نفسي اعرف ليش الوكالات مايخلونك تشوف سيارتك

اختصرها لك؟
عشان لاتطلع الفضايح سواء بسيارتك ولاسيارة غيرك

لان عندهم بلاوي جوا ماتدري عنها
ولا يبغونك تدري

عادي انا وكالة الغسان في جده حقت انفنتي
قلت لهم غيرولي زيت المكينه والفلاتر..

قالو ماتدخل تشوف..

قلت اوك اجيكم بكرة..

حطيت علامات بالقلم صغيره عالفلاتر وجيت..

يوم سلممتهم السياره قالو تستلمها بعد 3 ايام وامس يقولو العصر تخلص
بعد ماستلمتها حاسبين كل شي بالفاتوره بالملي.. جيت فتحت بطنها قدامهم اشيك الا الفلاتر هيا هيا نفسها ماغيروها ولا فكو مكانها اصلا..

ابتعدو عن الغسان للسيارات وانفنتي بكبرها والله اسوأ سيارات..واسوأ الوكالات تمسك الماركه الفاشله هذي

هذي من أكبر المشاكل وديدن جميع الوكالات في المملكه العربيه السعوديه
والسبب معروف لأنهم يقولون لصاحب السياره غيرنا وغيرنا عشان يسحبون مافي جيبه وهم لم يغروا ولا ربع المكتوب في الفاتوره ومن بجاحتهم يضعون لك قطع مستعمله في الشنطه ويقولون لك هذه القطع اللي غيرناها وهي قطع قديمه ليست من سيارة الزبون ولم يغيروها فعلاً . حسبي الله عليهم والله يكون في عون المواطن المسكين الذي يمشي وكل شيء ضده حتى البنقالي في البوفيه هههههههه

اغلب الوكالات شغل نصب والمفروض الشخص لا يسكت عن حقه تاكد من شغلهم مضبوط وان حصلت شي مغشوش لاتتردد بالاتصال ع الرقم 1900 واشتكيهم للاسف العيب فينا ندفع ولا نناقشهم ابد لاننا راضين بشغلهم لكن ان شكيتهم انا وانت والثاني وتجادلهم عند صغيره وكبيره صدقوني راح ينظبطون بدليل تلاحظ نادر ما يغشون الاجانب لانهم ينشب بحلقه ويشتكي ويكاسر بالسعر ويجيبلهم الصداع

يارجال الغسان ذولا فيه شايب اشترا منهم 
جيب الانفنتي الكبير هذاك اللي زي الباترول
قالو له تبي عقد صيانه قال ايه ودفع زود عالسياره 
جاهم تشييك الـ10 الاف ( اول تشييك له) 

قال هاه ادخلها قالو اطرح 750 ريال! 
قال مو تقولون لي صيانه مجانيه و ضمان وش اللي 750! 
الزبده دفع 600 ريال وهو يضحك لكن ماخسرو شي هم والله :)

وسمعت ان الغسان ذا..
موضفينه مافيهم امانه 
وشي من الاشياء اللي شهدتها بعيني لكن ساترها ليومكم هذا والاعلان موجود 

فيه موضف يشتغل في الغسان انفنتي 
بس تعرفو الغسان ماسك لامبورقيني بعد وبينتلي و بوقاتي الخ 

الموضف سارق والله العظيم طقم جنوط بينتلي جي تي كوبيه بكفراتها + بواجي انفنتي طقوم 
وشغال يعرضها لكن سبحان الله مافي شي راضي ينباع يتشحتني اول اشتري البواجي.....
شوفو كيف سبحان الله..

وقلي بنفسه اذا العميل داق صحبه معاهم وفيه شي خربان فسيارته ومامعه حقه عادي ياخذون القطعه من سياره عميل ويبدلونها عربون صحبه معاه والعميل الثاني المسكين يخرج بها خربانه ويرجع لهم ويدفع

حسبي الله ونعم الوكيل الله لايسامح وكاله الغسان ولا يوفقها 
ويلعن انفنتي والله العظيم نكبتني في عالم السيارات الله لايعيد ذاك اليوم..

كله هذا في فرع جدة طريق المدينه.. 

كلمتين 






لانهم نصابين :)

انت واسلوبك خويي مطلع يوكن من الجميح وكان بصالات  ونشب معهم  وراح معهم المستودع  واخذ السياره على الفحص وفحصو البودي وطلع سليم  نشب لهم 

سكودر اما انك مافهمت الموضوع  أو أنا اللي ما فهمت ردك

المهم الرجال يقصد لما تدخل سيارتك ( للصيانة ) ما يخلونك تشوفهم وهم يشتغلون عليها .

