أضف سؤال أو موضوع جديد          

اسهل طريقة لازالة تظليل الزجاج الخلفي لما يكون من الداخل

up 42 down 7
خيال الامس 2016
قبل 4 سنه و شهر



السلام عليكم ورحمة الله وبركاته
اسعد الله صباحكم و مساكم ياغالين:)
و الله يحفظنا وياكم و يقبل منا و منكم كل صالح الاعمال

قبل ابدا بموضوعي ..
اولا .. اعتذر عن غيابي
و بكل امانه مالقيت شي اجربه لكم بالسياره هههههه
لكن جاكم الخير :)
ثانيا .. والله وحشتوني :$

نبدا بالموضوع ونقول بسم الله
حبايبي احد منكم خاف يشيل تظليل القزاز
الخلفي عشان الخطوط اللي عليه ماتنشال معاها..??
عندي لكم الحل الرهيب و الحل هذا شفته 
ع اليوتيوب و قلت خلني اجربه بنفسي
هذا هو رابط الفيديو

https://m.youtube.com/watch?v=tCTVaEjiNH0

الادوات المطلوبه ..
اولا / جهاز.البخار الحار حق الكوي و بتشوفونه بالصور
ثانيا /منشفه كبيره او خرقه عاد اللي موجود خذه
عشان ما تنقط المويه و تدخل بفتحات السماعات
ثالثا /موس عشان تقطع شي بسيط وتسحبه براحتك و بشويش
رابعا /الوقت اللي بتاخده ع الشغله هذي 30 دقيقه بالضبط

طبعا 
التظليل هذا اساسا 03 يعني كتم
و عمره 5 سنوات شوفو كيف صار بالصوره الاولى
كنه 00 هههههههههه

الشغله ممتعه جدا ولا فيها اي خوف لكن انتبهو ليدينكم
من حرارة البخار

الصور بالترتيب
1/ صورة القزاز قبل ابد بالعمل
2/جهاز البخار اساسا يستخدم لكوي الثياب لكن
 لامانع تستخدمه لشي ثاني
3 و 4 و 5/ بداية العمل .. استخدم البخار من داخل التظليله و من خارجها
6 / بعد فك التظليل
7 و 8 و 9 و 10 / بعد تنظيف القزاز و المراجعه
رجع وكاله

الشغله جدا بسيطه و مامنها خوف
تابعة مواضيف كثيره يقولون انهم شالو التظليل
و شالو الخطوط معه
وانا الحمد لله شلت التظليل بدون اي ملاحظه الحمد لله

اخيرا ..
رحت لمحلات التظليل اللي ابو 1000 ريال وانت طالع
و سالتهم بكم يشيلونه ارخص واحد ب 150ريال
و اغلى واحد ب 250ريال
ف سحبت عليهم
و اشتغلتها بنفسي بمكوى بخار شريته قبل سنه من اكسترا ب 290ريال

هذا كل مافي موضوعي و اسف ع الاطاله
و موجود معاكم من اليوم ورايح باذن الله

تحياتي لكم

















إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الامونيا مثل الكلوركس ماده موجوده بكل المحلات بساكو العلبه الكبيره 4 لتر ب 25 ريال والوسط ب 16 يعني تقدر تشتريها من برا .... بس اشوف ان البخار يشيلو فيه حتى العازل حق الوجهيه يسهل خروج الفيلم الشفاف


up 1 down 0
khaled3224 260
قبل 3 سنه و 11 شهر



ماشاء الله، شكرا على مجهودك المتميز


up 0 down 0
arrasmy -3
قبل 8 شهر و 4 أسبوع