أضف سؤال أو موضوع جديد          

تجربة كاميرا التصوير للسيارة داش-كام Transcend DrivePro 200

up 7 down 2
hyper knuckles 728
قبل 7 سنه و 3 شهر



السلام عليكم ورحمة الله

كنت أتابع اليوتيوب وأشوف مقاطع حوادث في روسيا وغيرها تكون مجمعة في عدة مقاطع ، منها المواقف المضحكة ومنها نجاة السائقين ومنها مواقف غريبة ومواقف خطيرة ووفيات إلخ ..
وبحكم الأكشن الحاصل عندنا في السعودية وغيرها والمواقف الكثيرة قد تكون مميزة ونادرة وتجد صعوبة تطلع جوالك عشان تصور أو يفوتك الحدث .. قررت أبدأ البحث عن كاميرا مناسبة 
وبعد عناء طويل وبحث وتفكير واستخارة قررت شراء Transcend Drivepro 200
وهي تعتبر ضمن كاميرات السيارة الخاصة Dash-Cam وتصنف أنها لمراقبة الطريق وتفيد عند حصول حوادث و اثبات التأمين وغيرها << في الخارج طبعاً
وبرضه من الأسباب حب التجربة والاستطلاع واقتناء شيء غريب ومفيد ، وذلك لعمل تقرير بسيط عنه << ينبع عن تجربة وليس خبرة 
وتصوير الطرق وسفرياتي ونشرها على اليوتيوب 
------------------------------------------------------------------------------------------------------
تم الشراء من أمازون عن طريق أحد الأصدقاء في المنتدى - جزاه الله كل خير -
http://www.amazon.com/Transcend-TS16...d+drivepro+200

http://www.amazon.com/Transcend-TS-D...DPDWA1TEY7H5E0

مع أدابتر ضاغط - تشتريه قطعه لحاله من أمازون -
كلها تقريباً 530 ريال
مع شحن DHL بقيمة 107 ريال تقريباً إلى السعودية
فيصبح المجموع :637 ريال سعودي
واستغرق الشحن قرآبة أسبوع 
------------------------------------------------------------------------------------------------------
أسباب الشراء :
1- الكاميرا على ما أظن تأتي بدون بطارية ، بمجرد اطفاء السيارة تطفى الكاميرا ، قرأت أن هذا الشيء أفضل لمقاومة الحرارة الي ممكن تخرب الكام.
2- جودة وتصوير ممتاز جداً وتصميم جميل وماركة معروفة .
3- نظامها سهل وبسيط والتعامل معها بسيط وشاشتها حلوة .
4- معها ذاكرة 16 GB الفئة 10 من نفس الشركة .
5- وجود Wi-Fi تشبكه مع برنامج خاص على الأندرويد أو iOS.
------------------------------------------------------------------------------------------------------
بدائل :
طبعاً كان نيتي أشتري كاميرا اسمها G1W-C لكن على كلام الشباب في المنتدى ان أغلب الشركات تمنع شحنها أو ممنوعة من الجمارك بسبب وجود خاصية التصوير بالأشعة تحت الحمراء ( وتعتبر تقنية عسكرية ) وميزتها سعر رخيص وبدون بطارية - أعتبرها ميزة - وتصوير جيد ..
لكن أنصحكم أيضاً بهذه الأنواع وأسعارها طيبة اللهم انها ببطاريات وأحجام مختلفة :

http://www.amazon.com/Black-Box-Orig...1&keywords=g1w

http://www.amazon.com/SplashETech-Am...=mini+dash+cam

وغيرهم الكثير كل وذوقه ، ويوجد مراجعات كثيرة على اليوتيوب

ولا أنصح الي سيارته سهلة الفتح زي السيارات القديمة أو يكثر اللصوص في حارتهم بشراء الكاميرا  ، والي يشتريها يحاول يغطي الزجاج الأمامي عند ايقاف السيارة في الليل
------------------------------------------------------------------------------------------------------
وهذا شرح على السريع مع نماذج للتصوير في النهار والليل ..
(( ما شاء الله تبارك الله ))
https://www.youtube.com/watch?v=kGM4T-WzXIM


إذا أعجبكم الفيديو أتمنى نشره ، ونقلب الوضع إلى روسيا مع الأكشن الي عندنا في البلد :D







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الله يعطيك العافية معلومات استفدت منها خاصه بحجم الذاكرة ووقت التصوير

انا ما اعرف الفرق بين الانواع ولكن اعتقد فيه ارخص منها بحدود 300 ريال ونوع ممتاز


up 3 down 1
ابراهيم التركـي 1067
قبل 7 سنه و 3 شهر



نعم فيه أنواع كثيرة .. بتحتار لو جيت تشتري ..

اختر الي يناسبك ..

يمكن الي تقصدها اسمها G1W ذكرتها في الموضوع


up 1 down 0
hyper knuckles 728
قبل 7 سنه و 3 شهر



جمل الله حالك موضوع توب صراحه 
وفي نوع اسمه قوبرو او حاجه زي كذا ايش رايك فيها ومنشره اشوفها 
وتثبت على اي شي سيارات دبابات تحت المويه فالغوص. بكم سعرها ووين احصلها 


up 0 down 0
sultanm7m 103
قبل 7 سنه و 3 شهر



^^

تحصلها في كام فور سيل .. لكن هي كاميرا حقت مغامرات وأكشن .. وليست كاميرا خاصة للسيارة
الفرق :
قو برو تصور تحت الماء و لها اكسسوارات كثير تركبها في أماكن كثيرة .. لكن اذا امتلأت الذاكرة لازم تفك الذاكرة وتطلع الي فيها

أما هذي فتعتبر كاميرا لتصوير الطريق أثناء السير ، عند امتلاء الذاكرة تنمسح المقاطع الأقدم ويتسجل مكانها وهكذا ، وبرضه تشتغل مع السيارة وتطفأ معها ..