كل ماأتذكر صيانة الوكالة تجيني كآبة

أولا أشياء تافهة وماتاخذ وقت لازم تترك سيارتك عندنا
ثانيا وقت دوامهم محدود يعني ممكن مايمديك تروح لهم وقت ماتبي
ثالثا أداء جدا عادي وفيه ورش خارج الوكالة أدائها أحسن
رابعا ماتقدر تشوف طريقتهم في الصيانة

لي سنتين ماطبيت صيانة الوكالة أجي بس أشتري قطع غيار وأمشي
حتى زيت القير أشتريه من قطع الغيار وأغيره في أي ورشة لإنه سياستي لازم أكون على راسهم وقت الصيانة

الافضل الواحد يشوف له ورشة او مركز معتمد وشغلهم زين وتشوفهم وبدون انتظار ... مو معقولة اصين سيارتي اخليها يومين علشان شيء بسيط وبرى اقدر اصينها في خلال نص ساعه.. خذ القطع الاصلية من الوكالة وانا شفت شغلة الوكالة والله ماعجبتني ولا قيادتهم حتى فاهمين يطفي السيارة والمكيف شغال ويمشي الجلنط مسحوب عادي ماهو حلاله...

^^^ عز الله انك صدقت يا الفراعنه
الوالد وصاني اودي اكسبدشن حقه لتوكيلات الجزيرة عشان تشييك اول الف كيلو 
يوم جاء قالي السيارة خلصت خذها من المواقف لقيت السيارة مفتوح الباب والقير حاطه علی N ولا سحب الجلنط والمفتاح بسويش طفاها ولا طلع المفتاح 
وقفل البيبان طيب لو جاء حرامي شغل ومشی وش ذنب الزبون!
ارتفع ضغطي من هالحركة ومشيت ولا قلت شي لاني عارف لو اعور راسي واتكلم مابيجيب فايدة

مايبونك تدخل لأنهم مايبونك تشوف كيف يصلحون موترك وكيف يستخدمونه ولا تشوف شي اذا كسروا شي بالغلط ولا خربوه يصلحونه لك وانت ماتدري هذي هي من الآخر

وحتى لو تشوف سيارة مخبطة ولا صدموا بها ماتروح تعلم

كنت اتعامل مع محل قطع غيار لسيارتي المهم مرة احتجت كمبرسور للسيارة قالي في مستعمل وارد وكالة ..!!!!
قلت كيف وارد وكالة الوكالة تبيع مستعمل ؟؟؟؟
قالي لاء يجيبهم زبون خاروف التكييف عنده تعبان يغيرو كمبرسر كامل ويبيعوا الكمبرسر مستعمل !!!!!!
طبيعي نصب لو انهم ما يبغون العميل فوق راسهم يحطو الواجهة قزاز ويجي العميل يشوف سيارته لزيادة الثقة

احسن شي الواحد يفتح ورشة في البيت
هي خاربة خاربة
الوكلات حرامية والصناعية حرامية وين نهج

فيه واحد من الشباب عنده كامري جنوط طيس وكان حاط ع الطيس السلك المربوط اللي يشد الاشياء عشان ماتنفك الطيس او احد يشلحها 

الزبده راح الوكاله في صيانه 60 او 80 الف اتوقع وكان من ضمن الاشياء انهم يغيرو له الاقمشه .. ويوم استلم السياره والمهندس واقف معه ويقول غيرنا لك الاقمشه ...!! 

يقول طالعت ف الكفر واشوف السلك مربوط زي ماهو .. قلت كيف فكيتو الكفر وغيرتو الاقمشه والسلك مو مقطوع ... يقول والله المهندس قلب وجهه احمر وقام يصرف ويقول ممكن غلطانيين 

وف الاخير رجعوها مره ثانيه ومدري هم بالفعل غيروها او بس قصو السلك 

وكاله تويوتا جده .

بالنسبة للجميح في الخبر أتكلم عن الصيانة السريعة تغيير زيت وفلتر وزيت جربوكس وفلتر الهواء والمكيف
فية عندهم استراحة داخل الورشة مخصصة للزبائن فيها شاهي وقهوة وانترنت وسيارتك يتم فيها الشغل امامك وبامكانك التكلم مع المهندس المسؤل عن سيارتك وكل شي امام عينك وهذا اللي اعجبني فيهم وانا أصبحت اغير زيت سيارتي عندهم

سيارتي جراند شيروكي لما اوديها الصيانة اقعد بالاستراحة واتفرج عالسيارة قدامي 
اما سيارتي الثانية هوندا ما يخلونك توطوط شبر حولها.