أضف سؤال أو موضوع جديد          

اقترح بإلغاء جهاز المرور في السعودية ........

up 22 down 16
ماجد المطلق 10813
قبل 6 سنه و 8 شهر



.
.
اقترح بإلغاء جهاز المرور في السعودية ........... لماذا ...؟؟

إخواني الكرام لايخفى عليكم جميعا مهام جهاز المرور الاوهي السيطرة على 

الحركة وفك الازدحام ومباشرة الحوادث المرورية وإصدار الرخص والاستمارات وتجديدهما ومخالفات الناس الغير منتظمين من سرعة وقطع إشارة وتظليل إلى آخرة من مهام ولأكن هذا الكلام كان في السنوات الماضية وكانت هاذي الأشياء تطبق أحيانا وأحيانا لا على حسب مزاجية رجل المرور

لأكن في وقتنا الحاضر تم إنشاء شركة لمباشرة الحوادث الاوهي شركة نجم وبالنسبة لقطع الإشارة والسرعة تم إنشاء نظام ساهر
أما بالنسبة لإصدار الرخص والاستمارات وتجديدها لشركة دله

والشي الحالي إلي بقى من مهام المرور فقط عمل مخالفات التظليل والتهبيط وتغير الملامح وشوي مخالفات حتى تنظيم السير يتهرب منها المرور وتجد الازدحام في كل مكان

وأنا برائي الشخصي أشوف دام أنة حاليا مهمة رجل المرور إعطاء فقط مخالفات بسيطة يتم إعفاء المرور منها مثل ماحدث مع ساهر ودله ونجم

إلى شركة ويتم إقفال المرور نهائيا وتوفير رواتب العسكر للدولة
..........................
......................
لان لم يعد للمرور أي قيمة تذكر
.
ابتسم فأنت في السعوديه 
.
.
.








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ماقول الا حسبي الله ونعم الوكيل ان كانهم يتحكمون فينا على حسب مزاجهم ياجماعه والله العظيم ان سيارتهم مضلله وموقفينها بالمواقف عند المركز ومسوين عنده تفتيش تضاليل قلت ياخي صيام وشمس وحر ارحمنا ياشيخ قال لا نظام قلت والي موقفه هناك ماهي سيارتكم قال الا قلت ليه مضلله قال تبي تركب الدوريه انت ولا ايش وتبوني احلف انه ورع معه متوسط حلفت حسبي الله عليه والي قهرني مر واحد مكتتتتم ام الموتر وضرب بوري ومشى وضحك العسكري اظاهر يعرفه وربي انهم جحلط الا مارحم ربي


up 24 down 5
lolo-ss 4524
قبل 6 سنه و 8 شهر



طبعا من سابع المستحيلات ان جهاز المرور بينلغي لأنة قطاع خاص بالحركة والسير .. يعني نجم ودلة مالها صلاح في السير

وبعدين العسكر المساكين تبي تقطع رزقهم ولا وين بيرحون اذا اتلغى المرور ............


up 9 down 2
مستر بن . 10372
قبل 6 سنه و 8 شهر



والله في الآونه الأخيره ماعاد شفنا للمرور أي دور في تنظيم حركة السير وفك الإختناقات

فعلاً راحوا الطيبين


up 4 down 2
mom808 340
قبل 6 سنه و 8 شهر



هههههههههههههههه من جدك انت ابو الشباب  المرور مهم مين ينضم السير غير المرور وقت الزحام وقت المواسم الرياض عندك جده الان رمضان مين ينضم السير مكه والمدينه مين ينضم دخول وخروج السيارات للحرم او المسجد النبوي المرور محد يتجرا يتعداه ولا يخالفه بس لو الغوه بحطون لك شركه تنضم السرا مين بيتقيد مثله مثل حارس الامن السكرتي في الاسواق ناس تقدره وناس تعتبره مهمش ولا له داعي مستحيل انه المرور يلغونه 


up 7 down 2
princ 18863
قبل 6 سنه و 8 شهر



يا أخي جهاز المرور وان كانت فائدته 1% فإذن لازم يكون موجوده لأنه لو راح بتروح علينا الـ 1% و الـ 1% خير من ولا شي


ثاني شي هذا القطاع فيه موظفين من الشعب ان انلغى من وين بياكل ويشرب !!!!



ثالث شي قسم بآيآت الله انه ما عمره مسكني المرور صدقني ما مسكك الا وشاف منك شي اغلبهم يمشيك


انا اسوق من عمري 12 سنه والآن عمري 17 سنه 


قسم بآيآت الله ما عمري اخذت قسيمه وهذا انا من غير تصريح ولا رخصه ومركب زنون في كل السيارات الي استعملتها وتضليل 


لكن يوم اني امشي امشي مشيه محترمه مافيها تهور ولا شي ما اشككه في ما اضلل الجهازالامامي مكتم لا تضليل متوسط والباقي مكتم


وما عمري مريت معاهم في مشكله


بالنسبه للزحام ! انت عارف كيف الشعب الي عندنا


قسم بآيآت الله انه كنا فزحمه فتقاطع مافيه اشاره وحر في عز الظهر ويجي المرور ينظم ومحد يسمعله كل واحد يبغى يمشي بكيفه والي يقولو ارجع يجلس يصارخ ويطلع من الطاقه
وسب وكلام فاضي ويجلس ينفخ على الرجال !!


المفروض المرور يقولك اوقف يعني توقف هو يمشي التقاطع بالنظام لكن انتم كل واحد يمشي على كيفه يوقفون عن التقاطع كل شويه يقدم السياره الين نص سيارته خرجت برا فنص التقاطع


وكثير مواقف تحصلي المرور يجي ينظم الزحمه والشعب ما يعطيه وجه كل واحد بيمشي على كيفه تلاقي عالم فوق الرصيف وعالم تحت و يخشون فبعض وما يسمون احد !!!!




