الطريقة الصحيحة لتكبير الجنوط بدون تأثير السيارة
12
2
إضغط هنا للإخفاء
السلام عليكم ورحمة الله وبركاته
اخواني الاعزاء .. كثير مننا يحب يجنط السيارة ويكبر الجنط والكفرات بدون علم مع انه لازم تعرف ايش
القواعد الاساسية لمفهوم حجم الجنط وارتباطة بالكفر .. وحتى لا اطيل عليكم قريت موضوع لاخ لينا هنا
بالمنتدي يشتكي من ان كفراته تحبل وتخرب عليه بسرعه .. فا حبيت اضيف ليكم المعلومه عسى ان شاء الله
تكون معلومه مفيده والكل يستفيد منها الي ما يعرفها والي يعرف يعرف اكثر .. ندخل بالموضوع
اولا :- اختيار الجنط المناسب لو مثلا الكفر عندك مكتوب عليه 205\60\ 16
يعني 205 \ هو عرض الكفر بالملي متر .
60 \ تعني ارتفاع الكفر من بداية الجنط حتى اخر الكفر .. من الواجهه يعني
وأخيرا 16\ تعني حجم الجنط الي راكب على سيارتك
والطريقة الصحيحة علشان ما احد يخربطك ويضحك عليك سواء بنشري او غيره من الناس الي
ماشاء الله يفتون بكل شيئ انك لو بغيت تكبر الجنط من 16 الي 17 لو على القياسات الي فوق بالمثل
( 205 \ 60 \ 16 )
لتصبح
( 215 \ 55 \ 17 ) لا حظو يا اخوان الفرق بين الارقام وهي كالتالي
زياده 10 على عرض الكفر
ناقص 5 من ارتفاع الكفر
وبعدين زيادة رقم الجنط الي هو 17 .. وبكذا .. تكون الزياده الصحيحة بدون لا تضر الفرامل
ولا رفارف السيارة ولا اي شيئ
يعني مثلا لو تبى تزيد ل 18 تصبح
( 225 \ 45 \ 18 ) وعلى هذا المبدا دايما امشي .. زود 10 ارقام على عرض الكفر .. نقص 5 ارقام
من ارتفاع الكفر بالاخير حط رقم الجنط الي تبيه
اتمنى يكون الشرح مبسط .. والي مو فاهم يراجع الرابط
شرح السيد \ حسن الكتبي لتكبير الكفرات
https://www.youtube.com/watch?v=tkoIyi-rUBg
تحياتي لكم
إبلاغ
الردود
انا اتكلم عن اصحاب السيارات الي يستطيعون يعرضون لان فيه سيارات تتحمل لين 18 من الصغيرات مثل السوناتا
والاكسنت لحد اتوقع 16 لكن الله يعين الي ما يزيد عن ال 14 :)
شكرا على مرورك الكريم نوت الموضوع
1
0
وهذا بيأثر في ممشى السيارة .. وممكن يسبب مشاكل في السرعة مع ساهر ونحوه ..
أتمنى تفيدونا ..
1
0
تكبير الجنوط يسبب الاتي
ثقل قومة السيارة
زيادة صرفية البنزين
حمل اثقل من السابق على السيارة
عدم استغلال مواصفات مانع الانزلاق والـABS والفرملة باالشكل المطلوب
اللعب ولخبطت كمبيوتر السياره وبرمجته لأن برمجته الاساسية على جنوط بمقاس معين
وتغييرها يعني لخبطة جميع الامور وهذه البرمجه من الوكاله لتناسب الارتفاع وعمل المكابح و العزم المستخدم
وبرضه تصير السياره شكلها مقمبر وناقز كانها جيب لازم تنطرح طرحه خفيفة
فايدة تكبير الجنوط
الرساوة بسبب سكبة السيارة ع الارض ( اذا تم التهبيط)
الشكل الاحلى
2
4
موضوعي اكيد للسيارات الي ممكن تقبل تكبر فيها الجنوط .. يعني لو سيارتك صغيرة وجنطها 14 او 15 ما يكبر لل17 او 18 لانه
راح يحك في الصاج وغلط على المساعدين .. انا اتكلم عن السيارات الي تقبل ..فيه بعض السيارات مع كتالوجاتها يقولك ممكن تكبر
الجنط لحد كم .. انا اتكلم عن هذا الشيئ .. مو اي احد يغير وخلاص .. المسأله مسألة سلامه اولاً قبل تكون مسأله جمالية للسيارة
0
0
ترا بعض السيارات عكوسها ما تتحمل ثقيلة عليها الكفرات العريضة
بعد فترة تصير تطلع صوت رمان
وبعضها الرمان ما يباع لحاله
يكون العكس داخله الرمان
كقطعة وحدة في المبيعات
0
0
معادلة بسيطة :نريد أن نحول مقاس الإطار الى ( الإنش )وهذا المقياس سوف يكون قطر الإطار ...( قطر الدائرة التي يمثلها الإطار ).
