يعالم نبي اجوبه 

وشفت بالمنتديات تعليم ب 500 اجباري من غير الرسوم العشر سنوات 400 ريال و100 مدري حق ايش

تبي المعاناة والزحمه رح دله السلي ، تبي تمشي امورك علطول ان شاء الله رح دله في الدرعيه على ما اظن هذا الي اذكره بنسبه لدله اما بقية الشروط الي عندهم يفيدونك الشبابا هنا ان شاء الله وبالتوفيق

أخوي تحتاج أولاً للأوراق التالية:
1- 4 صور شخصية 6x4
2- صورة من بطاقة الأحوال.
3- نموذج تحديث بيانات الأتصال (وهذا تأخذه من دلة)
4- ورقة طلب أستخراج رخصة ( وهذا تأخذه من دلة أيضاً)
5- حبيب الشعب الملف الأخضر

بعدها تروح لدلة وبعد تجهيز الأوراق الي فوق وراح يختمهم لك في الملف وراح يعطيك ورقة فحص نظر ودم في مستشفى حكومي أو تعليمي
الفحص من ناحية النظر سهل وبسرعة تخلصه لكن فحص الدم يمكن فقط يأخذ نقطة صغيرة لفحص فصيلة الدم أو أنه يخليك تتبرع بالدم.

بعد ماتخلص فحص تروح لدلة وراح يختم ورقة الفحص ويقولك روح شباك التسجيل
تروح شباك التسجيل وتأخذ ورقة منه قيمتها 100 ريال إذا كنت تعرف تسوق وراح تحضر محاضرة عن الأشارات وطريقة الأختبار وإذا كنت ماتعرف تسوق وتبي تتعلم تدفع لهم حول 435 وبعد ماتخلص المحاضرة راح يعطيك موعد الأختبار.
والباقي أنك تروح تختبر وأن شاء الله ناجح من أول مرة.
وبعد ماتختبر وتنجح بإذن الله تروح لمكتب السداد وتحاسبهم 200 ريال لرخصة 5 سنوات أو 400 ريال لـ 10 سنوات ( ممكن يأخذ منك المكتب عمولة 25 ريال)
وأن شاء الله تنجح وتستلم الرخصة من أول مرة صراحة أعرف شعور أنك تسوق وأنت خايف يقفطك تفتيش ولا دورية xD

^ زيادة على الي فوق في حال دفعت 100 ريال للمحاضرة راح تحضر عنده حول 1-3 ساعات على حسب سرعتهم (طبعاً المحاضرة في يوم واحد فقط) وبعدها يحددوا موعد أختبارك.
وفي حال دفعت 435 راح تدرس 30 ساعة يعلموك كيف تسوق وكيف تلبق وبعد الـ 30 ساعة راح يحددوا موعد الأختبار لك.

الله يعطيك العافيه ksa-baracuda 

انا فعلا رحت مرور الي بطريق عائشه وقلت له ابي نماذج الرخصه والفحص قال روح لدله الدرهيميه او مخرج 3 او السلي وهم
كل شي عندهم 

وانا متخوف من شي واحد قبل سنه واحد من الشباب يسوق من 14 سنه ومايعرف الاجراءات على الفطره محد خلق فاهم
الاجراءات ومن منطقه لمنطقه تختلف 
المهم 
دفع مبلغ حول ال 500 ريال هوا على باله حقت الرخصه 10 سنوات وبالاخير اكتشف انها حقت دراسه من غير ال 400 و100
لا والمشكله تاخر 15 يوم ورفض يبي يسترجع المبلغ رفضو 

ان شاء الله تتيسر ويوم الاحد بروح اطلعها 

لاكن نصيحتكم وين افضل مكان اطلعها منه الي بحي الدريهميه ولا السلي او الي بالشمال مخرج 3

الله يعطيك العافيه اخوي محمد

انا غير سعودي من 10 سنوات اسوق .. وتعطلت امور الوظيفة عندي بسبب الرخصة .. كل ما رحت فرع اعطاني موعد بعد مدة بعيدة وبعضهم يقولي غير سعودي ما يطلع اتومتيك .. لو احد يقدر يساعدني فيها الله يجزاكم الخير