سالفتي مع التفتيش اليوم ادخل وعطنا رايك ولاتسكت عن حقك
27
13
إضغط هنا للإخفاء
السلام عليكم
اخباركم ياحلوين ان شاء الله بخير وصحه وسلامه للجميع يارب
وكل عام وانتم بخير
حبايبي اليوم صار لي موقف مع المرور والتفاتيش تاكدت ان مرورنا عليه السلااااام والموضوع كالاتي :
السالفه هذي ابتدت من امس الظهر لما وقفني بالتفتيش وقال شيل التضليل وقلت له ان سيارتكم مضلله والنظام مايطبق عليكم ومن هالكلام بالاخير شاليتها ومشيت
قبل شوي وانا راجع مريت من النقطه ونفس العسكري وكنت شايل التضاليل الي قدام المهم قال بطاقتك قلت سم خذ تدرون وش قال ؟؟؟
سفط على جنب واقشع التضاليل كلها
والله يا اخوان ان السيارات يميني ويساري كلها مضلله دريت انها سالفه حقد قلت ليه يالاخو سلامات
قال يالله وهات الاستماره يبي يعطيني مخالفه ويحسبني خايف
قلت لااحبيبي دقيقه ابي الضابط المسئؤل وينه
المهم هو سكت شوي وقال انا المسئول وماسكت عنه بصراحه قلت لا حبيبي انت جندي ابي المسئؤل
جاني رجال كبير ورتبته واضحه قال وشفيه وعلمته قال لا اكيد يقصد الامامي قلت له ياطويل العمر تعال واوريه السياره ومالقاها مضلله الضابط استغرب وسئل الجندي عن السبب
والجندي سكت ماقال شي قلت ياطويل العمر اذا سالفه حقد وعنصريه ومزاج ف والله ماهي علوم رجال طبعا وهو يسمع الجندي والضابط
قال الضابط خلاص حصل خير تفضل تفضل وحنا اسفين
الزبده يالربع لاتسكتون عن حقكم لان اظاهر ان المرور انعطو اكبر من حجهم صحيح رجل الامن له هيبته مو معناته يذل ويستحقر الناس وللمواطن حقوق بعد وهم موجودين لخدمتنا
وااتوقع لو انه غيري او واحد مايعرف شي والله ينزل يفكها ومعروف الي وراء مسمووح
طبعا الموضوع مايتكلم عن جميع الي بهالقطااع لا والله فيه منهم ينحطون على الجرح بس العينه معروفه
ادري طولت عليكم بس استحملووني لبىى قلووبكم
تحيااتي
إبلاغ
الردود
0
0
قبل 11 سنه و 3 شهر