افضل انواع الزينون ؟

عليكم السلام ورحمة الله وبركاته 
اذا بتركب من الزينة 
ترا كل اللي عندهم صيني ومستحيل تلقى زينوون اصلي عندهم
يقول لك اصلي وهو صيني واسعارها 140 ' 250 ' 450 ' 600 ' 800 ' 1200 ' وفيه اغلا من كذا 
وكلها نفس الشي صيني اللي يفرق بينهن اسم الشركة بس وبعضها عليها ضمان 
كم شهر على المحولات واضائتها زينه وتمشي الحال  .. انا مره لقيت زينوون صيني عند يمني ب 400 
رحت لمحل ثاني لقيت عنده نفس اللي عند اليمني بالظبط ونفس الشركة ب 140 شفت الفرق والنصب ههههههههه
اهم شي ركب اللي معه ضمان وخذ منه فاتورة وكل شي يكتبه بالفاتورة بالعربي مو انقليزي 
وفيه 55 واط و 75 واط ومدري وش الفرق بينها اصلا ويفيدونك الشباب اكثر 

عاد تصدق اني قريتها…  افضل انواع الزيتون……….. وخشيت على طول ههههه

حياك يا w asaانا اليوم لفيت محلات الزينه كلها ماخليت محل مارحته لكن المشكله زي ماقلت كلها صيني
والصيني ينخاف منه عشان كذا كتبت الموضوع ابغى واحد فاهم يفديني

الأصلي أنواع زي الدينسو الياباني وهذا الظاهر تحصله في وكالة تويوتا بسعر وقدره مع اللمبات ..
والهيلا الألماني وهو أسرع تحمية .. والفاليو الفرنسي ( الكيت كات ) وغيرها وهذي الأشهر

وتجي 35 واط فبالتالي ما تكون حرارة اللمبة مضرة على العواكس الداخلية أو زجاج الاسطمبات ..



أنصحك أدخل : منتدى أنظمة إنارة السيارات .. واحد اسمه محمد السلطان ممتاز جداً ويبيع أصلي 100%
أو له موضوع هنا :
http://www.toyota4arab.com/forum/t161331.html

وفيه برضه : المحترف لإنارة السيارات تلقاه في اليوتيوب يبيع أجهزة صينية من نوعية ممتازة ..




أنا طلبت من منتدى أنظمة الإنارة طقم دينسو مع اللمبات بلون 4300K وهو الأفضل بـ1050 ريال .. لكن لسى ما وصل دوري في الطلبات

تبي الزين الزين؟
هيلا بعدها الدينسو 
للعلم الزينون الاصلي يجي فقط 35واط مايجي لا 55 ولا75 ولا100

الزينه كل اللي عندهم صيني وان جابلك اصلي باضعاف اضعاف سعر الاصلي

الله يبقيك
ركب اللي يعجبك بس لاتركب زينون بدون ضمان 
وثاني شي المحولات تركبها بمكان مايجيه ماء عشان ماتخرب المحولات
وتخرب عليك كهرب السيارة انا مركب زينوون صيني 55 واط ب 230 عليه ضمان 3 شهور 
اضائته زينه وطفى معي مرتين بالمطر لان يجي على المحولات ماء وبعد كم يوم اشتغل
والحين ظبطت مكانهن وشغال احسن مايكوون 

والله اني مركب زينون صيني ب 200 ريال
للحين حول سنه كامله وشغال معي

بارك الله فيكم ماقصرتم وجزاكم الله خير

والله انا اشوف انك تدخل منديات فورد نشيطين جدا وتشوف راعين التوريسات وقد شفت مواضيع هناك لناس ولفو زينون لتوريس
واشوف ف الشوارع ناس معاهم توريس مولفين زينون وشغل مظبوط 

لكن لاتمشي ع المحلات هذي اللي برا 

شوفلك واحد ( سعودي) من الشباب اللي ف النت انو اتصل ع المحترف المحل اللي بالباحه واستشيره 
هذي المرة بكون عنصري لأن جد جد ماقد لقيت خبرة الا سعودي الاجنبي يد ماهرة فقط :)

عندك الزنن الي تستعملها هونداي اوسرام 35 واط ولون اللمبه 4300k رح الغرابي واساله عن محل الزهراني
للبيع بالجمله يبيع كل شي بقيمته الجمله اللهم فرق شي بسيط الا وهي فايدته
زي الظفيره ام 80 يبيعها ب35 الوكاد تلقى عنده زنن الاوسرام ب900 وضمان عليه

بعض الاخوان نصحوني بزنن ليكزس 460


يقولون افضل زنن تركب على التورس
وش رايكم

انا مركب زينون 55W للتورس عليه رسمه تفاحة 
في الخط الصلاه على النبي والشمعه 4300K 
والتحميه سريعه 
بس فيه ملاحظتين 
اذا له اكثر من دقيقتين طافي وجيت تكشح ب العالي على طول
مايشتغل لازم تحمي ب الواطي ثانيه ع الاقل 
والملاحظة الثانيه اوقات تفصل شمعه ماتشتغل لازم اطفي النور
وارجع اشغله تشتغل 
وماني مركب كتاوت لان اكثر من شخص قالي ماتحتاج 
لانها 55 واط 
وانصحك تدخل موقع فورد العربيه تلقى ناس خبره اكثر 
ومجربين - مـوفق . 

ومكان تثبيت المحول في الرفارف من جوا فيه فتحات ثبته 
فيه ب الربطه البلاستيك حق الطيس 
واهم شي الغطا حق الشمعه من جوا لايقطعه زياده 
خله يفتح مكان صغير جدا عشان الفيش والاسلاك حق الشمعه 
عشان الغبار والتراب مايدخل ورى العدسة 

الله يسعدكم كفيتم ووفيتم

اذا تبي نصيحتي 

لاتركب الا اصلي 

التجاري والله ماينفع كل فترة تنحرق اللمبات 

واضاءة سيئة

ركب اصلي وريح دماغك

انا مركب هيلا اصلي وربي روعة بس مشكلتي ركبت لمبات كوري مايتحمى ع طول

ابو زهره كانك بالرياض ,,فيه محل في العريجا خلف اسواق الرياض الدولي بشارع يسمونه شارع الهيئه لان فيه مركز هيئه
وبعد هالمركز يجيك محل لوحته بيضا مكتوب اضواء الزينون
كنت مركب عنده زنن بـ 1800 ريال ,,بيني وبينك ما علمني وش نوع اللي يستخدمه ووش صناعته بس للذمه 
والله كنت مركبه على اكورد 2004 على ايامها الاكورد ذيك السنه ,,ازيدك من الشعر بيت ,,اعطاني ضمان سنتين 
ووين تحصل احد في عام 2004  يعطيك ضمان سنتين والمهم جلس معاي 6 سنوات والله ماهو تسويق للرجال
لكن يعلم الله زنن ماعمري شفت زيه ولونه جميل جدا جدا..
 مره وحده بس طفت شمعه تقريبا بعد 4 سنوات من تركيبه ويوم رحت وديته للمحل غير لي فيوز في الضفيره 
واشتغل ويشهد الله على كلامي ,, طبعا السياره صار لها حادث وبقت شمعه وحده مع محولها للحين محتفظ فيها بالمستودع 
طبعا الزنن لازم يحمي ومو حق تكشيح ابد يعني الزنن حق ناس عاقله ويفرش بالخط زي اللوز .
موفق ابن عمي 

انا ركبت وصار اذا دقيت سلف يرمش ويطفي لازم اطفي النور واشغله وشالحل