محتار وابي مشورتكم

نكون واقعيين

اللي بيشورون عليك هنا راح يكون شورهم على اساس الشكل فقط 

لا جربناها ولا سقناها ولا ركبناها حتى

بتشتري موتر بالمبلغ هذا لازم تجربه بنفسك

وتشوف سواقته وش اللي ترتاح له 

وشوف المساحه الداخلية لو احد يركب معك باستمرار

يعني قد تكون اللكزس مثلا ضيقة واهلك يركبون معك وتسافرون بالسياره 

بالتالي يكون خيار سيء 

هذا مجرد افتراض انا ما اعرف المساحه الداخلية لها ولكن جرب بنفسك واحكم بنفسك وش ترتاح له

وانا متأكد انه حتى انت تقول تميل للكزس وانت ما جربت السيارتين عشان يكون قرارك صائب

مشكووور ي غالي ع الرد 


لكن المشكلة ان وكالة لكزس ووكالة دوج كلهم ماعندهم تجربة قيادة 

ومالقيت ولا مكتب ياجر اللكزس 

كل السيارتين ممتازات وكلها دفع خلفي 

لكن اذا انت مصمم ع اللكزس خذ es cc  افضل من is واوسع منه واكثر فخامه 

is صغير ورياضي بحت ونازل للارض اكثر ومن داخل ضيق شوي يعني اذا انت ضخم شوي اللي وراك ما يقدر يركب على راحته 

انا نصحتك باللكزس es 

بس لو انا مكانك باخذ تشارجر srt  سعرها قريب من 190 اضن وعلى ما سمعت انه 189 !! طبعا بالمقارنه مع is 

بالتوفيق 

والله ياخوي انا دب بس شوي :))) 


الاس ار تي الشكل الجديد نزل وغالي في حدود ٢٤٠ 

الكزس es هي صح فخمة وواسعه لكن مشكلتها دفع امامي وتحسها عائلية اكثر 

انصحك اخوي بالكزس 350 ES  
2015 محرك 3500 CC 
6 سلندر
ممتازه جدا وفيها مواصفات راح تعجبك ووسيعه 
سعرها بريمي حول 167 الف

تبي الصراحه

والله اني اشوف الجينسس الجديدة افضل منهم كشكل وقوة 420 حصان ومواصفات اعلى بكثير

دامك وصلت ذا السعر خل خياراتك بين 
اللكزس ES 
والجنيسس 2016 
اهم شي جرب السيارتين اللي يعجبك خذه وانت مرتاح 

والله اني اناظر الجنيسس امس قدامي واقول الله يرزقني وحده فخمه ماشاءالله 

انا ارى انك تشوف لك غيرها هونداي جينسيس وكيا كوريس ضمان 5 سنوات عداد مفتوح غير انها صيانه مجانية ماتدفع ولا ريال  قير 8 سرعات ومكينه V6 3.8  واذا تقدر تزود خذ V8  5.0

والله هيونداي عرضهم مغري ميه الف صيانه مجانيه ماتدفع ولا ريال على الزيت 

وين ابو جميل يشوف بس !

بعد العزم استخر و توكل على الله اهم شي

تنصحونه في الجنسس وانتم ماعندكم اي خلفيه عن قطع غياره
لا تورطوه .. قطع البدي غاليه وفاحشه
البدي الخارجي اغلئ من اللكزس gs. 
وحرام تامن شامل عليها سنويا تدفع 14 الف تقريبا 
بالنسبة لي لو وقع الاختيار علئ هذي السيارتين باخذ اللكزس 
لكن فيه خيارات افضل منهم 

نصيحة بما انك متين شوي
لا تحط فلوسك بموتر سيدان مهما كان بيضايقك الدخاه و الطلعه منه
170 الف تجيب لك جيب أو كروس اوفر
أنواع  الصناعات و الشركات و المواصفات

عطوني طيب وش تجيب 
طبعا الجنيسس شايلها من بالي نهائيا 

الجيوب عندي يوكون ٢٠١٢
اذا فيه بدايل يليت تعطوني سيدان 

متعصبين الجودة ويكفي ان معك لكزس ، بينصحونك فيه يقول لك يكرف و10 سنين وشيك في المخبىء وقطع رخيصة ومتوفرة
وحقين المواطير والمجاكر والمقاوم ، بيقول لك يكفي ان معك 8 سلندر وطرب وامريكي وش جابه للياباني

يعني اغلبها تعليقات تدل على الاعجاب فقط ليس على الاستخدام والمعاشرة

وجهة نظري التشارجر

بالتوفيق

دام الرجال ما اقتنع في الجينسس لاتغصبونه ، لكن الحق يقول انها هي الافضل من ناحية المواصفات والشكل والمركب والقيادة مقابل السعر