هذا الفرق


up 0 down 0
hyper knuckles 728
قبل 7 سنه و 3 شهر



مشكور عالمعلومات والله يعطيك خيرها ويكفيك شرها تصويرها ممتاز
أشتريت قبل فترة GS8000l من تاجر بحراج طبعا فيه نسخ تقليدية واصلية .. الاصلية تصويرها ممتاز مقابل سعرها ولكن يعيبها الصوت شوي


up 0 down 0
ahoh 178
قبل 7 سنه و 3 شهر



بما أنك بحثت بالموضوع 
فيه كاميرا تصورلك الخط واللي داخل السياره 
العدسه اللي جوا عدسه عين السمكه تجيك زاويتها كبيره تصورلك اللي داخل السياره واللي جنب القزاز حق السياره
هذي ما صادفتها ببحثك ؟
لان عندي جيران زي اللي برجلك {تكرمون}
ومفلتين بزارينهم و/ا>



up 0 down 0
als7aimy 1176
قبل 7 سنه و 3 شهر



بما أنك بحثت بالموضوع 
فيه كاميرا تصورلك الخط واللي داخل السياره 
العدسه اللي جوا عدسه عين السمكه تجيك زاويتها كبيره تصورلك اللي داخل السياره واللي جنب القزاز حق السياره
هذي ما صادفتها ببحثك ؟
لان عندي جيران زي اللي برجلك {تكرمون}
ومفلتين بزارينهم و/ا>



up 0 down 0
als7aimy 1176
قبل 7 سنه و 3 شهر



عفوا ... 
مفلتين بزارينهم بالحاره حتى السيارات ما سلمت منهم 



up 0 down 0
als7aimy 1176
قبل 7 سنه و 3 شهر




افضل كامرا هي DVR-FHD660G

تصوير اتش دي.  واهم مميزاتها حساس الحركه اذا احد قرب من السياره تصوره
الميزه الثانيه.  جي بي اس. اي صوره او فيديو. تحفظ موقعه
كذالك تعرض سرعه السياره  وتنبهك بكامرات ساهر الثابته فقط


وهنا موقعها

http://www.geniusnet.com/Genius/wSite/ct?xItem=60233&ctNode=3321&mp=1

+ لا يك للجميع


up 1 down 0
الشرقية1 270
قبل 7 سنه و 3 شهر



فيديو شرح للكامرا

https://m.youtube.com/watch?v=eW6yO2g1QE0


up 1 down 0
الشرقية1 270
قبل 7 سنه و 3 شهر



ماشاء الله جدا جميله وواضحه حتى بالليل ما شاء الله

ياخي ودي اشتري وحده لكن ما فضيت

والله اكشن يحصل قدامك وتنقهر لما ما تقدر تصوره 

انا قدامي بي ام انخرط بطنها خرط موديل 2009 الى 2014

وانا وراها لكن هو انخرط بطنها من حفره بالارض مقصوصه 

عرفتوها اللي يقصونها على شكل مربع وعمقها 3 اصابع ممكن

هو طلعت كفراته وتعوجت و الشكامين اللي ورا من قوة النزل تعفط والصدام تفكك من الكلبسات والجنوط ما اتكسرت ما شاء الله لكن تعوجت

انا وراه بالفورد ويارب لك الحمد لله ما سار لي شيء حتى الكفرات ما تفقعت لاني لحقت اضرب فرامل وركبتها بشويش على سرعه 30 ممكن لكن هو اكلها ووقف على طول على جنب

انقهرت واللي قهرني اكثر اخوي من جنبي ولا شاف البي ام يوم سار الحادث هههههههههههه

لانه كان على الجوال

فالكاميرا جدا ممتازه


up 0 down 0
ابو يزيد 000 8712
قبل 7 سنه و 3 شهر



والحفره كانت بالروضه بالرياض , اذا انت جاي من مخرج 14 و13 و دخلت من مخرج 12 ادخل يمين من الاشاره , شفت الشارع اللي انت ماشي فيها ,الشارع الموازي له هو اللي سار فيه الحادث ومن بينهم بعد بورش باناميرا اسود انفك صدامه ودعسه

وهذا واحد حاط مثلث التحذير ودعسه واحد و وركب الحفره وتفقعت كفراته ههههه , وراح اخذ المثلث وحطه عند الحفره مباشره لكن شكله اندعس

طبعا جاء نجم عشان راعي البي ام و اليوم الثاني قفلوا الحفره بعد ما كتبوا بالتقرير حق الحادث انه المتسبب بالحادث حفره كانت مكشوفه وهذا اهمال من المقاول واكيد دفعوه قيمتها من قلبه


up 1 down 0
ابو يزيد 000 8712
قبل 7 سنه و 3 شهر



شباب تكفون لا يكات ابي اطرح موضوع 



up 0 down 0
خالد سعيد123 60
قبل 7 سنه و 3 شهر



انا اللي عندي فيها حساس الحركه وتصوير ليلي كلفتني مع الشحن 470 
بس والله كل المواقف المضحكه اللي مستحيل تتصور  قدرت اشوفها مره ثانيه شيء جميل والله 


up 0 down 0
ابوعبدالله90009 122
قبل 7 سنه و 3 شهر