رأي المستخدمين لفورد اكسبيدشن

بحكم استخدامي لسياره مديل ٢٠١١ 
اقولك خذها وتوكل على الله سياره صبوره وقويه وأضف هذي المعلومه عندك قطع غيارها ارخص من 
شركة GMC 
ومريحه مقارنه مع مثيلاتها

اذكر مع اخووي واحد 2004 ياكثر ماغير طرمبة البنزين

لاكن الشهاده لله كده 5 سنوات ثمن بدا يفتح فمه بالخرابات

ويمكن الموديلات الجديده تحسنت كثير عن السابقه بس قطعه شوي لك عليها حبتين بالسعر

اذكر خذت كويلات له 3 حبات وهو يجي 8 كويلات بحكم انه 8 سلندر

وقيمتها طلعت حول 400 ريال وماهو كل قطعه متوفره بعضها بالوكاله

هذا من واقع التجربه ومحلات قطع الغيار هي اللي تثبت كلامي

والله يعطيكم خيره ويكفيكم شره

موفق

وعليكم السلام ورحمة الله 

توكلوا على الله واشتروه 

سياره جميله وصبورة وما منها خوف ويكفي انها من شركة فورد العريقه ولا داعي للمشوره في هذه الشركه 

انا الحين ابحث عن موديل 2014 او 2013 مستخدم استخدام حشمه اغلب اللي في الموقع ما تستاهل قيمتها

اللي عنده نظيف يكلمني خاص 

بالتوفيق 

الاكسبدشن الآن انسب سيارة عائلية بسعرها

اليوكن والتاهو الله يكفينا الشر مايطولها احد وياليتها تستاهل مع احترامي لملاكها

الاكسبدشن ثباته حلو قيادته ممتعة راسي وقطعه متوفرة ومناسبة وعملي

من تجربتي للاكسبدشن كسيارة من العمل اشوفها / قوية وتتحمل المطبات ومريحة في السفر وفيها عزل الصوت ممتاز ولكن ابتعد عن اللون الغامق اشوف المكيف يتعب معاه . التاهو واليوكن يتغلب على الاكسبدشن من ناحية صرفية البنزين - المكيف (فرق بسيط) - سوق المستعمل وخصوصا بعد خمس سنوات والله اعلم . 

توكل على الله واشتروا واحد وحاليا نزلت المكينة الجديدة 3.5لتر ستة سلندر تيربو وعزمها اقوى من القديمة سعرها يبدا من 150 الف بدون دبل . 

من ناحية تجربتي له مركبة ممتازة جدا

على الانسيابيه والثبات ومريح بالخط ووممتاز في الرمال
توكل على الله ثم استخر والله يكتب لك اللي فيه خير

8 سنوات خدمة بيكمل في رمضان بمشيئة الله
من أفضل السيارات اللي قنيتها
متميز على الخطوط الطويلة
مريح و وسيع (معي الشاص الطويل) 
لك و للزمن 
توكل على الله و لا تتردد
9 من معارفي اقتنوه بعد ما شافوا خدمته...
أفضل وكالة سيارات أمريكية في الخدمة بعد البيع

ياليت المجربين يتكلمون من ناحية تماسك الديكور والبودي بعد الاستخدام لفترة طويلة
اليوكن سيء من هذي الناحية ديكوراته تتهرقل

انا شخصياً ماجربته لكن اعرف مستخدمين كثير له والله يا ديكوراته وتماسكها انه افضل من اليوكن والتاهو حتى 2014 لكن 2015 تاهو ويوكن مادري عنه زبطوه ولا مثل القديم

لكن الله حق الاكسبدشن ماشاء الله متماسك لا خلخله ولا غيره الجمس اعوذ بالله تسوق 2010 كنه 2002 بدون مبالغة من القربعة اللي فيه

وهذا السبب اللي مخليني اعوف نوعا ما اليوكن والتاهو ولا هي كويسة ، بالاضافة الى ان ثباته بصراحة عايدي امشي به 120 يجي فتاش في الدائري ولا هويات يتحرك ويطامر

الاكسبدشن احسن ثبات منه

غير كذا كلها كويسة لكن الاكسبدشن تفوق في هالنطقتين لكن الشكل للتاهو واليوكن اكيد

تحياتي للجميع

للامأنة .. سيارات عملية وسيارات كد ومد ولا تطلبك شي الا زيت وبنزين .. وبالنسبة لقطعها الاستهلاكية تعتبر رخيصه ..
توكل على الله .