أضف سؤال أو موضوع جديد          

وزن المقصات والاذرعة والدركسون

up 0 down 2
underground2 106
قبل 7 سنه و 3 شهر



السلام عليكم ..

يا اخوان ابي استشيركم وما عندي علم كفاية واول مرة اوزن اذرعة ومقصات ودركسون ,, 
قبل شهر تقريبا غيرت طقم كفرات ورفعها اخونا حق الميزان وفحص , قالي لازم تعديل كفرات امامي وخلفي 
ووزن مقصات واذرعة تكلف 300 ريال في الغرابي ووقتها ما كان معي وقت ,, 
المهم رحت ورشة فيها ميزان الكتروني وفحص وقالي يبيلك تعديل كفرات امامي وخلفي ووزن مقصات ودركسون 

قلتله قبل كذا فحصت وقالي لازم سحب كفرات قالي لا ما يحتاج ,, مالكم بطول السالفة قالي اسويها 200 
بدا يشتغل عليها ,, 
طبعا بالشاشة في 7 مربعات فيها ارقام 
اول 3 مربعات فوق -0  -0  -0 
وال3 مربعات اللي في النص  -1  +8  -2
والمربع الاخير تحت +2

قلتله مو لازم تصفر كل المربعات قالي لا المهم اللي فوق ,, قلتله اوك بجرب وارجعلك قالي معك شهر 
دقيت سلف ومشيت واحس بنفس ثقل الدركسون وتحرف يمين واحيانا يسار على حسب الشارع 

اللي عنده خبرة يفيدنا 

#الجهاز نفس اللي بالصورة 
#اسف لصاحب الصورة للتوضيح فقط

http://store1.up-00.com/2015-03/1425294761011.jpg







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اذا الشارع مايل ومتكسر طبيعي الموتر يحذف يمين او يسار ، لكن رح لشارع مستوي وثبت الطارة وفكها اذا فيه حذفه قوية ارجع له واذا الطارة شوي مايله ارجع له يوزن الذراع علشان تصير مستقيمة

بالتوفيق


up 0 down 0
a.ibrahem 3169
قبل 7 سنه و 3 شهر



المهم لا تستهين فيها .. انا طنشتها وفجاه لقيت طرف احدى الكفرات الاماميه ممسوح ولا يسوى ريال ..
مع الرغم ان الباقيه جديده لكن الله يعوضني .. 


up 0 down 0
فتى غامد الهيلا 209
قبل 7 سنه و 3 شهر



وعليكم السلام 
مثل ما قال لك ابراهيم روح خط مستوي وفك الطاره وشوف السياره لو تمشي مستقيم او فيها ميلان 
انا غيرت كفرات ووزنت وبميتين مثلك وبعد ما وزنت كان السياره تمشي مستقيم بس الدرسكون مايل شوي ورجعت له وكلمته ورفعها ع الميزان وعدلها ع طول والحمدلله تمام


up 0 down 0
أبو غاليه ... 770
قبل 7 سنه و 3 شهر



روح للصناعيه القديمه لمزيان اسمه المجد محل رقم واحد


up 0 down 0
شويخ من أرض مكناس 2823
قبل 7 سنه و 3 شهر



حقين الغرابي نصابين ماعندهم سالفة لو ترجعله ١٠ مرات ماظبطت رح المجد او العضيب ب ١٠٠ ريال اشتري راحة بالك


up 0 down 0
benz lover -74
قبل 7 سنه و 3 شهر



يا اخوان انا غيرت كفرات امامي ووزنت اماني النترا ١٥ والسياره تميل يسار والطاره احس فيها فراغ انش رغم اني تعبت ونا في البناشر واتمشكل معهم كل شوي وش الحل انا بمكه


up 0 down 0
نواف01 1
قبل 4 سنه



احذر ثم احذر ثم احذر ،،،،،،،، من حقين البناشر النصابين ،،، ترا ناس كثير خربوا سيارتهم ،،، في الغالب بعد ماتغير كفرات يجيك ابو يمن يقول شيك على الاذرعة مجانا ،، هاذي طريقتهم دائما ،، واذا شيكيت عليها الله وزنها لك الله يعوض على سيارتك .


up 0 down 0
السعر المناسب
قبل سنه و 10 شهر