student cars

ماشاء الله استمر
بس لو تركب ميكرفون يكون احسن لان الصوت

شوي مو واضح بسبب الضوضاء الي في المعرض ولك مني لايك

تسلم اخوي كابريس المايك دورتها لين ما دار راسي معه ولا لقيته لو فيه احد يعرفلي محل يبيع مايكات في الدمام او في جدة اكون له من الشاكرين 

1- اشتغل على الصوت لانك بعيد و صوت الصدى مزعج شوي
2- اتكلم بعفوية و اطرح معلومات عامة عن السيارة اول ما تبدأ
3- جيب واحد يصورك
4- اختصر الوقت شوي و قلل الفواصل
5- مدري اذا هذا طبعك ولا انت متوتر شوي و قاعد تلخبط شوي و تتكلم بسرعة
6 - اخر شي اتكلم بلهجتك افضل من الفصحة لانك كل شوي ترجع للهجتك و تغير مرة ثانيه

طبعا المقطع حلو و التصوير احلي لاكن مثل ما ذكرت لك تحتاج مصور

في الاخير لا تعتبر كلامي انتقاد بلعكس هاذي نصايح لبرنامجك عشان يكون افضل

و انا افضل انك اول شي تشتغل عليه الصوت

غير كذا المقطع حلو و ترا شفته كامل و سويت سبسكرايب :)

شكرا اخوي شادو تعليقك همني وسوف اسعی باذن الله لتحقيق افضل ما يرضيك باذن الله 
بالنسبه للمصور انا معي واحد يصورني لكن خبرته في التصوير مو كبيرة 
لكن باذن الله راح احاول اطور كل شي طلبته مني 

شغلك ممتاز جدا رغم انك توك بادي في المشروع
وافضل من حسن كتبي لانك تتكلم عن السياره فقط ماتجيب سيارات ثانيه وتجلس تشربك بينها

اقترح عليك شي ممتاز
اي سياره قبل لا تنزل عنها موضوع
حاول تاخذ معلومات عن تاريخها وسيرتها التاريخيه
مثلا نشئت من عام 1975 واسسها فلان الفلاني
تصنع في الياباني ثم تم فتح مصانع في امريكا لزيادة الانتاج  في مصنع كذا وكذا

كذا لمن تدعم تاريخ السياره ومشوارها في الصناعه وبعدين تدخل فالمواصفات  اشوف اجمل للموضوع وادق تفاصيل للموضوع
واتمنى انك تسوي تقارير للسيارات الغير معروفه
مثل سوبارو بيجو فولكس واجن وتشمل فيها باقي السيارات المنتشره 

اخوي شاقح شكرا لتعليقك تعلقيك افداني وباذن الله راح احاول اتعمق اكثر في السيارة 
بالنسبه للسوبارو والبيجو والفولكس واجن ان شاء الله راح احاول قدر المستطاع
^_^

عشان تحصل على معلومات ادق عن السيارات وتاريخها
ابحث عنها فال ويكبيديا 
شوف هذا الرابط 

http://ar.wikipedia.org/wiki/%D8%B3%D9%88%D8%A8%D8%A7%D8%B1%D9%88

فيه معلومات تفصيليه عن تاريخ السوبارو
بالشكل هذا راح تكون تقاريرك عن السيارات ثريه وغنيه بالمعلومات 
اكتب فقوقل ( تاريخ تويوتا ويكيبديا - تاريخ كامري ويكبيديا ) 
وراح يطلع لك موقع ويكبيديا عن تاريخ السياره 

يعني مثلا حط دقيقتين من تقرير السياره في البدايه تستعرض فيه تاريخ السياره تم بعدها تبداء فالسياره ومواصفاتها
بالتوفيق

شكرا يا شباب الله يسعدكم مثل ما اسعدتوا قلبي الصغير ^_^ 
والله حمستوني اكثر للاجتهاد بالقناه أكثر

ماشاء الله عليك الى الأمام+لايك

جزاك الله خير تصوير رائع

راختياري للمره الجايه امبالا او سلفرادو :) 

الصوت من جمبها
شرح السياره ايضا سيء
مركز على الانور والجنوط والمسجل
وين وزن السياره وقوة المكينه والقير وبعض التفاضيل عن السياره 
تابع حسن كتبي وشوف كيف طريقته في وصف السياره وشرحها

