أضف سؤال أو موضوع جديد          

العلم الأكيد بارك الله فيكم

up 3 down 15
المنطق يقول 725
قبل 4 سنه و 7 شهر



السلام عليكم ورحمة الله وبركاته
مساااااااااء الخير ياشباب 
عندي استفسار للي جرب فحص الكمبيوتر للمكينه هل الفحص يعطيك نسبة المكينة؟ وكيف؟ وهل الفحص يثق فيه
او كلام فااضي؟  انا اشتريت اكثر من سياره وماكد فحصتها كمبيوتر اسمع صوت المكينه وادعس على البنزين
عشان اشوف فيه دخان او لا وتجربتها بالطريق ومن هالامور البدائيه  والحمدلله ماكد انكبت بسياره  الان عطونا العلم الاكيد بحث كثيروسألت لقيت
اللي يقووول خرطي واللي يمدح وينصح به 
وإذا الفحص مضمون وين مراكز او ورش الفحص ببريده 









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


خرابيط يقيس فقط كهرباء البواجي اذا جديده  البواجي عطاك نسبه فوق ٨٠ واذا بواجي قديمه عطاك تحت ال٨٠ ثم يقولك ضعف شمبر بدايه  يعني ماعندهم سالفه واتحدى اي فحص بلعالم 
يكشف عيب بلمكينه او حتى الاستوب  بلجهاز االا اذا شي واضح بلمكينه من دخان واصوات وقربعه قويه هاك الساعه يمكن يكشفونها  
ضاحكين على هالعالم والناس مدرعمه  بس نفعتهم بلبدي 



up 5 down 1
qqq11r 109
قبل 4 سنه و 7 شهر



ياخوي افحص بس نسبه مكينه وما مكينه كﻻم فاااضي سمعت انو واحد اشترى سياره وموضبه مرتين وطلعت نسبه المكينه في الثمانينات 
ونسبه المكينه ترتفع اذا غيرت كل شيء استهلاكي يخصها زي فلتر زيت الخ.. والله اعلم


up 2 down 0
صالح باسنبل 240
قبل 4 سنه و 7 شهر



حياك يالغالي النسبه تعتمد على الكهرباء البواجي واسلاك البواجي وطقتها
اعطيك مثال واحد قبل فترة اعرفه فحص طلعت النسبه 88
وغير البواجي وراج فحص وطلعت 91 يعني شغلة بواجي وطقتها
ولاكن ليش يفحصون الناس يطلعلك اشياء غير النسبه
مثل معجون سمكرة ضربه في الشاص تهريبات قص بودي
علبة الدركسون يعني فية اشياء غير نسبة المكينه يوضحها لك


up 2 down 0
الرفاعي33 13906
قبل 4 سنه و 7 شهر



الرفاعي

انت راعي الكامري الأمريكي ههههههههههه


up 1 down 7
ابرااهيم التركي 29
قبل 4 سنه و 7 شهر



لا ولد عمه هههههههههههه اقولك شوفلك حل في الشبك 
غيرة ولا اقولك شيله مرة وحده خل مكانه فاضي كذا ماينفع 
وبيض الله وجهك يابراهيم تعبناك معنا 
ولاكن شرفني اني قابلتك ونعم فيك يالنشمي


up 3 down 2
الرفاعي33 13906
قبل 4 سنه و 7 شهر



وعليكم السلام
,,مراكز الفحص اي كلام ,,النقطة اللي ممكن يفدوك فيها السمكرةفقط,, اما كا المكينه والقير والدبل والدفرنسات ,,فا انا اشوف مكيانيكي متمكن واعطية 100 ريال ويفحص جميع المحركات ويشوف هل هي مفكوكة ام لا وهنا الاهم ,


up 1 down 0
ابونادر4647 285
قبل 4 سنه و 7 شهر



اخوي حياك انا من بريده عندك مركز القرعاوي بصناعيه السليم  ممتازين بفحص المكينه ويعلمك كمبيوتر  


