الي له خبره في تصدير السيارات من دبي

جميل موضوعك
انا ودي ادخل كابرس 90 من الامارات 

مثلا يجي من امريكا للامارات ثم السعودية
لان الابرسات هناك بل سيارات الامريكان مررره نظيفة .. 
شفت موديلات قديمة انصدمت من قوة نظافتها

انا قصدي على الموديلات الجديده

البسامي للنقل يضبطها لك وعندهم نقل من دبي للرياض ١٥٠٠ ريال 
واماكن الفحص ما افيدك بس انتبه اهم شي اذا ارسلك المعرض لمحل حاول تروح محل ثاني 

وعليكم السلام
,,طبعا انتبة يدخل للسعوديه من موديل 2010 واعلى ,واذا السيارة امريكية وفيها سمكرة واجد انتبة لانه ماراح تقدر تستخرج لها بطاقة جمركيه ,وتحتاج بطاقة الاحوال وورقة ابراء ذمة من مرور الامارات ,والسيارة اللي مضى على صنعتها سنتين ويوم عليها جمرك واقل من ذلك ليس عليها جمرك ولكن تحتاج ورقة مقاصة من الوكاله ,اما الفحص انتبة من صاحب المعرض انه يرسلك لمحل فحص فبعض المعارض متعامل معاهم ,يعني انت روح كذا محل فحص والفحص من 50 الى درهم100 درهم ,,اما الفلوس خذها كاش وبدلها هناك ,واذا انت متاكد من نظافة السيارة وواثق من مالكها فتستطيع انك تحوله له الفلوس من السعوديه وهو يرسلها لك با البسامي ,لكن انتبة 80 % من سيارات الامارات مسمكرة

واذا تقصد سيارة جديدة اصفار

,,اهم حاجة ورقة المقاصة من شان جمرك السعودية ما ياخذ عليك جمرك

ياجماعة الخير بلاشي الكلام الغامض هذا..

الرجال مو فاهم! 

اشرحوا له ايش هيا ورقة المقاصه ومن وين يستخرجها
وياليت واحد يفيدنا من كذا الى كذا! 

لان والله حتى انا محتاج اعرف مالي اي خبره! 

طيب

,,فيه حاجة بين دول مجلس التعاون اسمها التوحيد الجمركي
,,يعني لما تشتري سيارة جديدة من اي دوله من دول الخليج ما عليها جمرك ,ولما تشتري سيارة مستعملة مثلا مكتوب في البليته (البليته ) استكر الصنع الملصق باب الراكب , طبعا مكتوب فيها تاريخ صنع السيارة , ولنفرض ان السيارة مضى على صنعها سنه و11 شهر ,,هنا باقي عليها شهر ويكون عليها جمرك بحسب سعر السيارة اللي هو 5 % ,,اي اسيارة مضى على تاريخ صناعتها سنتين و يوم واحد اذا عليها جمرك ,,عدا ذلك تحتاج ورقة مقاصة , وورقة المقاصة تذهب للوكاله اذا السيارة مثلا تويوتا تذهب لوكالة تويوتا ,واذا فورد تذهب لوكالة فورد وهكذا ...., وهذه الورقة تثبت ان السيارة تم دفع جمرك عليها عند دخولها للامارات , طبعا استخرجها مجانا, طيب تقول ما ابغى ورقة مقاصة ؟ طيب مافيه مشكله السيارة,لكن السيارة راح تدفع عليها جمرك 5 %
,,يعني اقل من سنتين ليس عليها جمرك ولكن بشرط ورقة المقاصة ,,,, تقول ماني فاضي رايح جاي ,,اذا المعرض يخلص لك كامل الاوراق وياخذ عليك تعقيب ممكن 500 درهم وانت استلم السيارة وامسك الخط ,
طبعا لما تجي منفذ الامارات هناك مكاتب يخلص لك الاوراق وكل شي وياخذ 150 درهم وراح يسئلك بكم اشتريت السيارة؟ ونفرض ان السيارة اشتريتها ب 100 الف انت قول اشتريتها ب مثلا 60 الف وهذا كله من شان جمرك السعوديه وطبعا ها اللكلام للسيارة التي عليها جمرك ,اما السيارة اللي ما عليها جمرك ما عندك مشكله لو يكتب المعقب انك مشتريها بمليون ,

واهم نقطة بعد ما تخلص اوراق المقاصة با الوكاله وكذلك ورقة ابراء الذمه من المرور انك تتاكد من رقم الهيكل من شان يرجعوك من المنفذ ,يعني حاول تكتب رقم الهيكل من السيارة بورقه وتتطابقة با اوراق المقاصة والمرور ,,
تقول ما فهمت الشغله سهلة والمعارض هناك يفهموك كل شي

طبعا جميع وكالات السيارات بدول الخليج تقدر تشتري منها سيارات جديدة وليس عليها جمرك بشرط وجود ورقة مقاصة,,عدا شركة فورد ,,لو مثلا تبغى سيارة جديده من وكالة فورد,,فهنا عندك ثلاث خيارات اما ان تشوف حد من جنسية الدوله وتعطية الفلوس ويشتري السيارة ويسجلها با اسمة ومن ثم يسجلها با اسمك على انها مستعمله,الخيار الثاني انك تشتري السيارة وتتركها بالامارات 6 شهور وبعد ذلك تذهب للوكاله وتاخذ ورقة مقاصة ,الخيار الثالث انك تشتري من المعارض بشرط ان المعرض يجيب لك ورقة مقاصة , تقولي ليش فورد كذا ؟ اقولك لان فورد عام 2009 اشتكت لوزارة التجارة ان الشعب السعودي يشتري من الخليج وبكذا احنا الوكالة خسرانين! طيب ايش تبغون نسوي لكم يا شركة فورد با السعودية ؟ ابد نبغى تفرضون جمرك على سيارات فورد الجديدة ! طيب ابشرو ! وبكذا ظهرت تلك التحايلات اعلاة , يعني اضرب لكم مثلا عام 2009 الفورد اف 150 غمارتين ستاندر كان با السعوديه ب 129000 الف وبقطر ب 92000 ريال واصل للسعودية