أضف سؤال أو موضوع جديد          

الطريقة الصحيحة لتكبير الجنوط بدون تأثير السيارة

up 12 down 2
sherif5502 45
قبل 7 سنه و 6 شهر



السلام عليكم ورحمة الله وبركاته 
اخواني الاعزاء .. كثير مننا يحب يجنط السيارة ويكبر الجنط والكفرات بدون علم مع انه لازم تعرف ايش 
القواعد الاساسية لمفهوم حجم الجنط وارتباطة بالكفر .. وحتى لا اطيل عليكم قريت موضوع لاخ لينا هنا 
بالمنتدي يشتكي من ان كفراته تحبل وتخرب عليه بسرعه .. فا حبيت اضيف ليكم المعلومه عسى ان شاء الله 
تكون معلومه مفيده والكل يستفيد منها الي ما يعرفها والي يعرف يعرف اكثر .. ندخل بالموضوع 
اولا :- اختيار الجنط المناسب لو مثلا الكفر عندك مكتوب عليه 205\60\ 16 
يعني 205 \ هو عرض الكفر بالملي متر .
60 \ تعني ارتفاع الكفر من بداية الجنط حتى اخر الكفر .. من الواجهه يعني 
وأخيرا 16\ تعني حجم الجنط الي راكب على سيارتك 

والطريقة الصحيحة علشان ما احد يخربطك ويضحك عليك سواء بنشري او غيره من الناس الي 
ماشاء الله يفتون بكل شيئ انك لو بغيت تكبر الجنط من 16 الي 17 لو على القياسات الي فوق بالمثل 
( 205 \ 60 \ 16 ) 
لتصبح 
( 215 \ 55 \ 17 )  لا حظو يا اخوان الفرق بين الارقام وهي كالتالي
 زياده 10 على عرض الكفر
ناقص 5 من ارتفاع الكفر
وبعدين زيادة رقم الجنط الي هو 17 .. وبكذا .. تكون الزياده الصحيحة بدون لا تضر الفرامل
ولا رفارف السيارة ولا اي شيئ
يعني مثلا لو تبى تزيد ل 18 تصبح

( 225 \ 45 \ 18 ) وعلى هذا المبدا دايما امشي .. زود 10 ارقام على عرض الكفر .. نقص 5 ارقام 
من ارتفاع الكفر بالاخير حط رقم الجنط الي تبيه
اتمنى يكون الشرح مبسط .. والي مو فاهم يراجع الرابط
شرح السيد \ حسن الكتبي لتكبير الكفرات

https://www.youtube.com/watch?v=tkoIyi-rUBg

تحياتي لكم  







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


كلامك سليم لاكن عندي تعقيب عن زيادة 

عرض الكفر مثلا 205 الى 215  

انا اشوف انه خطا لازم تتاكد اولا ان سيارتك 

تتحمل هل العرض بعض السيارات زي الاكسنت عندي 

مركب جنط 16 وحاط العرض 205 

ولو عرضت اكثر راح يحك الرفرف ولمن الف او اديور بيحك 

معي لو احط اعرض من 205 

وكمان الارتفاع لوزاد عن حده بزياده 

بعضهم يجي شد بلد 60 ويمكن يستوعب زياده بسيطه

لاكن بعضهم يحط 70 او اكثر ارتفاع بحكم ارتفاع الحفر 

هذي تاثر على الكفرات اذا ماصار مقاسها مناسب راح تحك

والخساره ترجع لصاحب السياره 

لاكن بعض السيارات زي البيك اب والجيوب 

يركبون كفرات عراض ماياثر لان الرفرف معطي مساحه 

واسعه للكفرات العريضه بعكس السيارات الصغيره 

لان كثير يغلط بالبناشر لاركب جنط او حب يعرض 

مايحسب حساب انه بيحك او لا بالرفرف 

لاركب وفك الكفر من كيسه وسقط بالسياره خلاص معد يرجع الكفر 

فيالكها صاحب السياره بالحكحكه والااصوات 


up 3 down 0
amear 1347
قبل 7 سنه و 6 شهر



نعم معك حق اخوي امير 
انا اتكلم عن اصحاب السيارات الي يستطيعون يعرضون لان فيه سيارات تتحمل لين 18 من الصغيرات مثل السوناتا 
والاكسنت لحد اتوقع 16 لكن الله يعين الي ما يزيد عن ال 14 :) 
شكرا على مرورك الكريم نوت الموضوع 


up 1 down 0
sherif5502 45
قبل 7 سنه و 6 شهر



طيب أحد عنده علم عن برمجة عداد المسافة للسيارة ؟؟ لأنه كما قرأت يتأثر مع تغيير الإطارات بحيث لو كبرت الكفرات رح يحسب لك سرعة أقل على الطبلون ..

وهذا بيأثر في ممشى السيارة .. وممكن يسبب مشاكل في السرعة مع ساهر ونحوه ..


