تـــــحـــذ يـــر و تــــــــــذكــــيـــــر

جزاك الله خير... وفعلأ كلامك صحيح100%100

مسكين فاهي بعد الله يعوض عليه اكبر غلط ترك السياره تشتغل ومفتوعه بعد ياخي على الأقل قفلها

احسن ويستاهل وودي فيه

نعلم فيهم كاننا نعلم جدران ورب الكعبه

نقولهم طفوا السياره لا نزلتوا البقاله او المطعم , ياخي حتى ولو تنزل تسولف مع صاحبك طفها , وش انت خسران

بيقولك السويتش بيخرب لا قعدت اشغل واطفي , ياخي خله يخرب عليك سويتش قيمته 1000 ريال و لا تنسرق سيارتك قيمتها 50 الف او 100 الف

ولا يسمع منك وكانك كنت تكلم جدار وتلقاه يوقف ويخليها شغاله !!

فالحين اتحداك ان خلا سيارته مره ثانيه شغاله عن بقاله 

تلقاه حتى لو نزل يبي يقفل الشنطه , يطفيها من زود الحرص ويقفل الشنطه ويرجع للسياره ويشغلها من جديد

ناس ياحبي لها تفهم من اول مره ( بدون ما تندق ) او يفهم لا شاف مقطع واعتبر 

لكن في بعض الناس مثل اللي بالفديو ما يتعلم ولا يتعض ولا يعتبر ( الا لما يندق )

هو اللي جنا على نفسه وهذا ما قدمت يداه

وما نقول الا الله يعوضه خير ويهدي الكل

ادعو لصاحب الموتر انه يحصلها ويعوضه وحسبنا الله على كل سارق وماكل اموال الناس بالباطل

دبل  لايك لراعي الموضوع  
كلامك   100%  ابو خالد   خليه السوتش تخرب   الف مرة ولا  ينسرق الموتر  

الواحد لو  موقف سيارته عند بيته المفروض ماينزل ويخليها شغاله
كيف يخليها بشارع عام بوضع التشغيل !!
فيه واحد بحارتنا شغل سيارته الصبح وهي واقفه قدام باب بيتهم ونزل عشان يلبس بدلته 
يوم طلع مالقاها انسرقت من قدام البيت ومالقاها الا بعد كم شهر  ومشلحة السيارة 
مخلينها سكراب وهي موديلها 2013
ومن بعدها وبعد موقف صار لي عند محطة صرت مانزل وسيارتي شغالة لا عند البيت ولا غيرة

انا ان شاء الله سيارتي تشتغل بملعقه من قوه ماهي خرده
لا وقفت عند بقاله بطفيها واخذ الملعقه معي
بس والله رحمته قاعد يمشي المسكين 

ثم نتحدث عن الاسلام ؟ اي اسلام الذي نتحدث عنه 
هل سرقة اموال الناس بالباطل هو الاسلام 

والذي كرم وجه محمد بالحق اننا مسلمون بالاسم فقط 
نأكل اموال بعضنا ونغتاب بعضنا ونستهزئ بأشكال ولبس بعضنا 
بل ان البعض يستهزئ بالفقراء ، الزنا واللواط انتشر بين الناس بشكل مخيف 

حسبنا الله ونعم الوكيل 
اسأل الله ان يعوضه وان يشل يد السارق حتى لايستطيع ان يرفع طعامه بها 

هذيك المره قدام عيني جمس 2009 بمحطه  زي كذا نزل وخلاه شغال وقدام عيني انفشخ وانا ماكنت ادري احسبه راعيه نزل من البقاله الرجال قاعد يصيح ومفجووع 

أنا مهما يكون لازم أطفيها دام اني بنزل منها .. إلا إذا كنت واقف عند السيارة عند الباب ..

ماهي خسارة كلها 3 ثواني وتطفي وتشغل وتمشي .. والحمدلله تشغيل بزر ..


