هدية نقدية في كل علبة زيت تغيرها لاتخلي علبتك فيديو

يارجال والله اننا اكبر عنصريين 
بكل صراحه 

نشوف اننا اللي صح والكل خطأ

نرى انفسنا على الاخوان في كل مكان اننا ملائكة وان الدين لنا

ونتهم الباقين بالنصب والسرقه وكل شيء شين
ونسينا من سرق اموال البلد من المقاولين السعوديين 

نسينا من اكل اموال الوزارات من الوزراء 
نسينا ونسينا المليارات اللي تنهب من البلد وعلى عينك يا ضعيف
وجيتوا على هالعشره ريال 

نسيتوا سوق الاسهم والمليارات اللي راحت فيه

وينكم ماحد نطق بكلمه وسوا هاشتاق وصور فيديوهات

لكن لمى صارت هديه بقيمة ١٠ ريال 
اخذها ضعيف يرسلها لابنه يلقمه كسرة خبز 

سويتوا سالفه 

وينكم من اللي يسوون تجاره بالانترنت وياخذون تحويل اموال 
وينحاشون 
ماتتكلمون عنهم 
وينكم من الوكلاء واكلهم لاموالكم بالباطل بسلع مغشوشه 
وخدمة رديئة والمشكلة يدفع وغصب عن خشم خشم خشمه 
ويجي بالاعلانات يكتب تشييكات وكالة 
وبالمنتدى يقول الوكالة لعبت علي 

وينكم من هوامير سوا اللي اكلت نص اموال الشعب ماحد فك لحيه
زي ماسويتوا على هالعشره ريال 

وينكم من فواتير الاتصالات اللي تجي بلا رقيب ولا حسيب 
وتدفع غصب عن خشم خشمك 
وينكم ماتتكلمون عن الكبار ولا حيل القوي على الضعيف 

لا نقعد نلعب على انفسنا وكل شيء واضح

تسكتون عن اموال تروح وتختفي 
وتسوون من الحبه قبه 
عشان عشره ريال تجي احيانا بعلبة زيت قد تكون مغشوشه
والعشره مزوره 

و ينكم من المهندس اللي باع مشروع طريق الملك عبدالله بالرياض 
على شركات بالباطن وانحاش ماحد تكلم عنها وسوا له سالفه
مثل سالفه هالعشره

وينكم من سرقة المستثمر التركي الجنسيه اللي بالشرقيه 
سرق اموال المشروع وانحاش 
وراكم ماتكلمتوا عن هالملايين اللي راحت 

وينكم من اموال حدائق الملك عبدالله العالمية اللي على طريق الرياض الطايف
اللي مرت سنوات على انتهاء المشروع ورقيا ولم ينجز حتى السور
الخارجي  من المشروع حاليا 

ولا حيلكم على هالعشرة اريل 

وينكم من تعثرات الانفاق بابها 
وينكم من تعثرات مشروع المترو اللي لها اكثر من ٣٠ سنه وميزانياتها
تؤكل 

وينكم من مشاريع جدة اللي كلفت الوطن مليارات وانفس غالية
راحت ضحيه 

بس حيل القوي على الضعيف وكاننا في غابه 
القوي ياكل الضعيف

عالم تفكيرها كيف تاكل الصغير وتترك الكبير !!!


اتحدى واحد من اللي صوروا كذا يروح يهايط على وزير ولا
واحد ذو منصب بس حيلهم على الضعوف والمساكين 

^^

كلام في قمه الروعه