up 1 down 0
لينكولن 2011 439
قبل 4 سنه و 7 شهر



فحصت سيارات كثيره قبل شهر وواحده من السيارات اللي فحصتها بالكمبيوتر طلعت نسبة عاليه 90 % وبعدها فحص برفع السيارة وطلعت المكينة مفكوكة وواضح جدا.. وبعد فتح غطاء المكينة لاحظت خروج بخار ولابد من تسليط النور الجوال او كشاف لتراه وطلع فيها شمبر.... ماعليه اعتماد كبير فحص الكمبيوتر


up 2 down 0
الفراعنه 316
قبل 4 سنه و 7 شهر



مرةً معي في اكس ار 2004 ولعت كل لمبات الطبلون
ورحت للكمبيوتر وعمالة فلبينية
وقالو هذا حساس المكينة العلوي قيمته 1800ريال
المهم رحت لكهربائي يمني بيض الله وجة قال هذي فحمات 
دينمو الكهرب وفهلا غيره وكلوه تمام

كمبيوتر خرطي

وباالتوفيق


up 2 down 0
باترول 2020 2624
قبل 4 سنه و 7 شهر



انا قبل فترة بعت لومينا اس اس 2004 بوية بلد نظيفة جدا المهم انا في الشرقية والمشتري من جدة رسلي اثنين من اخوياه عشان يفحصون الموتر ويوم قلت لهم اقابلكم في مراكز الفحص الي بلمعارض اعترضوا وقالوا لا نبي محل كمبيوتر خبير في الورش قلت براحتكم المهم وركبو معاي ورحنا عند خويهم وبعد ماقلب وفحص ووقت شطولة شعرضه قال لهم بلحرف الواحد السيارة دفعه استراليه ؟؟؟؟؟؟


قلت له كل الكوابرس واللومينات استرالي من 2000 وفوق المهم وكلام طويل عريض اخر شي قلت له انت ماذكرت ولا قلت ولا تكلمت عن اسفل السيارة ضحكت وقلت له السيارة فيها تهريب من عند الصوفه الخلفيه وربلات عمود السحب والله الظاهر المشتري منغر فيك وخليتهم على راحتهم بعد ماخلص الفحص اخذ عليهم 250 ولا اعطاهم لا تغرير ولا برنت ولا حاجه كلمهم على جنب ههههههههههههه تحس كلام فاضي يوم ركبوا معاي اخوياء المشتري بعد الفحص واحد منهم يقول صحيح كل اللومينات استرالي ضحكنا شوي ومشينا للمعرض المقصد من الكلام ان دفع فلوس على قله سنع والمشكله في ملاحظات مجاب طاريها مثل تهريب الزيت وربله التوازن الامامية ؟؟؟؟


up 1 down 0
maldkheel 519
قبل 4 سنه و 7 شهر



هم ينفعونك بالبدي اذا كان فيه معجون فقط


up 2 down 0
خالد ___الرياص 1329
قبل 4 سنه و 7 شهر



ماقصرتم والله يعطيكم العافيه 
لينكولن 2011 الله يحيك ومشكور ماقصرت
maldkheel المكانيكي اكشتف ((السرالغامض))  دفعة استراليه هههههههههه  والله صادق بعضهم ماعنده سالفه يعطيك العافيه 
ولايك للجميع



up 1 down 4
المنطق يقول 725
قبل 4 سنه و 7 شهر



السلام عليكم ورحمة الله وبركاته

طيب يا شباب نفرض إنه فحصت موترعند مركز وقالوا الموتر بودي وكاله و كل شيء سليم وبعد فتره إكتشفت إن الموتر فيه مشكلة مثل رش في البودي ولا المكينة مبوشه 

هل يحميك القانون ولا تروح تشرب من البحر.


up 0 down 0
elegant 731
قبل 4 سنه و 7 شهر



^^^^
وعليكم السلام ورحمة الله وبركاته

لا .يحميك القانون بشرط يكون معك تقرير الفحص وتثبت انك ما سويت شي في السيارة
يعني مثلا تكون انتبهت للمشكة بعد يومين ثلاثة الى اسبوع .
مو تجي بعد سنة وتقول المكينة طلعت مبوشة


up 1 down 0
w1w1 2204
قبل 4 سنه و 7 شهر



اصلا الفحص مكتوب بلورقه الفحص غير مسؤل عن السياره بعد خروجها من المحل 
يعني انت وحظك هههههههه


up 1 down 0
qqq11r 109
قبل 4 سنه و 7 شهر