مشكله لاندكروزر 2015

صوت هوا وده للوكاله يغيرون جلد البيبان 

احس بعض اللي ياخذون سيارات جديدة 2015 خاصه يجون يكتبون مشاكلهم هنا

وكأنهم سارقين السياره وخايفين يروحون الوكالة

الا كأنهم مستحين

انا بسال طبيعي ولا امر الوكاله ..
!!

روح الوكاله وقول لهم ماضبط بعد الترهيم شيكو عليه رجاءا 

من غير زعل لاندكروزر GX-R كلها مرهمه وهي بالاصل GX وكانت تجي في 2008 GX مكينتين 6 و 8 سلندر 

بعدين بدا الترهيم من 2009 الى 2015 

معي هايلوكس15نفس المشكله تنسيم في التنده وازرار قزاز الباب!.

معي هايلوكس15نفس المشكله تنسيم في التنده وازرار قزاز الباب!.

لا تروح الوكالة .. حرام سيارة 2015 تفكفك جلدها وتغيرها ..
اشتكيهم فوزارة التجاره .. سيارتي لها حول 7 سنوات مافكيت ولا جلده .. 

لا تتردد اشتكيهمممم .. 

بم ان السيارة جديدة وعلى الضمان مر الوكالة يفحصونها ويشوفون ايش المشكلة ويصلحونها على الضمان بدل ماتروح ورش على حسابك واحتمال مايعرفون حلها لان اغلب الورش لادرسوا بخصوص السيارات وقاعدين يسوون تحارب في سياراتنا

روح الوكاله حتى لو ناس سكتت عن الموضوع وقالت لك طبيعي انت روح وتشاكل معاهم وبيحلوها بأي طريقه ان شاء الله 

وعليكم السلام

,,صوت الصفير اذا على التندة والكبوت والرفارف تجليدة فا اتوقع الصوت منها وخاصة اذا كان طرف من التجليده منفك

اخوي مادام السيارة2015 وديها للوكالة احسن لك 

الصوت مهوب طبيعي عندنا  2 جيوب جي اكس ار ولا فيها ذالصوت
لايردك شي رح للوكاله وتفاهم معهم

شف موقع تويوتا العربيه قسم اللاند كروزر
يفيدونك الاخوان وهذا المشاكل معروضه هناك ومثبته المواضيع
او اطر مشكلتك ويحلونها انشاء الله
وانا اقول اذا الصوت الي في المحرك اول ماتشغل السياره
يطلع ثم يختفي بعد دقيقه 
فبسيط انشاء الله غير الزيت بكاسترول ١٠/٣٠
انشاء الله انه يختفي
انا اذا هو مستمر فهذي تكاية البلوف وانصحك تمر الوكاله 
اما صوت ألهوا اذا هو يجيك على سرعة ١٨٠واكثر 
فهذي اغلب السيارات يطلع هذا الصوت خصوصاً اذا قابلك هوا
اما اذا الصوت على طول تسمعه وعلى سرعة منخفضه
فلازم تنفك القزازه الاماميه وحطون سيلكون 
طبعاً انشاء الله كل هذي المشاكل على الضمان

لاهنت يالبراق لاكن صوت الهواء على 80

وش منزين لك يعني ؟ تبينا نواسيك رح الوكالة وش منتظر ؟؟؟ الا اذا الموتر جاك هدية وحاس بخجل منهم !

انا ماجيت لك وقلت فدني ..
انا طلبت من الرجال الفايده ...
ياتقول خير ياتسكت ...
وادل الوكاله لاكن قلت يمكن طبيعي ..
سبحان الله بعض الناس لاخلاق ولاعنده احترام ..

يا حبيبي حتى ولو طبيعي مو طبيعي لازم تمر الوكالة تسوي صيانة ال ١الاف كيلوا يشيكوا على السيارة ويغسلوها ويعطروها لك بعد ولما تروح قلهم عادي الصوت او لا

الوكاله حراميه لاتروح لهم يشلحون سيارتك وخاصة انك ماتدخل داخل ولاتشوفها فيه سكيورتي يردك برى عشان العمال يشلحون علے راحتهم