سبب ارتفاع اسعار سيارات الشرقيه المستعمله

بالنسبه لي أنا آخر سيارات أفكربها سيارات الشرقيه بسبب الرطوبه اللي تعدم البدي

والله انك صادق..رطوبه وشوارع مكسره كل شهر يبغالك هيئه امامميه كامله والله قبل سنه كان عندي تشارجر 2007 نظيف ..سيم بالنسيم 37 ..واحد من العيال قالي روح الشرقيه وسف كم تبيعه والله بالفعل رحت وخليت الموتر عند خويي معروض وبعد اسبوع بعته 46 الف والله على ما اقوله شهيد

يمكن بعض انواع السيارات تكون مرغوبه بالشرقيه اكثر من الرياض
ويكون عليها طلب عشان كذا تلاقي سعرها مرتفع بالشرقيه اكثر

ختى لو كذا بس مو لهلدرجه الفرق...بس انا اشوف انه كل السبارات غاليه سواء مرغوبه او لا

تعرف اهل الشرقية فيهم النعومة والركادة في استخدام السيارات بعكس اهل الرياض يجيك ياخذ المطب وهو على سرعتة يعني عالم منتحرة .

الصراحه لا حظت ان انظف السيارات بالموقع من الشرقيه

اهل الشرقيه يعزون الشفر  اخبر اول مانزلت لومينا اس اس 2003   مع اخوي وحده  وكاله لونها احمر ودخليه احمر سبورت    كورنيش جونا نااس كثرين  يبون سياره وقالو نبي نشتريها 

 وكانت لومينا ع ايامها  جديده اصفاار  اول مانزلت شارينها من الامارات  عطونا فيها سعر مغري بس اخوي كان متعلق ع موتر  

 من سيارات الي يحبونها شرقيه اكثرها شفر  وسبورت  وزد نيسان 

انا اشوف ان سيارات الشرقيه نظيفه ومحافظين عليها 

شف يا الغالي اهل الشرقيه يموتون اسم امريكي شف الكوابرس القديمه محافظين عليها له قيمه الجموس القديمه

النظام والاحترام في الشرقيه خل عنك بس البربسه

يكفي انها البلد اللي كبر كروشكم يا بتوع المزاين ..... ابن سعود سماها بلد الخير وانت وين  شاطح الواحد من عمله لبيته ما له في الهياط حتى مغاسل السيارات وحتى العماله متاثرين بثقافة الاحترام للنفس اولا وللاخرين 

حسبي الله عليكم شريطيه حتى الشرقيه حستوها وشريطية الشرقيه كلهم عارف من وين جايين وهم اللي سودوا سمعة البلد ..........

والله اخوي انا عايش بالدمام تحديدا اسعار خرافيه وخارج المعارض سيارات تعبانه ومو نظيفه ومتمسكين بالاسعار

ليش لان االشريطيه واصحاب المعارض مستحوذين تماما على السيارات النظيفه ويعرضها بمعرضه لو ما انباعت بالسعر اللي يبيه راح تنباع له لو بعد سنه اما الصالات الامريكيه فهذولي حدث ولا حرج اكثر من شخص اعرفه يسافر للرياض على شان الاسعار والله يخارجنا من الغلا دمتم يحفظ الله

الاخ ابو محمد المحترم...اهل الشرقيه على عيني وراسي وكل الاحترام لهم وكل الناس تشهد احترامهم ولباقتهم...انا ما قلت اييييييييييي شي يخص اهل الشرقيه ولا تكلمت عنهم اصلا(انا طرحت موضوع مواتر منطقة الشرقيه)مووووووووو غلا اهل الشرقيه الله هداك بس حنا بشهر فضيل وما يجوز تحد وتغير بالنوايا وانا مو بشرطي ولا باجنبي انا سعودي

...تشرفت بمرورك اخوي ابو محمد وكل عام وانت بخير وينعاد عليك بالخير انشاءالله

بسبب المستوى المعيشي اعلى من الرياض 
الشركات الكبرى اغلبها بالشرقيه ورواتب موظفيها كبيره مقارنه بغيرها