بخصوص نقصان الزيت المفاجيء

شيك على بلف التبخير وشيك على الصوفه

بلف تبخير الزيت هو مشكلتك اذا لم تجد التهريب

انت صاحب السيارة وماعرفت سبب نقص الزيت 
تبينا حنا نعلمك من ورا شاشة !!!
رح افحص موترك وان شاء الله تلقى حل لمشكلتك

اولا شيك من اسفل السيارة عن وجود اي تهريب حط يدك في الشكمان شوف فيه زيت او لا شيك ع البواجي ممكن عليها زيت 

كتب الله أجركم جميعا.. وما قصرتوا راح اشوف بلف التبخير .. طبعا شيكت على السيارة من الأسفل ما فيه تهريب ..
بالنسبة لرد الأخ (w.asa ) فمن كان يؤمن بالله واليوم الآخر فليقل خيرا أو ليصمت .. ليتك سكت كان خير لك ....

عرض المشكلة في المنتدى ياأخي من باب أنه قد تكون مرت نفس المشكلة بشخص فيقدر يعلمك ويوجهك ..
وما قصروا بيض الوجيه.

غير . الزيت .. حط. بترومين.   وشف هو ينقص ولا لا

حتى انا نفس الشئ السيارة كل اسبوع تنقص علبة 
ومافيها تهريب من اي مكان ! 

رحت لورشنتين يقول واحد توضيب والثاني توضيب السلندر
بس ماقتنعت بكلامهم احسهم نصابين 

ياخوي صارت لي والله أعلم أن الزيت مغشوش وخاصة انك تقول أن الزيت اللي ركبته حي تي وهذا ابو الغش وﻻ يكون رمبت ابو علبه حديد هذا واضح انه مغشوش وترا صارت لي أنا وولد عمي على أن مواترنا ولله الحمد ماتنقص لكن فجأة لقيته ناقص وولد عمي نفس العلم فمعناته الزيت فيه غش

حبيبي ترا الزيت اللي غيرته انت تو تم مصادره مصنعه المحلي لتلاعبه
اول شي ابدا بالارخص وغير زيت سيارتك بزيت كفاءه عاليه مثل :

كاسترول مجناتيك 5W30
او بترومين 5W30 a1
او موبل 1 0W40

واستخدام السياره بعد اسبوع وشوف نقص اولا
اذا مانقص استخدمها اسبوعين وشيك نقص او لا
وهكذا
اذا مانقص بعد ممشا 1000 ان شاء الله انه السبب يكون الزيت

خلاف ذلك وفي حال نقص لسمح الله حتى مع زيوت عاليه الكفاءه
يعينك الله تبدا تشيك اذا في تهريبات ظاهره سواء اسفل السياره او حول المكينه

وان شاء الله يكون سببها بسيط

وانا ماقلت الا كل خيير يابو الجوهرة ولا قصدي اضايقك وازعلك بكلامي
بس صحيح كيف نفيدك بدون مانشوف السيارة لان فيه اكثر من سبب لنقص الزيت 
ومانقدر نحدد لك وش المشكلة بالظبط يعني ماعندنا الا نعطيك احتمالات 
ويمكن صح ويمكن غلط .. هذ المقصد يابعدي والعذر والسموحة لو زعلتك بكلاامي 
فمان الله ..

جلد بلوف اقرب شي 

كفيتوا ووفيتوا يالغالين .. راح اغير الزيت .. اول خطوووة واشوف .. وان شاء الله تنحل المشكلة الله لا يحرمكم الأجر جميع

بشر عسى ضبطت معك

عندي نفس المشكله كامري 2009 بس لقيت زيت فوق غطاء الماكينه احتمال بلف التبخير

تندي نفس المشكله كورلا كل 500 كيلو تنقص علبه

عندي تبخير زيت بالمكينه ومن وصفه المكينه الحل توظيب أو في حل ثاني