أضف سؤال أو موضوع جديد          

ضحكوا علينا بخرط الهوبات

up 32 down 2
المحترف99 928
قبل 6 سنه و 6 شهر



ياشباب والله عن تجربة فقط لاعلم ولا دراسة يقول احد الزملا (صوت الحق )
المهم بدون مقدمات 
يطلع عندك صوت في الفحمات تذهب للورشة يفك القديم تشتري الجديد تحصله انواع اصلي ويباني وتجاري عشرة انواع تقريباً تشتري اللي يكتب ربك الورشه يقول لك صديق لازم تخرط الهوبات 
ويقول لك شوف كيف خطوط انت تحب شغلك تمام تسوي خرط هوبات عنده في الغالب ماتجلس سته شهور تعود لك نفس المشكلة وتعيد نفس السيناريو وهكذا .
الزبدة في الموضوع


اذا طلع عندك الصوت في الهوبات من يوم او يومين الى خمسة ايام ورحت تغير الفحمات لاتخرط الهوبات نهائياً حتى لو قالك ماقال قل له ركبها وبس صدقوني والله كنت اغير من ستة شهور الى سبعة او ثمانية وبعد ماقال لي واحد عن حركتهم انهم يبون ثمن الخرط فقط وانا ماعاد اخرط الهوب نهائي 
وابشركم ولله الحمد صارت تجلس الفحمات معي اكثر من سنة ونصف


جربوا ولن تخسروا وترى العامل يبي يحاول يقنعكم بس لاتسمعوا كلامه 
شي يقهر والله اشوف سيارات أخر موديل يسوي خرط للهوبات وكله كلام فاضي .


معلومة مؤكدة :
اذا تخشن الهوب شي بسيط من الفحمات القديمة وتم تركيب فحمات جديدة تقوم بخرطه تلقائي بدون الحاجة لمخرطة .




نقطة مهمة قلتها وساعيدها



لايقنعك عامل الورشة لمجرد انه شاري مخرطة ويتعلم فينا لكسب المادة فقط ..................................انتهاء كلامه...................شي مضحك ياشباب احد الاخوان معه فورتشنر شاريها وكالة يقول يوم مشت عشرين الف تقريبا واروح واغير القماشات الفحمات حقت المصنع اول مره يغيرها وش يقول ؟؟؟ يقول تصدقون ماقلي العامل يوم نزل الفحمات الهوب يبي خرط انا استانست شكله نسي يعني لوقاله وافق على طووووووووووووووووول وانا اقول البعض مدرعم ولا يعرف بامور السيارات شي انا معي باثفيندر ماشيه 330الف كم ماخرطت الهوب والحمد لله والبعض غريب يضحك عليه بسهوله ...لاتصدقونهم لاقال نبي نخرط الهوب اصلا القماش نفسه يخرط الهوب ......


تنويه : تم نقل الموضوع من احد المنتديات للافاده .. بالاضافه الى اني اليوم غيرت قماشات اماميه للسياره وقال لي لازم خرط هوب فقلت له يركب القماش الجديد من دون خرط والحمدلله ماشي معي تمام بدون اصوات ..







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


اذا كانت الرجه وقت ماتمسك بريك لازم تخرط الهوبات .. اما اذا مافيه رجه لاتخرط ..


up 2 down 0
المحترف99 928
قبل 6 سنه و 5 شهر



الحمدلله ععندي ااكورد للها 77سنوات مماعمري خخرطت ههوباتها زوالحمدلله مماقد وواجهت ااي ممشكلهص


up 2 down 0
حكاية روح 541
قبل 6 سنه و 5 شهر