ما أفضل طريقة لتنظيف المكينة والمحركات داخل كبوت الماركيز

والله لو تبي نصيحتي خلها بوساختها لا تنظفها ولا شيء بتندم بعدين تفتفه ومشاكل

بالنسبة للتظليل لو كان من الخارج حتى لو نوع غالي راح يبهت

ظلل من الداخل وامورك طيبه

بالنسبة للتنظيف انا اشوف يكفي الهواء النفخ وبعضهم يرشه ببنزين او قاز بينظف صح لكن مع الوقت يمسك الغبار ويرجع ازود من اول... هذه عادة الشريطيه اللي ناوي يبيع.. بالنسبة للتظليل الشركات كثيره درايف 7 وثري ام ....ضمانها 10 سنوات وطالع

الهواء افضل شيء اذا تبي تحافظ على المحرك

ترى عندنا السيارات العسكريه دايم يوصوونا لا ترش المكينه ماء نهائياً


وشفها تكرف سنين وعاد تخبر العسكر فيهم عباطه مايحتاج

ونسيت اقولك

ولو تفتح الكبوت تشوف شكل المكينه بتقول هذي مخبطه اكيد

بالنسبه للتنضيف انا عني ماغسلها انضفها بالهواء فقط

اما التضليل والله علمي علمك ماعرف كيف افرق بين الامريكي والكوري

اذا حبيت تنظف المكينه خذ لك بخاخ من ساكو اسمه منظف المحركات engine clearing ومدري والله وش أفضل شركه لكن فيه شركة jenk طيبه عط علبة الفيوزات وغطاء المكينه وأي شى تبي تنظفه كم بخه ثم خذ بخاخ الماء حق الملابس ورش وثم مسحه بفوطه وان شاء تصير تلمع

بالنسبة لتنظيف المكينه عندك طريقتين :
الأولى ، لو كنت بالرياض في محل ينظفلك اياها بالبخار ولافيها مشاكل باذن الله ، اسمه (التقنية الحديثه او حاجه زي كذا ناسي اسمه والله - موجود على مخرج 5 مقابل بترومين)
وانا جربتها وسيارتي فكتوريا بسعر 50 ريال ولا صار شي ولا تفته حتى
الثانيه ، جب لك خرقه نظيفه وبخاخ آي سي ديلكو وكاسة شاي بعد العصر
وبخ في الخرقه ولمع يا ملمع ، على رواااااااق
وبتلاحظ مكينتك تلق لق بتقول وكاله

وبالنسبة للتظليل :
عندي الصيني -- أبو كللللب
يشهب بسرعه وتحس لونه مايل على بني او على احمر مدري كيف يقهر
والكوري - وسط 
يمشيك فترة بس مو أكثر من سنه خصوصا القزاز الخلفي
والأمريكي - مررره مويس
عليه طبعه بخط صغير جدا مكتوب Made in USA هذا ممتاز ولي سنتين مركبه ولا شهب الحمدلله
بس سعره دبل الكوري يعني 4 شبابيك وقزازه خلفيه بـ 120 الى 140 ريال تقريبا

بالتوفيق

مااشوفه له داعي ..

انتبه تغسلها بالديزل بستم زي مايقولو 
غسلتها قبل فترة وتفتفت السيارة وخربت مساعدات الكبوت وطلع لي صوت الظاهر بكرات ليومك هذا 

في الوكاله ينضفونها بالهوا الاول

بعدين يرشون عليها بخاخ الصدأ WD-40 الازرق ابو 10 ريال

انتبه


سنه من السنوات ممكن في 2010 كان معي تونكار 99 وماشي معي زي العسل ومن زود المحافظة والوسوسة الغبار الي على المكينه مب جايز لي ووديها مغسله الدغيثر ( اهل الخبر ) يعرفونها المهم والله واغسلها بخار وبعد ماخلص صارت المكينه تلق وراح الغبار بسم الله وادق سلف قسم بالله ان المكينه ترج ترج ترج ؟؟؟؟؟؟؟



وانا اقول في خاطري شسالفة ؟؟؟ وافتح الكبوت واطالع يمين يسار مافي اي شي ركبت شغلت ونفس الشي المكينه مب صافيه واعشق وتطفي والله طفشت وصارت تتفتف وتنتع وقت التنمير من نمره لنمره والله ومن اشقل المكيف والسيارة واقفة تطفي او من اوقف واعشق والف تطفي كرهت ام السيارة ولعنت الساعه الي فكرت اغسلها اقسم بالله كنت اتمنى اني نمت ولا طلعت المغسله وقتها كرهت السيارة وبعتها