أتمنى تفيدونا ..


up 1 down 0
hyper knuckles 728
قبل 7 سنه و 6 شهر



السلام عليكم 

تكبير الجنوط يسبب الاتي

ثقل قومة السيارة 
زيادة صرفية البنزين 
حمل اثقل من السابق على السيارة 
عدم استغلال مواصفات مانع الانزلاق والـABS والفرملة باالشكل المطلوب 
اللعب ولخبطت كمبيوتر السياره وبرمجته لأن برمجته الاساسية على جنوط بمقاس معين 
وتغييرها يعني لخبطة جميع الامور وهذه البرمجه من الوكاله لتناسب الارتفاع وعمل المكابح و العزم المستخدم 
وبرضه تصير السياره شكلها مقمبر وناقز كانها جيب لازم تنطرح طرحه خفيفة 
فايدة تكبير الجنوط 

الرساوة بسبب سكبة السيارة ع الارض ( اذا تم التهبيط) 
الشكل الاحلى 


up 2 down 4
so.71 -171
قبل 7 سنه و 6 شهر



يا شباب .. الله يعطيكم العافية 
موضوعي اكيد للسيارات الي ممكن تقبل تكبر فيها الجنوط .. يعني لو سيارتك صغيرة وجنطها 14 او 15 ما يكبر لل17 او 18 لانه
راح يحك في الصاج وغلط على المساعدين .. انا اتكلم عن السيارات الي تقبل ..فيه بعض السيارات مع كتالوجاتها يقولك ممكن تكبر 
الجنط لحد كم .. انا اتكلم عن هذا الشيئ .. مو اي احد يغير وخلاص .. المسأله مسألة سلامه اولاً قبل تكون مسأله جمالية للسيارة 


up 0 down 0
sherif5502 45
قبل 7 سنه و 6 شهر



غير الحكة في الرفارف
ترا بعض السيارات عكوسها ما تتحمل ثقيلة عليها الكفرات العريضة
بعد فترة تصير تطلع صوت رمان
وبعضها الرمان ما يباع لحاله
يكون العكس داخله الرمان
كقطعة وحدة في المبيعات



up 0 down 0
بياع حراجات 870
قبل 7 سنه و 6 شهر



معادلة مقاس الاطارات
معادلة بسيطة :نريد أن نحول مقاس الإطار الى ( الإنش )وهذا المقياس سوف يكون قطر الإطار ...( قطر الدائرة التي يمثلها الإطار ).
**دعنا نفترض أن مقاس الإطار اصلا هو :
225/70/16
225 هو العرض ...
70 هو المسافة بين الجنط وسطح الإطار الملامس للأرض...
16 هو مقاس الجنط...
نريد أن نزيد من عرض الإطار دون أن نخسر محيط الإطار حتى يبقى عزم السيارة كما نريده ..فما هو المقاس الأمثل .؟؟؟
أولا علينا معرفة كم إنش هذا الإطار ؟

المحيط225 (ضرب) 0.70 (تقسيم) 25(وهو رقم ثابت) (ضرب) 2(رقم ثابت) (+) 16مقاس الجنط = 28.6إنش.

28.6 هذا هو الرقم السحري... يجب أن نحاول أن نبقي عليه ..
ولتزيد العرض دون فقدان المحيط علينا إختيار :
275/60/16
العرض اصبح 275 ..وهذا رائع ..تعال نطبق المعادلة :
المحيط275 (ضرب) 0.60 (تقسيم)25(وهو رقم ثابت) (ضرب) 2(رقم ثابت) (+) 16 مقاس الجنط = 29.2إنش ...
رقم قريب الى 28.6 ..ولو إستطعنا جعل المقاس يطابق 28.6 كالأصلي فهذا أفضل..
تعال نغير المقاس :
275/65/16
المحيط275 (ضرب)0.65 (تقسيم)25(وهو رقم ثابت) (ضرب) 2(رقم ثابت) (+) 16 مقاس الجنط = 30.3إنش ...فرق بينه وبين المقاس الأصلي 28.6-30.3= 1.7 إنش تقريبا 4.5سم. وهذا كثير وسوف يؤدي الى ضعف عزم السيارة خاصة على السرعة العالية بالإضافة الى إستهلاك واضح في البنزين ...


up 0 down 0
YZNQAZ 41
قبل 7 سنه و 6 شهر



وللعلم في المرسيدس نفس السيارة ممكن تركب لها جنط 15 او جنط 20 ايضا مثل الشبح


up 0 down 0
YZNQAZ 41
قبل 7 سنه و 6 شهر



عندي اسفسار ياخوان انا كفرات سيارتي زي ماتفضل اخوي فوق بضبط ٢٠٥/٦٠/١٦ لو ركبتها ع جنط ١٧ هل فيها ضرر 


up 0 down 0
fahadw_sq
قبل 4 سنه و 3 شهر