سبب منع الدوران في القصيم وحجز السيارات

لا تلومهم ,,,,,, كل من يركب جيب ربع أو هايلكس غمارة أو ددسن ( معدلة ) بمنطقة القصيم فهو مشكوك في وضعه
مع احترامي لك أنا لو أشوفك بجيب ربع أشك فيك على طول ولا تقدر تلومني وأنا لو أعرفك عز المعرفة
مستحيل تكون صديق لي أو أسمح لأحد إخواني أو ابنائي يمشي معك 
لأنه بالعربي أصحاب هذه السيارات معظمهم إن لم يكن كلهم أصحاب مخدرات مسكرات درباوية تفحيط خطف لواط ,,,
 أنت بنفسك يالرشيدي أنا لا أعلم لماذا تركب هذه السيارة ؟؟؟؟ودافع فيها ذيك القيمة وهي لا راحة و لا أمان
وفوق هذا كله لها لقب مشهور بين الناس ماودي أذكره هنا إحتراماً للقراء ( وأنا متأكد إنك تعرف اللقب ) 
كيف ترضى على نفسك وانت داخل لمجلس رجال بمناسبة ما ومصفط ذا الموتر بين سياراتهم ؟؟؟؟؟
أو عازم لك رجال ببيتك وذا الموتر موقف عند باب بيتك , أنا متأكد إنه بيوم العزيمة توقفه بمكان بعيد عن البيت  
والكل يعرف نوعية أصحاب هذه السيارة ونظرات الناس لهم فإن كنت تدري فتلك مصيبة وإن كنت لا تدري فالمصيبة أعظم 
لذلك لو تلاحظ في الآونة الأخيرة أصحاب جيوب الربع يوقفون جيوبهم في الغالب في إستراحاتهم مو عند بيوتهم
خوفاً من ( الفشيلة ) بين الجيران والأهل والأقارب ........حتى بالعلامة خلك واقف عند إشارة بسيارة غير جيب الربع
وإصفط جنب جيب ربع وطالع في السواق إذا ماحصلته منزل رأسه لأنه متفشل ولا يقدر يطالع بالناس قل فلان ماقال . . . 
 وأعذرني وأنا أخوك على كلامي الجارح . . . . . . فهو والله محبة لشباب البلد لا كرهاً لهم 

هلابك خارج الؤسط الرياضي... اخؤي انا ماهمني احد الأهم سياره تؤدي وتجيب وشريته عشاان البر والتطعيس وانا يؤمي يركبون معي اخؤياي وكل أصدقائي سياراتهم ربع وشاص وهايلكس غمارهللنصب والمراقى والا فيها شيء وكان معي كابرس 88 يومي تفتيش من النقط والا الربع والهايلكس والددسن المعدله افضل ل والحمد لله على كل حاال وباانتظر الربع 2016 وبشري لي واحد.. والناس ماهي سؤئ شؤف اهل حائل والجنوب والشمال كلهم جيؤب ربع ماافيها شيء الا بالقصيم فقط الله يهدي الشباب جميعا ياارب وانا مؤب رااعي الدوران وايضاا جميع امااكن الدروان كلهاا دورياات 24 سااعه وبحث.. وانا شغال بامن الطرق ..ولو يمسكون عسكري بالدوران على طؤل فصل.. وتحيااتتي لك وشرفني مرؤرك..