وين موقع معارض الشفا

ما اخس من قديد الا عسفان

كل معارض السعوديه مليانه شريطيه لذلك لا تعتمد أنك بتحصل شي مختلف في معارض الشفا

شوف بما اني عارف النسيم والشفا

اقول خلك ع النسيم تجي فيه مواتر نظيفه 
الشفا مابه شفا

الرجال بياع واذا م تعرف يراعي الدسلايك هب سلح غثيتونا 

جزاكم الله خير 
الي لاحضته بالشفا ان اغلبهم يمنيه حقين الحراج وشوارعه حوسه
ماقدرت اطلع الا بنص المغرب عكس النسيم اذا اذن انفتحت الشوارع ومنظمه لاكن يعيبها كثرت الشريطيه
والوصف للي يبي لا عديت مخرج ٢٢ ووجهك غرب يجيك طريق ديراب رح يسار عد الكبري الاول ثم ادخل الخدمه اول اشاره يسار تجيك المعارض يمين

وصفه ياطويل العمر معارض الشفا 

مخرج ٢٤ الدايري الجنوبي تدخل معه وتمسك الخدمه الين الاشاره 

ثمن تروح يسار وتمشي سيده يجيك اول تقاطع تخليه سيده الين يجيك اجباري يمين تبتل سيده بالخدمه تتعدى الاشاره الاولى وتجيك الاشاره الثانيه سيده الاشاره الثالثه 

توقف عندها وتروح يسار 

تدخل شارع المعارض يكون حراج الشفا خلف المعارض حقت السياره

اتمنى يكون وصفي واضح 

والله يرزقك ببيعة سيارتك بالقيمه اللي تسرك

موفق يالغالي 

دامك بتجي مع الجنوبي امش سيده وجهك غرب بيجيك كبري الحراج والبطحاء اتركه

امش لين يجيك مجمع الكباري يمين الملك فهد في النص الدائري الغربي يسار طريق ديراب رح مع ديراب


بيجيك النفق اول مخرج من النفق خله ادخل مع الثاني خدمة بتجيك اشارة المعارض رح يسار امش هم على يمينك والساحة داخل او تدخل مع المخرج الثالث اللي هو الامام مسلم لأن الثاني في نص التحويلة ولا عليه اي لوحة تاخذ الامام مسلم وتديور مع الاشارة بتجيك اشارة المعارض يمين ثمن يجونك على يمينك


واذا بغيت تسهل المهمة عليك عندك قوقل مابس طق الخريطة يوصف لك لين تدخل الساحة


تحياتي لك