إستخدام طبيب و مسوي صيانة شاملة
18
28
إضغط هنا للإخفاء
السلام عليكم ورحمة الله وبركاته
كثرة اعلانات السياره استخدام طبيب او مهندس وهذا وش يدل عليه
من وجهة نظري ما اعتقد طبيب بيكون عنده إلمام بالسياره فقط سواق دركسون لا اكثر
ممكن لو مره عنده خبرة يعرف يغير كفر لو بنشر
هذا لشغله بعملة وقبل كذا لشغلة بالدراسة والتحضير للطب ماهو فاضي للسيارات
ولا اعتقد انه من الناس اللي تسخن السياره ولا دقيقه وحده
يشتري سياره جديدة يستخدمها سنتين ثلاثه ويبدلها
ولا عنده وقت للتسخين وراه عملية
او وراه دوام ماهو فاضي ينتظر يسخن بالسياره مثل الموظف العادي
وبالغالب حتى وقفات السياره بدون جلنط ويوقفها مايله اي كلام عادي عنده
يعني السياره اخر اهتماماته والمعلنين يحط استعمال طبيب او مهندس كأنك تبي تناسبة ويرفع من السعر
النوع الثاني معمول صيانه شاملة
هل تتوقع واحد يبي يبيع سيارته يروح يغير مساعدات وجلد مقصات مثلا ومسامير توازن
وغيرها من قطع استهلاكية كانت محتاجه لها وناوي يبيع
لانه اغلبهم يسوي صيانه وخلال اسبوع يبيعها
هل تتوقع انه راح يحط قطع اصلية ؟؟؟
ابدا مستحيل يحط قطع اصليه وهو راح يبيع
يحط ارخص الانواع وهو يبي يبيع قريب عشان اي احد يجرب يشوف السياره متماسكة
ولا اصوات ولا شيء والقطع باقي جديدة ولكن بعد شهرين تطلع لك الاصوات
اللي يقولك مسوي صيانه شاملة اعرف انه مركب ارخص الانواع عشان تضبط السياره فترة
ويرفع من سعرها
الصورة قبل ساعه تقريبا عند البيت طلعت توني راكب السياره شغلتها الا يميل علي واحد يحكني
وانا واقف مدري وش فيه مظلل كاتم والشارع ماهو ضيق لدرجة انه يصدم
ولا معاه تأمين ولا شيء خذيت رقم جواله معاه اهله مدري مين وقلت له نتفاهم بعدين
https://www.youtube.com/watch?v=D6Ude2kQ5wY
إبلاغ
الردود
0
0
ان الله يسعدك دنيا واخره ويوفقك
قسسسم بالله انك كفو انت ومواضيعك
قبل 10 سنه و 12 شهر