أضف سؤال أو موضوع جديد          

الـ 40 ألف و السيارات المتاحة بها

up 4 down 4
البلاههدي -11
قبل 10 سنه



مساء الخير

مالكم في الطويلة انا ابحث عن سيارة
بحدود الـ 35 ألف او كحد أقصى 40
وش الخيارات المتاحة عندي ؟

وش موديل الكامري الي ممكن تجيبه
او الفورد او حتى الكابرس
هي الخيارات الي في بالي 
لحد يقول لي اكسنت و يارس

غيى كذا انا رجال صصففر ع الشمال
في امور المعارض و السيارات
كيف اخذ السياره بدون ما أنغش فيها
و وش افضل مكانات الفحص في الطائف

و سلامتكم .







إبلاغ إبلاغ



الردود


ماعندي معلومة افيدك فيها

لكن ما اقول غير الله يرزقك بالموتر اللي تمناه


up 0 down 0
salem almutairi 403
قبل 10 سنه



اهلاً اخوي 
معك ٤٠ ف ماركيز ٢٠٠٩ او ٢٠١٠ 
او فكتوريا 
عندك كامري ٢٠١٢ ممكن تحصل لو نزلت معارض جده 
سوناتا ٢٠١٢ 
اوبتيما ٢٠١٢ 

لاتاخذ تحت المكرفون لان اكثرها معدومه ومقصوصه ومقلوبه 

خذ من اللي برى واشترط ع الفحص 

عندك ف الطائف محل فحص كويس تخلي توكيلات الجزيرة ع يمينك وتطول يجيك ورشة الثمالي ع يمينك تتعداها شوي 

تحصل ورشه كبيره ناسي اسمها ع يمينك فحصهم كويس 

واذ بغيت فزعتي تحت امرك وهذا رقمي 0555355801 
وسلامتك ياذيب 



up 3 down 0
الكريك 176
قبل 10 سنه



الكريك كفييت ووفيت لكن كامري 2012 ب 40 !!

ممكن لو معدومه صح بس النظيف غالي لان 2012 الشكل الجديد 

انت يمكن تقصد 2011 الشكل القديم 


up 1 down 0
salem almutairi 403
قبل 10 سنه



هلا اخوي سليم 

لا وانا اخوك يوم الجمعه كنت بحراج جده وشفت ٢٠١٢ الشكل الجديد من ٤٠ وطالع 
وحصلت ٢٠١٢ نظيفه وطيبه يبغا عطيته ٤٠ وافق مع الفحص 

والله يرزقه بسياره اللي تريحة 


up 1 down 0
الكريك 176
قبل 10 سنه



حياك 40 الف امامك خيارات كثيرة
ومنها
1/كامري 2010 نضيف تماتيك 
2/سوناتا امريكي بطاقة جمركيه 6 سلندر 2009 او 2010
3/افالون 2007 نضيف 



up 0 down 1
الرفاعي33 13918
قبل 10 سنه



بيض الله و جيهكم جميع

بنسبة الكريك كفيت و وفيت زي ماسبقني
بها المطيري

فتحت بالي انت لأمور واجد
ماتوقعت الـ 40 بتجيب كامري 12 !!
بغض النضر عن الشكل الجديد موديل 11 نضيف 
اقدر اخذها بأربعين ؟

بنزل للمعارض و اشوف الخوف عندي من الفحص
في جده معرف شي
لكن لاهنت و لاحتجناك ان شاء الله انك كفو
و في الخدمه


up 0 down 0
البلاههدي -11
قبل 10 سنه



انتبه من الحراج اكثر الكوامري هناك معدوومة لاتشتري الا من معرض كبير وغير كذا لا تفحص في المكان اللي يرسلك عليه والا يدلك عليه واهم شي خذ معك خوي فاهم في السيارات


up 0 down 0
mxxz 397
قبل 10 سنه



تسلم يابعد اي افضل انزل جده حراج كبير وان شاء الله تحصل 

وان نزلت جده تبي محل فحص ف واحد بجنب معرض العوفي كويس 
وسلامتك


up 0 down 0
الكريك 176
قبل 10 سنه



أولاً الله يعينك على الشراء وتعبه
شف 
٣٥ -٤٠
تجيب لك كامري ٢٠٠٩ GLX
فورد ماريكز ٢٠٠٨ او ٢٠٠٧ Ls
سوناتا ٢٠١٠ او ٢٠١١  سعودي او كوري
ازيره ٢٠٠٧ او ٢٠٠٨ او ٢٠٠٩ 
اكورد ٢٠٠٩ نص فل 
...
اتكلم عن سعر للسياره نضيفه



up 0 down 0
raeed.55 287
قبل 10 سنه



الله لايهينكم جميع
و متشكرين

انا بنزل و أشوف و الي احلصها نضيفه باخذها
ماني مفرق بين الكامري و السوناتا الا بنضافة

بنسبة الي يقول خذ واحد معك فاهم
في السيارات ، انا ماني مشتري سيارة لين افحصها
وش يفرق معي فاهم و لا لا ؟


up 1 down 0
البلاههدي -11
قبل 10 سنه



ي عزيزي الفحص احياناً
مايطلع بعض المشاكل عن تجربه
وفحص لازم تسوق السياره بنفسك وتاخذ بها مشوار 
وركز على التهريبات والقير ومكيف 

ولازم يكون معك واحد لان وقت الشراء الواحد يضيع وتشغله افكار وينعمى عن بعض الأشياء

...المعذره طولت عليك بالكلام



up 0 down 0
raeed.55 287
قبل 10 سنه



الفاهم يفرق معك كثيير نصيحة لو تقدر تاخد واحد فاهم خذه
اولا ممكن ينتبه لعيب في السيارة وتوفر قيمة الفحص
والفحص اشياء كثير ما يطلعها
وممكن لو احترت في سيارتين يشور عليك بالأفضل
وبالتوفيق ان شاء الله


up 0 down 0
mohammed-66 111
قبل 10 سنه



والله انصحك ما تطلع عن الفورد - سواء فكتوريا او ماركيز
بهذا المبلغ تاخذلك موتر نظيف ومريح بالسواقه وخراباته قليله وقطعه رخيصه وصيانته اسهل منها مافي
مشكلته بطوله وكبره بس
روح الصناعيه وشوف اغلب السيارات بتحصلها تويوتا ونيسان
وبصراحه الياباني ماعاد هو مثل أول ، خراباته كثيره ومعقد عند الميكانيكيين وقطعه ناااااااااار
وتقدر تروح وتتأكد بنفسك من القطع
----------------------------------
والحين بيجوك حساد الفورد انواع الديسلايكات ههههههههههههههه





up 1 down 0
Abu-Saad-212 387
قبل 10 سنه



اخوي فيكي1

انا ميزانيتي موب عالية عشان اخذ كوري او ياباني جديد
اذا اخذت كامري او سوناتا بتكون موديل 10 او 11
موديلات شبه قديمه و قطعها رخيصه
و غير كذا غير معقده نسبتاً لسنة انتاجها




up 0 down 0
البلاههدي -11
قبل 10 سنه



كرايسلر 2005 من 35 الى 40 الف 
موستنج 2005 من 30 الى 38 الف 
كابريس اس اس فل كامل 2006 35 الف 
افالون 2006 نص فل  40 الف