ولو جيت تبغى تحاسب ياخي تعال حاسب المدرسين مثلا قسم بآيآت الله انه مدرسين ما يشرحون شي واربع حصص في اليوم والباقي مريح يشرب شاي وينفخ علينا يقول لنا تعبان من 
الصباح وهو فاشل تلاقيه متخرج من الجامعه مقبول ما يفهم شي في تخصصه وغير كذا ياخذ اجازه اطول منها في الدواير الحكوميه مافي !!!!!



وغيره وغيره من الاقسام عندك في الجامعات شوف الدكاتره والموظفين كيف شوف الدنيا كيف صايره


الغلط مو من الحكومه الغلط من الشعب هو لو يبغى يتنظم و يعيش حياه كريمه راقيه قسم بآيآت الله انه ما يحتاج لا حكومه ولا غيره يحتاج نفسه وبس 


لكن كل واحد يقول ايش معنى هذا كذا ليش هذا ما يبدأ ليش هذا ما يسوي وينسى نفسه





up 8 down 4
mrabdullah 1347
قبل 6 سنه و 8 شهر



الجهاز = القزاز 


كلجه قويه ههههههههه

يسمون = يسمعون 


اطول منها في = اطول منها مافي







up 3 down 3
mrabdullah 1347
قبل 6 سنه و 8 شهر




lolo-ss 
ارسال رسالة خاصة 
اليابان
مستر بن
 mom808 
princ 


تشرفت بوجودكـم يالغالين وجودكـم آعتز به في متصفحي ... مشكورين على المرور لاتحرمونا من وجودكم 
وشكرا


up 2 down 2
ماجد المطلق 10813
قبل 6 سنه و 8 شهر



 mrabdullah 

والله كلامك سليم 100 %
لكن والله ضبحنا الزحمه و لا شفت اي سياره مروره او عسكري ينظم همهم بس القسايم 
الله المستعان 


up 3 down 2
ماجد المطلق 10813
قبل 6 سنه و 8 شهر



شفت 9 دسلايك كلها من حقين المرور يبون يموشون مثل الامراء واحنا انطق بالزحمه والحر


up 2 down 3
فهد4950 2545
قبل 6 سنه و 8 شهر



 ويتم إقفال المرور نهائيا وتوفير رواتب العسكر للدولة
..........................
......................
لان لم يعد للمرور أي قيمة تذكر
.
ابتسم فأنت في السعوديه

_________________

هذا مو كلام ياخوي ابيك تروح للمنطقه المركزيه عند الحرم بمكه او المدينه او حجز الشرايع وحجزالشميسي وغيرها وشوف كيف مكروفين بعز الشمس برمضان   لو الله ثم العسكر كان تلاقي الناس واقفه سياراتها بساحات الحرم
 وعندك البطحاء بالرياض او بالبلد بجده وشوف كيف مكروفين على وجيههم لادوام زين ولا ترقيات عندهم ولا اجازات تلاقيه في صباح العيد مستلم  تلاقيه من يوم دخل العسكريه ماقد عيد مع اهله  

وانت يالطيب جالس تحت المكيف وكرسي دوار واجازات وفله وتقول- - - يتم إقفال المرور نهائيا وتوفير رواتب العسكر للدولة !!
  لم يعد للمرور أي قيمة تذكر!
.
ابتسم فأنت في السعوديه



مااقول الا تحمد ربك على النعمه الي انت فيها 


up 7 down 0
عبد الناصر 1771
قبل 6 سنه و 8 شهر



اعجبتني ويوفرون رواتبهم لدوله
لتخاف الدوله موفره. بس ليتهم يوظفون الشباب هالعاطلين
مو يقطعون رزق ناس عندهم اطفال وعوائل
على العموم مو كل المملكه فيها ساهر
ولو مالمرور كان ساهر ماينفع اصلا
لاني انا اول واحد بفك اللوحات حقت السياره
تبي الكمره تلحقني تقول ليش فاك اللوحه


up 3 down 0
بشوش 5096
قبل 6 سنه و 8 شهر



كفيت ووفيت ياعبدالناصر
ببعدين العسكر بالسعوديه مهضوم حقهم بقوه
وتبيه يشتغل بذمه وضمير
لجاء بياخذ اجازه قالوا ضغط عمل والمشكله الدوله تقول كل موظف ماله غير ثلاث شهور رصيد بالخدمه
طيب  العسكري مايبي رصيد ابد بس خلهم يعطونه اجازاته
والا يجيك عسكري متعين بمنطقه مايعرف فيها احد ومتزوج وتلقاه مستلم ٢٤ ساعه وزوجته المسكينه جالسه لحالها بالشقه لو يصير فيها شي ماحد دراء عنها

ماقول غير عسى الله يعينهم ان شاءالله على ظلمن شافوه وظلمن بيشوفونه


up 5 down 1
بشوش 5096
قبل 6 سنه و 8 شهر



اكثر واحد مظلوم في ذا البلد هو العسكري وفوق كذا مطلوب منه فوق طاقته دايم في الشمس والحر واستلامات مره في الليل ومره في النهار وراتب زهيد ويتعامل مع اشكال تعبانه وادارته تعبانه تنصف خصمه وتظلمه كيف تبونه يؤدي عمله ١٠٠٪


up 0 down 0
خالد المشعبي
قبل 5 سنه



فيه بعض المناطق ما فيها جميع الانظمة .. وتعتمد كلياًَ على المرور .. وبعضها !!! ما فيها مرور أصلاً فتلقى الدوريات الأمنية هي الي ماسكة كلها شيء


up 0 down 0
hyper knuckles 730
قبل 4 سنه و 6 شهر