والي يقول بيخرب السلف .. أقول خله يخرب وتخرب المكينة معه ، ومن عندي القير برضه << وش خليت :D
ولا تنسرق السيارة وتقعد نادم طول حياتك .. أو تنسرق السيارة الي شراها لك أبوك وتقعد تلوم نفسك طول عمرك ..
عني ممكن تجيني حالة نفسية :D

وبرضه الحمدلله ناس كثير يطفي ويولع وباقي السلف شغال وما خرب أبداً .. لكن الغالب الكسل والنسيان ..

وعليكم السلام ورحمة الله وبركاته 

الصراحة شيء يغبن فعلاً , حط نفسه في موقف لا يحسد عليه 
الله يعوضه خير والسعيد من أتعضه بغيره , شكراً لك

حسبي الله ونعم الوكيل
ان شاء الله يلاقيها..

لكن اظن السيارات اللي فيها ريموت فقط 
و رز بصمه عند الباب لو تخليها شغالة وتقفلها وتروح 
ماتنسرق لان الباب مايفك الا لما يكون الريموت 
مره قريب من السيارة مع ان سيارتي كذا الا اني ما اظمن 
واقفلها 

والله يا شباب انتبهوا لسياراتكم 
وخاصه في رمضان الواحد ينزل 
من سيارته ودرجة الحرارة 43 
ومايبي يطفي علاشان المكيف 
يبرد زين والحراميه عارفين 
الشي هاذا 

الحين الحراميه يقف عند البقالة ينتظر اي واحد يخلي 
سيارته شغالة 

في رمضان يقف عند البقالة يشوف السيارة الزينه 
وينقز فيهــا 

الي سيارته بصمه 
ينزل ويقفلها بالمفتاح وهي شغالة 
ويخلص شغله ويرجع لها يفكها بالمفتاح 
وامورك تمام لكن احتمال يكسر القزاز 
وينط فيها 

مره كنت في حفر الباطن في مهمه رسميه 

المهم وقتها شريت لي باثفندر 2010 ورحت انا ورفيقي ل مطعم الرافدين نطلب عشاء 
وانا قاعد انتظر بالسياره الا ذاك راعي اللكزس es 2006 اعتقد وقف قدامي وترك السياره شغاله 
وراح يطلب من المطعم ... طبعا شفته يوم نزل من السياره .. المهم ماهي الا ثواني ويجيك واحد درباوي يركب السياره وينطلق فيها 
وانا اعشق وراه وانطلق والله ماهي الا دقايق بسيطه الا وانا محجر له عند حديقه كانت على اليمين 
( عرفت ان الباثفندر موووووتر عزم ) المهم نزل من السياره ذاك البزر اللي ما يملئ العين
وحط رجله وانا اتصل في رفيقي اللي نزلته عند المطعم وقلت يجي ويجيب معه صاحب الموتر 

وجاك راعي السياره اخذ موتره طبعا لا قال شكرا ولا عفوا وللأسف انه من جنسيه خليجيه 

الحين   فيه  نظام تبع المركية  وتقدر  تطفي  موترك  عن طريق الجوال  لو انسرق 
هو سستم كامل  يركب على  السيارة   بصمة  وتتبع   وتحكم في السيارة عن طريق الجوال

والله يا اخوان لو لي سلطة ان هالظاهرة راح تقل بنسبة 80% ولا احد يتجرأ يسرق سيارة على سبيل المثال

تقوم الدوريات الامنية بأخذ سيارات مجهزة ويستطيعون التحكم عن بعد بأقفال السيارة وايقاف محركها ويجي شخص يركبها وينزل لأي محل بمجرد ما يركبها الحرامي ويبي يمشي تتقفل عليه السيارة ويقبض عليه ويحاكم

خلال شهر واحد الحرامية بيختفون

ههههههههه يا زين الاس اس ٩٦،،،،كان المفتاح يطلع من السويتش والسيارة شغاله،،،،،واقفلها بالريموت والمفتاح معي،،،،ليتني ما بعتها

الله يعوض راعي التاهو

والعاقل من اتعظ بغيره

عندنا ناس نسال الله لهم السلامة 
اذا جوالة يشحن بالسيارة ونزل البقاله
ياخذ الجوال عشان ما ينسرق ويخلي الموتر شغال :)))
هههههههههههههههههههههههههههه