أضف سؤال أو موضوع جديد          

الشريطية والتلاعب الغير معقول

up 29 down 27
ابراهيم التركـي 1068
قبل 6 سنه و 2 شهر



السلام عليكم ورحمة الله وبركاته

العادة اشكال الشريطية معروفه من لبسه وشكله ومشيته وطريقة كلامه

ولكن احيانا تشوف متعاون مع شريطيه بشكل ما تتصورة

توصل لدرجة أن الحراج كامل يتحول الى شريطية نصابين 

العادة يجون 2 او 3 شريطية يتزاودون على سيارة وحده 

ويكون فيه ناس تبي تشتري وتزيد معهم

لكن توصل ان حتى المحرج متعاون معهم واكثر من 8 او 10 شريطية 

ولا فيه زباين الا 2 او 3 فقط ما يعرفون بالموضوع هنا المصيبه

القصه هذي حصلت قبل اسبوعين بحراج جده

اللي يعرفون حراج جده فيه حراجين بنفس المعارض واحد داخلي وواحد خارجي

بينهم مسافة 2 كيلو تقريبا او اقل 

المهم نزلنا ندور جمس موديل ما بين 2004 الى 2008 ويكون فل كامل

ونشوف التلاعب والشريطيه 

المهم جاء جمس 2007 شكله نظيف لفت نظرنا

واللي لفت نظرنا اكثر اللي يسوقه عمره تقريبا 18 سنه شكله صغير

ويقول السياره حقت اهلي والشريطيه تتجمع عليه وياخذون الاستمارة 

وكل واحد يصايح من جهه يقولون تعال وقع وخذ فلوسك وهو يسوي نفسه مسكين

والله وصلت لدرجة القهر عندي بغيت ادخل عليه قدام المحرج والشريطية واقوله هذولي نصابين

عشق سيارتك وامش حتى لو ما عطوك الاستمارة بلغ الشرطة اللحين عليهم او المرور شوفه هناك واقف

ويجي ياخذ الاستمارة غصب كذا بغيت اقوله قدامهم

لعلي انشغلت بسياره ثانيه ورجعت له ما لقيته قلت مسكين شكله راح فيها

هالكلام العصر

و معي العضو قليل مشاركاته معنا اسمه ابو ابراهيم 999 

المهم بعد المغرب رحنا للحراج الداخلي والا ابو ابراهيم يقولي شفت الجمس اللي مع الورع 

اللي تجمعوا عليه الشريطية هناك 

شوفه وين جالس 

اطالع الا والله جالس مع كبار اصحاب المعارض والشريطية والجمس موقفه داخل المعرض 

ويسولف ويضحك طلع منهم وفيهم 

يقولي ابو ابراهيم اول ما وقف وهم يضحكون كأنهم لقوا صيدة

يعني سياراتهم ما ينزلونها نفس الحراج عشان ما ينكشفون 

يودونها الحراج الثاني يحرجون عليها مع الورع عشان ما احد يشك فيه
______________________________

صورة لمازدا قديمة لها سنين واقفه وعلى شارع عام مدري وين البلدية عنها

لو انهم لاقين سياره نظيفه وعليها الكلام يعني سعرها ما بين 20 الى 30 الف

ووقفت شهر بس بالشارع كان سحبوها 

لكن الخرد اللي ما تسوى شيء يطنشونها 

وعذر السحب تشويه للمنظر العام

وهالخردة ما ادري وش يسمونها











إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


السلام عليكم ورحمة الله

اعتذر اخوي ابراهيم اذا جرحتك ذيك المرة

بموضوع العضو فيرو بخصوص الكفرات

كان المقصد معلومة اكيدة اكثر لأنه هذا طقم كفرات بمبلغ وقدره

مو تقليل من قدرك ابدا 
مع القليل من الدعابة

بعدين لك فترة مانزلت موضوع ليكون انا السبب هههههه


up 3 down 1
في السماء غيم 220
قبل 6 سنه و 2 شهر



وبخصوص الشريطية

هو في احد بالبلد ماصار شريطي؟ 

اؤكد لك ان كل السيارات اللي شريتها 
تم شراءها من مستخدمين عاديين غير الشريطية

ومع هذا الكل منهم ماكان صريح في البيع

وانتهج كل واحد فيهم اسلوب من اساليب الشريطية

وماهي وحدة ولا ثنتين 

6 سيارات يارجل 
هيا وش خلوا للشريطية؟

الله يعين بس


up 1 down 1
في السماء غيم 220
قبل 6 سنه و 2 شهر