محتار مع موية الرديتر

هونداي لها مويه خاصه بهونداي هي عاديه مثل الاصلي يعني ولكن يبيعونها محلات هونداي

وعليها علامة هونداي قيمة القارورة 40 ريال

وانت جاي تحتار على 40 او 80 ريال بالكثير قارورتين ؟؟؟

لو انك محتار بزيت القير نقول متخوف ولكن موية الرديتر ما احد يخاف من تغييرها عادي وش اللي يحيرك

القصة مو اني محتار على شراء العلبة أو سعرها القصة اني أغيره والا لا بحكم أشخاص قالوا لي اذا غيرته تبدا مشاكل الحرارة معك وفيه أشخاص يقولوا انا مشيت على سيارتي 300 ألف ولا غيرته بس أعبيه اذا نقص

ماهو شرط تغيرها

المويه لو كانت اصليه ممكن تخليها سنين عادي ما فيها ضرر هو الافضل التغيير طبعا

ولكن سواء غيرت او ما غيرت ما بتلاحظ اي فرق بالسياره

الحمدلله ما في فرق بالسيارة بس قلت من باب الاحتياط

كان معانا سوناتا 2012 بعتها وهي ماشي 224 الف ماقد غيرت لها ماء الرديتر 

مكتوب عندك في دليل المالك يتم تغيير ماء الرديتر كل 200 الف او 10 سنوات ايهما اسبق 

اذا كنت تزود الماء كل مانقص بماء اصلي فما يحتاج تغير واذا كنت تزوده بماء من البناشر ابو 10 ريال فلابد من تغييره 

انت ادرى بسيارتك واستخدامك لها 

راجع دليل المالك هو الحكم وراجع استخدامك لها وتاكد من الماء اللي كنت تزودها منه 

موفق 

الله يجزاك خير على المعلومة .. وانا شفته ناقص شيء بسيط فاشتريت من الوكالة موية أصلي أخضر وعبيتها ..
أفدتوني بمعلوماتكم بارك الله فيكم ....

مكتوب علی رديتر vxr يتغير الماء كل 160 الف كيلو

خلاص انت تقول تزوده من ماء الوكاله 

اللحين لاعد تفكر تغير الا اذا وصلت 200 الف غيره بماء اصلي 

لكن المره الثانيه ماتمشي 200 الف 

تغيره كل 40 الف او سنتين 

والكلام هذا في دليل المالك قسم الصيانه 

اللديتر المفروض ما تلعب فيه ولا تمسكه ولا تسوي فيه شي الا إذا لاحظت تغير في حرارة السياره

اما موعد التغيير فبحسب الكتلوج وذكر لك الأخ في الأعلى بأنه 200 الف كيلو او 10 سنوات ايهما اسبق

والمويه وغيرها خذها من الوكاله وغيرها بره ما عندك مشكله مع اني افضل تغييرها في الوكاله أيضاً لأنك ما راح 
تغييرها الا كل 200 الف كيلو او 10 سنوات يعني بالأصح مره وحده في عمر السياره


أما تزويد اللديتر بالماء يكون فقط بالماء المقطر في العلبه الاضفيه الي تغذي اللديتر تحصلها في الجنب في أغلب السيارات

لكن اللديتر الرئيسي المفروض ما تفكه ولا تلعب فيه الا اذا لاحظت شي في حرارة السيارة 

ولله الحمد مافي اي تغيير وتزويد الموية زودتها بالعلبة الجانبية ما بين f و L

هههههههههههههههههههههههههه الناس كل مالها تعقدها اكثر 
اول شيء زيت المكينه وبعدين زيت القير وبعدين زيت الدفرنس وبعدين موية الرديتر ؟ 
بعدين يجيك واحد هاه اغير الكفر ولا لا سمعت انه في واحد غيره وضرب عليه ههههههههههههههههههههههههههه !

Fx2y <<<< يمكن عندك معلومات وانا اتحداك انها ماجاتك الا بعد ماسالت كذا واحد وكذا مهندس وقريت وبحثت في النت 

يعني مافيها شي الواحد يسال ويستفسر

 انا معاك ان المواضيع تكررت وهذي طبيعة المنتديات ^_^ 

انا عني اشتريها من المحلات العادية

خذ الموياء من الوكاله
ولازم تنزل المويا القديمه كلها من الرديتر