أفضل مركز فحص سيارات في الشفا

محطة ساسكو يمدحونها مرررة ومجربهم شخصيا 

الشفا مافيه مراكز فحص صاحيه مافيه الا ساسكو كان تبي مراكز الفحص اللي عليها الكلام تعال عند

اشاره معارض النسيم مراكز كبيره ومعروفه مثل كارتك وغيرها..

ساسكو فحص اي كلام بس هي افضل الموجود في الشفاء

ساسكو ممتاز وﻻ عنده لف ودوران مع الشريطيه اي شريطي تقوله ساسكو يتجلط يكرهونه

لا بالله مع احترامي لكم انا من سكان الشفاء واعرف مراكز الشفاء مركز مركز ، مركز ساسكو من افشل المراكز في الفحص يطلع اشياء مهيب خربانه في الموتر ويجهل اشياء خربانه

بذكر لكم ثلاث سوالف صارت يأكد كلامي

1- لما جينا نشتري جمسنا موديل 2001 قالوا بداية شنبر ، هاه منا منا حنا عارفين الموتر ونعرف راعيه شغال في وكالة الجميح ميكانيكي ، آخرتها قالوا يمكن جلد بلوف يبيله ، والحين له معنا 4 سنوات وابوي ماخلا به خط مااشاء الله مكينته لاتنقص ولا فيه دخان ولا فيه ريحة ، بس يمكن ريحة كربون بسيط وطبيعية على 2001 وماجته هالريحة الا في الفترة الاخيرة بعد ماكثرت وقفته

الموقف الثاني ولد خالتي بايع كابرس 89 او 88 تنقص مكينته ويبيله تسقيط شنبر ، يوم فحص اللي بيشتريه قالوا المكينة سليمة وولد خالتي عارفه زين كل اسبوع يعيبه علبه تقريباً

3- الموقف الثالث لنفسه ولد خالتي ياخي غبي واستعجل يوم راح يفحص عندهم ، شرا مكسيما 2011 نص فل وقالوا سليمة مرررة مافيه الا العافية جديدة ممشاها 80 او 70 الف ، بعد ماشراها اكتشف ان فيه تأخير في لقم النمرة وتطق السيارة يقول ما انتبهت لها وانا اجربها ، واخرتها قالوا الفحص شف اللي تبيه تغيره ولا تصلحه وحنا نعوضك باللهي هذا فحص

وغيره وغيره من السوالف والله كثير انخدعوا فيه واعرفهم شخصياً

انا بدلك على فحص ان قال لك اشتر ف اشتر انا متعامل معه في اغلب السيارات وكلها ولله الحمد تقول الزود عندي حتى الاوبريس اللي شريتها والسوناتا اللي بعتها فاحصها عنده

الوصف كالتالي : طريق الامام مسلم كانك تعرفه اللي هو شارع المعارض من ورا بتجيك القاعة اللي اسمها اريام اول كانت قاعة المعارض معروفة حقت الاحتفالات بعده في محطة شف الفحص اللي فيها فلبيني شويب والله كويسين ، ومني انا لو قال لك اشتر ، توكل على الله ولا تنسى تعلمه سعر السيارة عشان يعلمك تستاهل ولا لا

بالتوفيق ومبروك مقدماً

من افشل المراكز ساسكو
لي قصه معاه وقت ابيع الكامري 
قالي تبغى زيت القير يحتاج تغيير 
والمشكلة اني توي مغيرة وماكمل 300 كيلو من تغييره وقتها عرفت انه فاشل والدعوى سمعه

الله يجزآكم خير ، والله يجزآك خير يا إبراهيم

بالنسبة لساسكو ، جربته في ثلاث سيارات كنت بشتريها .. لكن ما عجبني طريقة كشفهم ، بالذات البدي ، ولقيت أكثر من واحد في الانترنت ينتقدهم .. لكن بروح للي وصفه لي إبراهيم والله يطرح به البركة، إضافة إلى ما سبق أنا فحصت موتر عن استاذ الصيانة بعد مخرج 26 خالد ابن الوليد ، بصراحه شغلهم نظيف ويعطيك كل شيء في الموتر لكن حرام معارض كبيرة زي الشفاء ما يكون فيها مركز صاحي ومعروف


إلا وش رايكم بفحص بهجة عسير .. لقيت كم واحد يمدحه في النت ولكن ما عرفت وين مكانه في الشفا .. أحد منكم جربه ؟ واللي جربه الله لا يهينه يعطينا وصف المركز 

معرض بهجة عسير
خله يمينك واول محل فحص روح له فيه فلبن
فحصت سيارات كثيره عنده وشغله ممتاز

الفلبيني اللي وصفه لك ابراهيم من افضل مراكز الفحص بالشفا
وسبق ان فحصت عندهم حدود 6 سيارات 

اتجاهات امان  بلا منافس

واعتذر منكم كنت مستعجل طبعا اتجاهات امان  من مميزاته الشريطيه يكرهونه
ومحل راقي وخدمة ممتازة نادرا مانشوفها وعمالتهم فلبن انا تجربتي معهم كانت ممتازة وشفت ان فيهم الصدق والامانه 
طبعا موقعهم على شارع الخليل ابن احمد بعد شركة تويوتا ع اليمين بس انتبه فيه محل صغير عند الاشاره سارق الاسم ولكن هذا جوال المسؤول هناك 0555750389

السلام عليكم ياشباب انصحكم في فحص الابداع في الشفا ذمه وضمير وطلع مكينه مغيره في سياره فحصتها وغيره كذا فحص ماقدر يطلعها وبدي وكل شي 

الوصف تمشي وجهك جنوب تجيك الاشاره اللي بعد تايوتا اخذ يمين ١٠٠ متر يجيك على اليسار 

ايش اسمه. الي  توصف بعد تايوتا

عليك بساسكو افضل فحص وذمة وضمير ومايمشون لاحد وافضل مافيهم فحص البدي في شخص اسمه همام يحلفون براسه وهو الوحيد الي يفحصون عنده السيارات الفخمة وما يعتمد على الجهاز.... وكل الي يتكلمون عن ساسكو هذول شريطية ويبغو يمشو خوابير احنا نتعامل معاهم من ١٥ سنة اذا شرينا سيارة نفحص عندهم

افضل المراكزحاليا من واقع تجربة مركز الراشد على طريق الامام مسلم فحصت عندهم ثلاث مرات وشغلهم دقيق ويشرف عليهم صاحب المركز بنفسه

بالنسبة لساسكو كان ايام المهندس همام بس الحين انتقل لمحل اسمه الشمع الذهبي بالامام مسلم جمب قاعة اريام واذا حبيت هذا رقمه كله وروح عنده خله بفحصلك وارقد 0509909077