لا ، حرارة الخ ...


ما ابي اطول كثير في الكلام لكن لازم الواحد يتعلم ويتسفيد من اخطاءه
تحياتي للجميع

طيب ماطلبنا منك محاضرة الله يعافيك ^^

طيب وش فيك زعلان ؟؟؟

انا ماقلت انت ياوليد ، انا قلت البعض ، واذا كان مضايقك الرد ترى تقدر تمسحه عادي منيب زعلان

حنا هنا نفيد ونستفيد كلنا مهب كل من خذ حاجته قب ولا يعرفنا الا اذا خرب موتره