شكراً لك عزيزي والله يوفقك يارب

اتوقع الشباب وضحو لك اهم النقاط المهمه بالنسبه لك واهمها الصوت يكون واضح والتصوير تحتاج مصور افضل

اما بخصوص السيارات فأتمنى انك تسوي مقطع عن السبورتاج 

وانصحك يا اخوي تبحث عن السيارات الي ما تكلم عنها منافسينك مثل حسن كتبي 

يعني مثلاً السبورتاج انا ما حصلت احد تكلم عنها حتى التوسان ما حصلت ذاك العدد الكبير فإنت أعطي إهتمامك 
لهذه السيارات 

نفر كويس
الرجال توه مبتدئ
والخبره والاحتراف ماتجي من الصفر او من لاشيئ
لابد حدوث اخطاء وملاحظات حتى يكتسب الخبره

مستحيل واحد يتقن اي عمل وهو توه مبتدئ فيه لابد يمر فتجارب يفشل وينجح ويتعلم

انت تقدر تعطي ملاحظاتك بس باسلوب افضل من ذا

اما بخصوص حسن كتبي فتراه داج اغلب وقته
مدخل نفسه فمشاكل وهوشات مع المتابعين لدرجة انه صار ينزل مواضيع عن الردود للي تجيه والمشاكل اللي جاته وابتعد عن موضوع السيارات
والسبب انه جالس يقارن بين سياره من شركه وسياره من شركه ثانيه
ويمدح سياره ويسب سياره 
والهدف من التقرير انك تعرض كل شي يخص السياره وتعطينا تقييمك لها فقط بدون مقارنتها مع السيارات الثانيه
شوف تقارير حسن كتبي اللي منزلها فاليوتيوب
تلقى المتابعين متضاربين وانواع الهوشات 


كل سياره لها عشاقها حتى لو فيها عيوب صعب ترضي جميع الاطراف
فالافضل الواحد يتكلم عن السياره ومواصفاتها وسلبيات وايجابيات
بدون التطرق للشركات الاخرا عشان مايجي احد يقول ليه يفضل هذي السياره على السياره الثانيه

افضل مقدم برنامج سيارات على اليوتيوب
هو مقدم سعودي اوتو
ومقدم عرب جي تي

بداية موفقة وأداء جيد

طبقة صوتك مميزة ومناسبة لمثل هذه البرامج

عادة البداية تتضمن بعض الملاحظات القابلة للتعديل

تابع ملاحظات الشباب وشوف اللي تقدر تطوره وتعدله للافضل

أهم شي استمر وتأكد انك راح تواجه بالقبول والرفض من الجميع

وهذا شي طبيعي

ومع الوقت والجهد الجاد راح تزيد نسبة القبول والاعجاب


تمنياتي لك بالتوفيق والنجاح يا سلطان.

الله يوفقك ،،، استمر الى الامام ونحنا معاك

بدايه موفقه فيه اخطاء بسيطه قابله لي التلافي ونصيحه سوى تقرير في سيارت محد سوى عنه شيئ مثل الكرنفال والسورينتو مثل ما ذكرت

الله يوفقك ، أدائك جميل .. بس اتمنى أتمنى تقرب الصوت اكثر والصدى تسيطر عليه بشكل أكبر .. يكون عندك مايك عند صدرك او فمك 

بالنوفيق ياغالي

شكرا لكل شخص في هذا المنتدى دعمني ونقدني نقد بناء وانا ابدا ما اعتبرها خلط علي بل 
بالعكس هذا لي انا عشان ادعم واطور في نفسي ______
بالنسبه للبرنامج انا بكرة بصور حلقه ان شاء الله طبعا اعتذر عن الاطاله والقطعه 
اللي صارت بس والله مو بيدي مريت بظروف صحيه والحمدلله الان بكرة بأذن بحاول بشوف السورينتو 2016 او الجراند كارينفال 
2016 لكن انا بغير شوي ___فعليا موشوي واجد :)___بتشوفونها بعد فترة 
بس والله شكرا لكل شخص شخص دعمني وعلمني ومن كل قلب شكرا لكم :)