تجربة جديده للاكسبدشن عطونا ارائكم

مقاطعك طويله النت عندي محدود

لكن فورد صارت تخوف من المشاكل مثل الخلل الي في التورس وسعرها صار مبالغ للأسف اكسبدشن سبورت صار 180 على ايش

معنا اكسبديشن 2014 اقسم بلله انه راااااحه لابعد الحدود وصوت المكينه ماتسمعه هادي مرره كنه مطفي ورخييص مرره احسن من التاهو واليوكن اللي فضايحهم في النت اكتب فضايح يوكن 2015 وشوف البلاوي وليرضى من يرضى 

انا معتي اكسبديشن 2013 واحلى ما يكون


وسياره اعتماديه درجه اولى 



وسقت التاهو قبل كذا واليوكن بصاحه لا يتفوقون على الاكسبديشن في الخط من ناحيه الراحه والهدوء والعزم

الاكسبديشن افضل من اليوكون بس الناس ما تعرف لانهم ما جربوه   و صراحه الفورد  سياره

من تجربتنا معنا 2013 
رائع جدا ماشاءالله 
والوكيل اكثر من رائع 

عجبني الاكسبدشن بس لو بشتري سياره من هاذي الفئه اباخذ باترول او لاندكروزر شبابيه واحلى بنظري 

الاكسبديشن عائلي بحت 

اخوانه بنفس الفئة جامعين بين الشبابيه والفخامه والعائلية خصوصا التاهو والباترول 

انا للحين من عشاق الاكسبديشن بعته وشريت
تايوتا اف جي لظرف خاص
كنت احطهD واروح من الرياض للشمال
بدون مااحس بالتعب 
اعتماديه بس يبيلها مداراه ولا تلعب بالكهرب
وان شاء الله بيعيش معك
الى كان معي 2006 فكيف الجديد
بمحرك ايكو بوست والمواصفات العاليه
اكيد بيكون ابداع

كل موتر وله محبيه

واتوقع التاهو و اليوكون راح يباع اكثر لان شكل جديد

وشف كيف صار منتشر 
ومواصفات حلوه مقابل سعر يستاهله 

اعرف ناس كثير اشترو تاهو ويوكن وماندم على اللي دفع فيه

هذا دليل انه اثبت وجوده بالسوق وبقوه

الاكسبدشن تغير نص وخلو النص

بغض النظر عن السعر لكلا السيارتين 

وتاهو واليوكن أفضل بجميع النواحي  

مع الوالد 2014 اكسبدشن دبل

مريح جدا , عزله ممتاز , وسيع جدا و يتفوق على التاهو واليوكن في الوسع الداخلي , وايضا المرتبه الاخيره وسيعه عند الارجل وتشيل 3 بالراحه 

مرتفع اكثر من اليوكن والتاهو بفرق كبير , صوت المسجل جدا واضح والعزل ايضا الارضي وعزل الهواء له دور في نقاوة الصوت وتحس نفسك في غرفة معزوله

صوت دبته وشكمانه ممتاز جدا ورياضي وغير مزعج نهائيا 

عيوبه : عزمه والله مو ذاك القد وهو اكبر من التاهو واليوكن في سعة المكينه , هو 5600 و التاهو واليوكن 5300 , لازم تدعس له عشان يقوم , المفروض بس احط رجلي عليه يفز , لكن مشكلته لازم تدعس له عشان يمشي زين مع الناس , لو رجلك خفيفه  يطول في القومه والناس تزعجك من ورا يقولون لك امش

وايضا من عيوبه , المرتبه الوسطى ما فيها تكايه بالوسط , وايضا في صوت وصوصه في فتحه المكيف اللي عند باب السايق

هذي عيوبه اللي واجهتنا فيه , والان ماشي 20 الف كيلو

مميزاته , رخيص جدا مقارنه بالسيارات العائليه الاخرى , وله قطع خارج الوكاله وفيه تجاري وفيه اصلي وفي محل الاصلي

مثلا الصدام حصلته ب 300 ريال تيواني و الشمعه ب200 ريال والمكحله 250 ريال , رخيص سواء بودي او استهلاكي

وايضا فيه قوه ما شاء الله بالبودي واعتقد الاغلب شاف حادث الاكسبدشن مع 8 سيارات , وداهم تشليح و ماوقفه الا جمس 98 ابو حديده , والجمس تاثر بعد وبقوه , والاكسبدشن اضراره خفيفه ما شاء الله على قوة الحادث

معليش جيت اعطيك لايك , وما رضى , وجيت احط دسلايك عشان اعدله لايك , وثبت على دسلايك :(

ابو يزيد مكينة الاكسبدشن اعتق 5.3 او 5.4 مو متاكد بس هي واحده من الاثنين اللي حددتها وماعتقد انها 5.6
يعني 5.4 على 310 حصان تعطيك عزم 480
و 2015
3.5 على 365 حصان تعطيك عزم 560
ودي اجرب الاكسبدشن بصراحه الجديد فالقوه

وبكرى باذن الله بعطيكم راي الحين بلحق وراي شغل
يعطيكم العافيه على مروركم واحد واحد

مكينة الاكسبدشن 5،4 مو 5،6

المهم قوة الأحصنة و مقدار العزم الناتج عن حجم المكينة
مع مكينة التيربو لو انها ست سلندر
 انتهت مشكلة نقص العزم بالاكسبدشن

ايه ممكن 5.4 لاني ما اتذكره زين , ما فتحت كبوته الا مره يوم غيرت له زيت , لكن ماهو مثل اليوكن 5.3 

انا مجرب السوبر بان و الاكسبديشن الطويل والله فررررق شااااااسع في الراحه في العزم في توفير 
البنزين 

و اذا نزلت حفره ب الفورد ماكني نزلت في حفره اما السوبر بان تقوول نزلت في بييير ماهي حفررره

و انا ارشح الفووورد افضلل

الاكسبدشن ثقيل