عندما يكون المعلن قليل ادب
9
5
إضغط هنا للإخفاء
سلام عليكم , بدون مقدمات لاني معصب هههههههههههههه
اخباركم عساكم بخير , اعطيكم السالفه على طول .. قبل اسبوع تقريبا اتصل بي خويي ساكن بالاحساء قال لقيت لي سياره للبيع ب 7000 قير ومكينه ع الشرط
المهم قلت له تم , طبعا السياره بالدمام وانا كنت بالرياض وتواعدت مع خويي يوم السبت نكون عنده .. المهم قمت انا اتصلت على صاحب السياره من رقم ثاني وقلت له ابجيك من الرياض وابضرب مشوار لو طلع عكس كلامك قيمة الفحص عليك
قام وقال لي بس القير بيفلت في الرابع !! قلنا مو مشكله وغير كذا وش فيها ؟؟ قال غير كذا البدي وكاله وكل شيء شرط قلت له كم نهايتك ؟؟ قال للصامل 6500 وقد قال لخويي ب 7000 , طبعا حاليا هو مايدري ان اللي سامها ب 7000 خويي
وصلت انا وخويي للدمام وكان وقتها امطار ع الساعه 10 ونص , طبعا المفترض نشوفها بالنهار افضل لكن الظروف ماسمحت لنا .. وبما ان خويي معرفته بالسيارات قليله قال تعال معي , اتصلت بالرجال من رقمي ومارد !!!!
اتصلت مره ثانيه وثالثه ورابعه ومارد !!!! قلت لخويي جرب اتصل به من رقمك يمكن علشان سومتك اعلى راح يرد عليك , وفعلا اتصل به ورد وجاء لعندنا ع طول
طبعا انا يوم جاء ودي انتفه وماسك اعصابي .. المهم جربنا السياره الحاجه الوحيده اللي كان صادق فيها هي برودة المكيف
الواقع شيء والصور شيء ثاني الكبوت معفط ويقول بدي وكاله وفيها رفرف يومي قلت له الرفرف مرشوش تلخبط قال ايوه ممكن , وغير كذا معدومه السياره يبغى لها شغل اقل شيء ب 1200 والقير 1000
المهم تفاصلنا معه ع 5000 وقلنا موعدنا الاحد ننقلها ونخلص امورها وبالاخير نتصل به مايرد !!!!!
طبعا ماراح اذكر الجنسية علشان ماتقولون لي حاقد وانتوا عارفينها مايحتاج اقول .. وان كانه شاف موضوعي ابقول له الله يدبل كبدك بها وتجلس لين ياكلها الصدا
إبلاغ
الردود
1
2
يعني شين وقوي عين وفوق كذا ماذكر عيوب السياره كامله !
3
2
رب خيرا لم تنله كان شرا لو اتاك غيرتو جو وتمشيتوووو
5
1
ﻻكن على الحقيقه مهربده ومصقعه ويقلك بدي وكاله عشان ماتفحص وتقعد بها وانت تحسبها شد بلد ويوم تفحص تنقهر وتحقد وتكره ام السياره
المشكله ضربك مشوار ومصاريف وسحب عليكم ( تي تي تي تي زي مارحتي زي ماجيتي ) الله يرزقكم الموتر اللي يريحكم ويباركلكم فيه
2
1
انا صارت معي نفس سالفتك اكثر من مرة
1
0
واللي مثل كذا يحلف على اي شيء ينخاف منه
5
0
انا اشوف انكم ضالمين الرجال . بعدين كل واحد ما يوشف عيوب سيارته .
1
30
5
4
اذكر قبل فتره عرضت موتر من الرياض واتصل علي واحدمن القريات وقلت اللي في السياره كلها وضرب مشوار بطياره وفحص وبالحرف الواحد كل اللي قلته طلع واخذها وهو مقتنع ومبسوط
2
1
انا اشتريت موتر اصفار من معرض و لما جيت ابيعه شرطت البدي وكالة بدون رش
وبعد الفحض طلع الرفرف الخلفي كامل مرشوش مع اني متاكد ماصار على الموتر حادث
ولكن يبدو ان المعرض الي باعني غشني في الموتر
1
1
فيه امور واضحه مايحتاج لها فحص
واعتقد ابو سعود مالاحظ الرش الا انه واضح
وباين من اسلوبه انه نصاب
لانه مارد على الي سام ب6500 اقل شي يرد ويقوله بطلت ابيع لك
الموضوع واضح من البدايه
الرجال كذب من البدايه يوم قال عالشرط عبى زميل ابو سعود لانه حس انه غشيم ومايفهم
وبعد ماكلمه ابو سعود وحشره قاله فيها قير فيه مشكله
باين انه يتلاعب
1
2
انا كل فتره وفتره ادخل السوق واشوف السيارات اترزق الله
اغلب اللي اوجههم فيهم تردد بالبيع او يكون صغير وحاشين الناس راسه لاتبيع بهل القيمه
لايضحكون عليك ولاجيت بتشتري منه يقول بفكر او بشوف السوق وهو شايف موتره لي اسبوع بالمعارض يفتر به
ولااحد شراه بسبب تردده وتلقاه خايف من البيع ويحسب ان الناس بتبخسه انت عقلك براسك جازت لك السومه
ولامنت بمجبور تبيع على سومه ماجازت لك
الناس عجيبه
صدق من قال الناس اجناس
0
0
ارجو المراسلة على الخاص لكي نحظره لا يتدبس بها شخص آخر
لكم فائق احترامي
0
1
0
0
او ارسل أحد معارفك يشوفها اذا كان يسكن في نفس مدينة المعلن.
0
0
قبل 9 سنه و 8 شهر