تعبنا من المطبات شوارع الرياض لازم نشوف حل

يارجال مواترنا انعدمت لازم نعشق الدبل الثقيل عشان نرقاه الله المستعان بس 

الحل كم شنب وخلها .....بدل اللفله بالشوارع والفراغ 
جاتكم شغله كل ٣ يبدوا بالحواري
 وتلحقها بوضح النهار الشوارع العامة 

الكلمة الحقيقية بالدقيقة ١:٠١

وخلعهااااااا......

قرار الزاااالة ههههههه في غيرة قولوه او كان قاله سعد

الرياض كلها منتهية

مافي طريق تمشي فيه الا والموتر يقرقع من تحت 
مواترنا تفكفكت 
الي يجي الرياض ما راح يتوقع انها هذه عاصمة.هذه الدولة من الدمار الي فيها
المشكله الدوله تعطي المسؤولين 
لكن ما تدري وين كل هالفلوس تروح
بفلوس الدوله يقدرون يرصعون الارصفه بالذهب بدل اسمنت فضلا عن نظافه الاراضي 
لكن وش تسوي ؟
شي عجيب والله
الناس صارت ما يهمها حلال حرام 
لو فبه مسؤول يخاف الله كان ما رضى بهالشوارع المدقدقه من كل جهة 
كم من حفره طحنا فيها وسلمت له دعوة 
وش فايدة الفلوس والناس تدعي عليك

قلوب ميته 
مثل الحجر 

اتمنى من الملك سلمان حفظه الله ينظف مسؤولين البلديات الي ما همهم الا الفلوس ويصير فيه تعاقد مع شركة اجنبيه تحترم الفلوس الي تنعطى لها وتؤدي عملها على اكمل وجه

في قلبي شي عظيم على مسؤولين البلديات 
لو اعرفهم باعيانهم كان صارت علوم

صحيح انا من اهل الطائف ورحت للرياض واكلت لي كم مطب ماراح انساها ، بس في المقابل شباب الرياض المهسترين بأرواح الناس
هم سبب المشكله يعني سرعه جنونيه وتنطيل وتفحيط مايصلح لهم الا اكبر المطبات وارواح الناس اغلى من السيارات 

قبل   فتره   اكلت مطب   قوي    على اثره    كرتير الزيت  اكنسر  وانعفط معاه  مكان الكرتير  يعني  صار شغل مخرطة وكرتير جديد  
وكرسي القير  انعفط   كلفني المطب 1500 ريال 

لو ساكنين بجدة وش تقولون؟؟ 

تحمدوا ربي بس

خذ لك جيب او جمس حوض وركب كفر حجري وركب كعكات والافضل للتعديل اف جي ... وعيش حياتك ولاتدري عن مطب ولا رصيف

ياعمي قول الحمد لله الرياض تقابلك حفرة حفرتين في الخط تجي مكة الخطوط السريعه كلها مرقع شغل سباكة الخط ثلاث مسارات كل مسار علة اذا تبغى بطناج أمسك الأيسر اذا ودك بغطيان تصريف خلك في النص اما عاد اذا ودك تمشي بميلة أمسك الأيمن وعاد اندمج معاها
الله المستعان بس