**دعنا نفترض أن مقاس الإطار اصلا هو :
225/70/16
225 هو العرض ...
70 هو المسافة بين الجنط وسطح الإطار الملامس للأرض...
16 هو مقاس الجنط...
نريد أن نزيد من عرض الإطار دون أن نخسر محيط الإطار حتى يبقى عزم السيارة كما نريده ..فما هو المقاس الأمثل .؟؟؟
أولا علينا معرفة كم إنش هذا الإطار ؟
المحيط225 (ضرب) 0.70 (تقسيم) 25(وهو رقم ثابت) (ضرب) 2(رقم ثابت) (+) 16مقاس الجنط = 28.6إنش.
28.6 هذا هو الرقم السحري... يجب أن نحاول أن نبقي عليه ..
ولتزيد العرض دون فقدان المحيط علينا إختيار :
275/60/16
العرض اصبح 275 ..وهذا رائع ..تعال نطبق المعادلة :
المحيط275 (ضرب) 0.60 (تقسيم)25(وهو رقم ثابت) (ضرب) 2(رقم ثابت) (+) 16 مقاس الجنط = 29.2إنش ...
رقم قريب الى 28.6 ..ولو إستطعنا جعل المقاس يطابق 28.6 كالأصلي فهذا أفضل..
تعال نغير المقاس :
275/65/16
المحيط275 (ضرب)0.65 (تقسيم)25(وهو رقم ثابت) (ضرب) 2(رقم ثابت) (+) 16 مقاس الجنط = 30.3إنش ...فرق بينه وبين المقاس الأصلي 28.6-30.3= 1.7 إنش تقريبا 4.5سم. وهذا كثير وسوف يؤدي الى ضعف عزم السيارة خاصة على السرعة العالية بالإضافة الى إستهلاك واضح في البنزين ...
0
0
0
0
0
0
عرض الكفر مثلا 205 الى 215
انا اشوف انه خطا لازم تتاكد اولا ان سيارتك
تتحمل هل العرض بعض السيارات زي الاكسنت عندي
مركب جنط 16 وحاط العرض 205
ولو عرضت اكثر راح يحك الرفرف ولمن الف او اديور بيحك
معي لو احط اعرض من 205
وكمان الارتفاع لوزاد عن حده بزياده
بعضهم يجي شد بلد 60 ويمكن يستوعب زياده بسيطه
لاكن بعضهم يحط 70 او اكثر ارتفاع بحكم ارتفاع الحفر
هذي تاثر على الكفرات اذا ماصار مقاسها مناسب راح تحك
والخساره ترجع لصاحب السياره
لاكن بعض السيارات زي البيك اب والجيوب
يركبون كفرات عراض ماياثر لان الرفرف معطي مساحه
واسعه للكفرات العريضه بعكس السيارات الصغيره
لان كثير يغلط بالبناشر لاركب جنط او حب يعرض
مايحسب حساب انه بيحك او لا بالرفرف
لاركب وفك الكفر من كيسه وسقط بالسياره خلاص معد يرجع الكفر
فيالكها صاحب السياره بالحكحكه والااصوات
قبل 10 سنه