بخصوص بخس السعر

اصابع يدك مهيب سوا ، مهب كلهم يسب ويشتم بعضهم يقول سومة طيبة ونطلب من الله الزود ، او مهب حقها

لكن خلنا نرجع شوي للواقع ، انتوا دايم تحطون اللوم على المعلن ، وتنسون الاطفال اللي ترد في الاعلان ، اللي يجي يقول شريت اختها ب المبلغ الفلاني طيب وش علي منك انا الله يرزقك شريتها لاتجي تسولف علي

واللي يقول تراها ما تتعدا كذا وكذا ، خلنا واقعيين شوي سبب تعصب المعلنين هي بعض الردود اللي مامنها فايدة وترفع الظغط ، يعني انا أمر اغلب المواتر اتشوف اسعارها بدون ما اعلق قليل القى واحد معطي الموتر حقه او حول حقه يخصمون على كيفهم يقول هذا حدي والله يرزقك ، الصامل تلقاه يرفع الجوال ويكلم راعيه مايجي يسولف ويضيع الوقت

ناهيك عن اللي تقول له مسيوم الموتر ب80 يقول ب 75 اقابلك بكرة ، جعلك القابلة

انا مع المعلن دائما وأبداً لأن الاطفال كثروا ، يحشر نفسه بين الرجاجيل انا اللي اسوم وانا اللي بشتري وياكثرهم اللي يسوم ثمن يقول اسحب سومتي مدري ان الموتر فيه كذا ولا اسحب سومتي لأنك مارديت علي لو انك تبي الموتر تمسكت فيه

خرابيط

اتفق معك جزئياً، بالاضافة الى أن البعض وللأسف اللأكثر يحول الموضوع الشخص المُعلن من عرض الى مواضيع ليس للمعلن أي علاقه بها.
 انا تحفظي على عبارة "بخس"
شكرا لاضافتك

المفروض من اداره الموقع تحط اقرار مثل القسم للي يبي يبيع سيارته انه مايطلب في سيارته اكثر من ماتستحق
بس جيدين للضعوف الي يبون يشترون من هالمستعمل ممنوع تبخس السلعه وممنوع تسوم وانت غير جاد
وممنوع وممنوع ومخلين الباعه على راحتهم

10 الاف ماتسمى بخس لكن فيه عينات تسوم بي 40 او 50 هذا تدري وش تسوي معه اتصل عليه وثله بعتك هذا وجهي اذا جاك ههههههه لانه داري وش يصير له

وفيه عينات ترفع الضغط تقوله وصل السوم 90 يجي يقولك 80 وش تسوي معه هههههه

بعضهم تدري ليه يكتبها لأنه عارف مهب معطينه حق الموتر الا من رحم ربي يجي واحد ثنين يسوم بحقها أو حول حقها يعني هي اسعارها في الخمسين تلقى واحد يسوم ب45 وعليها


اما الباقي كلهم ب 35 ولا 40 بعت طيب مهب على كيفك تنزل السعر من راسك ممكن تتفاوض انت وياه على الفرق مايخالف

وانا الاحظ اغلب الاعلانات اللي يكتبون فيها عطوا الموتر حقه او لاتبخسونه يعاندون الناس ينزلون من سعره ولا يجي واحد ينطل كلمة بيخرب البيعه تراها كذا ولا فيها كذا

خلاصة الكلام الموقع صار يطفش في الاعلانات كلها ردود اطفال وتدل على عدم جدية اي منهم الا من رحم ربي

حتى المعلنين بعد انا احملهم الذنب ، موتره جايه سمكرة ولا تعديل في الرفرف ولا الكبوت يقول حكه طيب مافيها شي لو قلت جاء عفط جات سمكرة

يسمعون بالحكة والرشة التجميلية ويجي يقولها مايدري انه محاسب على كلامه ذا اللي يقوله ، وناهيك من اللي تقول له وشلون البدي يقول وكالة ولين قابلته وصار فيها رشوش قال مدري راعيها الاولي يقول بدي وكالة
ماينعرف لهم هالعالم

اللي يقولك راعيها الاول يقول ..... قله الله يستر عليك ويرزقك، واتركه بيرزقك الله ابرك منه.
يعني بالله أنت شؤيت من راعيها الاول بدون ماتفحص! 

طيب واللي يقول مسيوم 80 وهو موتره مايسوا 70 واحد يسومه بقيمته بالسوق هذا بخس بعد ؟ موب دايما يكون البخس بخس هذي وجهة نظري 

نعم هذا اللي انا اقصده. البخس يقول ثمن قليل مره اما الفرق البسيط فهو دعوة للتفاوض وليس كما يقال عنه "بخس".

صحيح ان فيه ناس تبخس

لكن لا ننسى ان كمان فهي معلنين طماعين

واكثرهم يروح المعارض يبي يبيع مثلا الي بالمعارض يسومونها بحول 50 الف


يجي الموقع يقول برفع سعرها يمكن يجيني دلخ يشتري ويقول وصل السوم 79 و الحد 80 !!!



و المصيبه نه لو راح المعارض يسلم نفسه للامر الواقع يبيعها باقل من سومات الموقع """

السبب واااضح 

الاسعار فالمنتدى زايدة تقريبا 10 او 15 الف عن السوق

والا تاهو 2009 وصل 95 الف ؟؟؟ وووووين

وتنزل السوق تلاقيها ب 73 النظيف  

السبب واااضح 

الاسعار فالمنتدى زايدة تقريبا 10 او 15 الف عن السوق

والا تاهو 2009 وصل 95 الف ؟؟؟ وووووين

وتنزل السوق تلاقيها ب 73 النظيف