أضف سؤال أو موضوع جديد          

سوال واستفسار بخصوص الامطار وحزام الامان

up 3 down 3
dr.xl 248
قبل 6 سنه و 6 شهر



سلام عليكم اخباركم ياشباب

السوال :
هل صحيح فيه سيارات اذا سويت حادث مايطلع الارباق الا الين تكون رابط حزام الامان< لن مره سويت حادث قوي ولا طلع الارباق 

الاستفسار :
ماشاءالله مثلكم عارفين هاللايام ايام امطار خير وبركه الله يديمها 
كيف طريقه السواقه بالغرقات البسيطه لن اكثر الشوارع فل ماء 
ناس يقولون لاتدع س بنزين لن فلتر الهواء فوق واذا جاه الماء دخله المكينه وخوذلك توظيب، وانا اثبت رجلي اخلي دعستي وحده بس بعض الاحيان اتورط بالي قدامي يهدي وانجبر اهدي معاه.







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام ورحمة الله وبركاته

استفسارك الاول بعض السيارات الحديثه ما يطلع الا مع الحزام ولكن اغلبها يطلع حتى بدون حزام

الاستفسار الثاني لابد تكون داعس لو ربع دعسة هذا لو المويه واصله الشكمان

لانك لو تركت الدعسة بتدخل المويه للشكمان وتكتم وتطفي ولا تشتغل مستحيل تشتغل وهي داخل المويه

واذا تورطت واحد قدامك وانت بربع دعسة حط السياره بالفاضي لا تترك البنزين ابدا

وحتى لو بتمشي مره ثانيه وانت بربع دعسة عشقها ما بيضر القير مرتين ثلاثه عادي 

ولا تدخل المويه للشكمان وتطفي وتبلش وممكن تسبب بكارثة اكبر


up 3 down 5
ابراهيم التركـي 1067
قبل 6 سنه و 6 شهر



زياده على كلام اخوي ابراهيم التركي

اذا طفا الموتر فيك خلاص انسا تشغله واستخدم الجلنط اذا كان المطر قوي


انا مره بغيت اغرق على الكامري غامرت ودخلت الماء وكان امواج قوية لان جاي من عبارة حقت ماء اللي تضخ

والله واجلس بموتري والماء دخل علي وحالتي حالة 
ثم جاني واحد طلعني الله يجزاه خير 

وعلطول اقرب محطه واغير فلتر الهواء
وبعدها تنظيف السيارة من الماء ثم اقرب تلميع فكو الارضيه مع الشنطه وطلعو الماء وكل شي ونشفو الارضيه والدعاسات وركبوها مره ثانية

وفيه حركة بعد ماتغرق وتطلع لازم تكون موقف موترك على طلعه وتدبل بانزين لين يطلع الماء من الشكمان 

وابشرك الحمد لله الموتر مافيه شي


up 7 down 0
salem almutairi 403
قبل 6 سنه و 6 شهر



عليكم السلاااام ورحمة الله وبركاتو

القيادة اثناء المطر لا اعاني منها لان سيارتي قير عادي والقير العادي ادعس كلتش ودبل بنزين ولا يضرك شي اخبر مرة بسيارتي القديمة كيا ريو 2002 والله اني ماشي مثل الاسد بين سيارات جديدة كلها على جنب ^^ متعطلين وانا ادوس بنزين وادبل عن عنننننن عععننننننن هههه


up 6 down 0
ryyan555 702
قبل 6 سنه و 6 شهر



والله اذكر مرسيدس موديل ٨٦ خررده ان الماء جاء بحضني 
وتمشي وعادي ولا اي مشكله لا غير فلتر ولا نضف شي هههههههه
وما اذكرها خربت صراحه

ليش الخرد ما تخرب هههههههههه


up 3 down 5
i6rb_ 160
قبل 6 سنه و 6 شهر



سبحان الله المويه وصلت حضنك وهي باقي تمشي 

الواحد يكذب بالمعقول اما كذبه مالها مطار وين نصرفها


up 6 down 7
ابراهيم التركـي 1067
قبل 6 سنه و 6 شهر



منورين الشباب وعلى راسهم العمده ابراهيم ، ولكم لايكات الا انت يا ابراهيم يقول لايمكن تكرار التقيييم 


up 3 down 4
dr.xl 248
قبل 6 سنه و 6 شهر



ايه وصلت حضني وباقيه تمشي 


up 1 down 6
i6rb_ 160
قبل 6 سنه و 6 شهر



ارفع علومك تكذب الناس انت


up 0 down 0
i6rb_ 160
قبل 6 سنه و 6 شهر



شكل ما عمرك ركبت خرده 


up 1 down 0
i6rb_ 160
قبل 6 سنه و 6 شهر