ارائكم مهمه بالنسبه لي

بهالسعر اشوف افضل خيار لك النترا 2012 الشكل الجديد 

وبتحصل بنفس سعرك ان شاء الله بس ابعد عن موقع حراج 

والالنترا موتر اثبت انه يستاهل قيمته وحق كرف 

أنا مثلك ياخوي  معي حول المبلغ الي معك 
والى الان مادري وش الله يكتب .. بس ان شاءالله ناوي على السوناتا 

شوف انت السوناتا أسعار ٢٠٠٩ ، ٢٠١٠ بحدود ٣٠ الف 

التيما مشكلة القير cvt  وغير كذا يسبون العزل فيها خصوصاََ الشكل القديم 

الله يكتب لك الي فيه الخير ياخوي 

كلمت واحد يقول غير لها ثلاث قيور التيما هذا اللي خوفني 

تبي الالنترا بحكم انها موديل حديث مثل ماقال سالم المطيري

اذا انت والله تبي ستة سلندر ممكن تاخذ ازيرا 2007 ولا 2008 ، وان كانك تبي ممشى اقل وموديل احدث عندك الاوبريس 2008 او 2009

ممكن تحصل فكتوريا ولا ماركيز 2005 الى 2006

سوناتا 2009 الى 2010

بس اهم شي اسعى بالنظيف

بالتوفيق

وعليكم السلام ورحمة الله 

اذا تبي موتر عملي وعزمه حليو على انه 4 سلندر مالك الا السوناتا موديلات 2007 و2008

خذ امريكيه بطاقه جمركيه ولك وللزمن هذي نصيحتي لك 

اذا تبي 6 سلندر صعب تحصل موتر بهالقيمه الا الاوبيروس من كيا موديلات 2008 و2009 

سياره عمليه  وعزمها ممتاز وداخليتها حلوه 

طبعا بتحصل نص فل بهالقيمه اما الفل بتلقاها حدود ال36 الى 38 

هذي نصيحتي اما غيرها اشوف انها موديلات قديمه وبهالقيمه زي الهوندا على سبيل المثال ممكن تحصل 2005 وتعتبر قديمه

 وانا انصحك بالموديلات الحديثه من 2008 وطالع

فورد ماركيز والله يا كثرها عندنا حول ٥ نبي نغير مع انها عمليه ههههههه

محد جرب الاكورد ٢٠٠٧

دام عندكم فرودن واجد هههههههههههههههههههههههههههههههههههههههههه

اجل شف مالك الا موترين اذا انت استخدامك وسط البلد وتبي اقتصادي وجديد شف الالنترا 2012

اذا تقول ابي موتر ستة وعزم وقيادة وثبات وسعرها رخيص وعملية مالك الا كيا اوبريس

الباقي غالي

زينة الاوبريس اخت الازيرا وسعرها رخيص انا ماخذها ب 39 الف بدي وكالة واعلى فئة وادخل على اسمي وشف تقرير كيا اوبريس يمكن تغير رأيك ترى انا ما خلاها تدخل في بالي الا لما شراها خوينا وشفت سعرها زين وعمليتها توكلت على الله وخذيت فل

بالتوفيق

الاكورد كم بتلقاها ماشيه اقل شي صافقه 250 الى 300 الف تعتبر ماشيه واجد وثانيا مراتبها صدق تكسر الظهر وكلى عليها الزمن وشرب الاوبريس اقل شي بتلقاها ماشيه 190 الى 200 ومكينتها كبيرة ومركبها اريح من الهوندا وازين عزل

ولا الهوندا هالموديل ماعليها غبار من افضل الموديلات اللي مرت عليها لكن جرب مركبها وصدقني بتكرهها

الاوبريس شكلها الخارجي هو الي يعيبها لاكن من داخل في قمة الفخامة 

نصيحة لوجه الله ابتعد عن 6 سلندر وحاول تاخذ 4 سلندر لعدة امور سهولة في الصيانة والكل يعرفلها ال6سلندر علة يعلم الله اخي الكريم مانصحتك الا باللي ارضاه لنفسي.

انا لين يومك يا التيما ما اقتنعت 100% من شكلها الخارجي لكنها مهيب شينه ولاهيب زينه مرررة الفل حلوة بالاصطبات الليد الخلفية ووجهيتها حلوة بالزنون

واشاراتها اللي تحت شرايح كنها اودي لكنها شكلها كمجمل عادي انا اعترف وهي سيارتي لكني شريتها لأني لقيت فيها الراحة والعزم ومتعة القيادة اللي ماحصلتها بشكل كافي في السوناتا
للاحاطة

ازيرا 2008 على قد فلوسك وسياره جيده وقطعها رخيصه

السيارات الرخيصه والي تصلح للشباب  بوجهة نظري ممكن تكون هالوجهه خطاء  لكن هذا الي اشوفه  

الكرف = تايوتا -  حمار كرف عن تجربه 
الراحه =  فورد  - مريح جداً وخاصتاً بالسفرياتَ
المنظر = هونداي - تصاميمها الجديده  قمـه فـ الروعه 

اما البي ام واللكزس والمرسدس  و و و -  ماني قدها عمري ماجربتها @@

رايي الشخصي - ولكن له رايـه

اوبتيما 2011 _النترا 2012 
افضل الخيارات 

شوف ترا قير الالتيما cvt القير ما فيه اي عيوب وما يخرب

بس المشكله الشعب عندنا ما يعرف يستخدمه 

cvt قير مصمم للناس العاقله والي سواقتها هاديه وهو قير اقتصادي ومريح في الأساس لك وللسياره 

اذا انك تحب تدعس على المكينه وتقوم او راعي سفريات كثير ما انصحك بهذا القير 

 الصني حلووه لاكن صني وكاله اكثر من 40 الف وفلوسه 32 الف

انصحك بصني مستعمل موديل 2012 الشكل القديم ولو تلاقي ممشی قليل يكون كويس ولك وللعمر ان شاء الله
والله يوفقك

ياشباب لو وقفت على صني ولا اوبرس ما كان بعت الشبح 
لان ابي شي شبابي مو رسمي وشكرا لكم