الحفر في الإزفلت واستخدام دريل أو مفك الهواء للفك والربط في السيارة
10
11
إضغط هنا للإخفاء
بسم الله الرحمن الرحيم
قبل عدة أيام دخلت محطة وقود متعامل معها من فترة هي آخر محطة على طريق الرياض القصيم السريع للخارج من الرياض.
عند الخروج منها وقبل الدخول في الطريق السريع مباشرة تجد حفرة مقاساتها بالتقريب 60 × 100 سم وعمقها في أقصاه 8 سم على الأقل.
تقع الحفرة في الإزفلت الخاص بالمحطة وليس إزفلت الطريق السريع.
كنت أتذكرها وألاحظها كلما خرجت عدا آخر مرة وقعت فيها للأسف، السيارة لومينا رويال جنط 17 كفر 225 - 45 - زد آر 17.
توقعت عدم حصول شيء ولكني لاحظت بإن السيارة غير طبيعية، هدأت السرعة وتوقفت يمين الطريق وشغلت الفليشر.
النتيجة الكفر مشقوق من الجانب وفارغ من الهواء.
قمت بتركيب الإطار الإحتياطي (الإستبنة) وتوكلت على الله.
وبإذن الله سأعود للمحطة وأتفاهم معهم بخصوصها وأطالبهم بقيمة الإطار، قيمته رخيصة بما أنه صيني الحمد لله 250 ريال تقريباً، والحمد لله لم يحصل شيء في الجنط أو غيره.
إن لم يستجيبوا سأتوجه مباشرة للجهة المسؤولة عن ذلك.
الموضوع الثاني:
توبة من السماح باستخدام دريل ضغط الهواء المستخدم حالياً في فك مسامير وصواميل السيارات في سياراتي.
قبل عدة أشهر في بنشر خربت صامولة كفر بسبته، وقبل كم يوم انكسر مسمار بسبته أيضاً، غير إن ربطه قوي مرة لو تعطلت بالسفر وجيت تفكه ما تقدر.
طبعاً اللي كسروا مسمار الهوب خصمت من حقهم القيمة اللي كنت أظنها 100 ريال لأني مركب عندهم كفرين جدد وسعرهم غالي ماكسس تايلندي 235-45-17 يبون في الواحد 350 ريال! عطيتهم 600 ريال بس.
واشتريت مسمار جديد بـ 5 ريال والتركيب بـ 30 ريال، والـ 65 ريال المتبقية عقاب لإهمالهم في العمل واعتراض على السعر العالي.
وبالطبع خليتهم يوقفون شغل الدريل الهوائي وقلت اربطوا بالمفك اليدوي زي أيام زمان.
وهذا اللي راح أعتمده من اليوم وراح، لا دريلات هوائية، فقط ربط وفك يدوي.
إبلاغ
الردود
وبخصوص دريل فك المسامير .. فللأسف ماعرفنا قطم المسامير إلا يوم أستخدموه لأنه يعطي قوة مفرطه مايستطيع يقيمه أي واحد
وأغلب الورش الآن تستخدمها
3
0
الطرق فالسعودية مالها الا الجيوب جي اكس ار
هي تصممها للوعر .
------------
هذا سبب خراب العكوس
-----------
لايكات + + +
3
1
صادق يا أبو خليل، عز الله إنك صادق ههههه
قد مرة بسيارتي السابقة جنط 15 وارتفاع 60 وأتذكر مرة أمشي في طريق خريص بالرياض قهرني واحد وأطب مع يمين الكفرين اليمين على الرصيف، وشوي يخلص الرصيف وينزل الكفر ثم يجي رصيف جديد وتاكله كله ارتفاعه موب بسيط حول 30 - 40 سم أو أكثر، وبعت السيارة وما فيها أي خلاف وما صار أي شي لا بالكفرات ولا بالجنوط ولا شي.
أبو سند الله يسلمك ويبارك فيك أستاذي.
لا أدري كيف أشكرك وأعطيك قدرك.
صادق بخصوص الدريل، ما مثل مفك العجل الأصلي حق زمان.
لا والعجيب إنهم يربطون بقوة مفرطة كما تفضلت على الصواميل سواء بالدريل أو باليد، وحجتهم في ذلك إن الكفر ينفك ههههههههه
وأنا أقول لهم اربطوا لين أول ما تمسك الصامولة ثم خلاص لا تشدون، إلا إن كانكم بتجون لي في السريع تفكون الكفر إذا بنشر.
لا فعلاً هالدريلات والربط المفرط راح يعدم مواترنا.
أجل مسمار كليبر الفحمات يربطه بمفتاح ويطق المفتاح بشاكوش علشان يلحم المسمار وما عاد ينفك أبد !!؟؟ عجب.
3
1
الحمد لله على كل حال، كنت ناوي ايسوزو ديمكس فل كامل اوتو مركبه وارتفاعه مثل الجي إكس آر لكن ما قدر الله.
والا كان هو موتري الوحيد وبايع اللومينا ذا اللي كل أسبوع لازم تحك في الأرض.
1
1
المشكلة ماهي فمسدس الهواء المشكلة فاللي يستخدمه
شريت قبل تقريبا 3شهور ماطور هواء ومسدس تعبت من فك وربط المسامير والصواميل
خصوصا في باطنية السيارة مريح جدا تشتغل وانت تضحك
المهم اول ماشريته جيت اضبط تهريب فالكارونة..فكيت الغطا وضبطت كل شي ويوم جيت اركب
شديت بالمسدس وقطمت مسمار هههههه
اكتشفت بعدها ان المسدس فيه سرعات 1 2 3 4
وانا كنت حاطه على اقوى شي
جربت حطيته على اقل سرعة طلع الشد حقه ممتاز لا قوي ولا ضعيف
البنشرية يحطونه على رقم1 ويحوس المسامير
خصوصا مواطير البناشر تجيك كبيرة 300لتر وفوق
يبقى المسدس اداة رائعة ومريحة لكن المستخدم إذا مايفهم مشكلة
مشكور على الموضوع
5
0
الحمد لله يوماً بعد يوم أجد من يحب قراءة مواضيعي.
كلامك عين الصواب فعلاً كما تفضلت، ولكن إذا كنت أنا لا أعلم من هو الذي يجيد استخدام المسدس ممن لا يجيد ذلك، فالأحوط والأسلم عدم استخدامه مطلقاً.
بدون شك هو أداة رائعة وسهلت وأزالت الجهد والتعب عن مستخدمها، وكذلك اختصرت الكثير من الوقت لمستخدمها ولصاحب السيارة، ولكن العبرة في سلامة الاستخدام.
0
0
لاني جربتها فالفورد فمدخل محطه
واخرتها فالالنترا ايضا من حفره وانا ماشي
ضرب كفر والثاني
1
0
لا حول ولا قوة إلا بالله.
ما تركوا سيارة إلا وعدموها بشوارعهم ليتهم تاركين الشوارع تراب أبرك من إزفلتهم اللي كأنه وجيههم.
حتى الألنترا الجديدة ما سلمت !!
عسى ما تأذن ؟!
0
0
الله يعوضك ان شالله
1
0
وجزاك الله خيرا
1
0
تحصله فمحلات المعدات الصناعية
اللي عندي شاريه ب290 صناعة تايوانية اسمها JW
شركة تنتج عدد ومفاتيح رخيصة وجودتها شبه عالية
1
0
استغفرالله واتوب اليه
1
0
يا زين الجنوط الصغيرة تضرب رصيف ما يجيك شيء كيف حفرة ههههههههههههه
قبل 9 سنه و 9 شهر